أبي نادي راقي + هادي مافيه ضجه + والاهم فيه حمام سباحه سنع

[.● Softiah ●.]

بنات ماني مشتركه بالنادي عشان الرياضة والاجهزه
آنا بشترك عشان حمام السبااااحه
ابي نادي اروح اسبح فيه وارجع
مابي نادي يجبرني بجدول ومادري شنو لألألأ بس ابي اسبح

مو مهم مكان النادي ولا مهم السعر عادي موفارقة وياي ابي ادلع روحي بالصيف
الاهم انه يكون راقي ومافيه زحمة ولوية بنات وخز
وين تنصحوني؟

قريت عن نادي Fit بس مادري شرايكم انتوا؟ خالتي تقولي روحي نادي الهلال بس الهلال يوم حريم ويوم رياييل مابي جذي آنا

الصراحه ماعندي خبره بالنوادي كلللش
ولحد يرشح لي لافام الي بالخالدية لانه لي موقف خايس وياهم واكرهم كره الشر

وبس سلامتكم
:eh_s(17):​

 

[عالم البزنس]

كنت بقولج لافام بالخالديه
بس ماتبينه

روحي فندق ريجنسي

 

[سالم الروح]

ماانصحج بالهلال. مونظيفً وموكل يوم

اختي تمدح رمادا بس مااشوف احد مجربه بالمنتدى

 

[CAT W0MAN]

فييت بالدسمه يم جمعية المعلمين ومسرح الدسمه رووعه والحمام السباحه عوود والنادي ملموووووم

 

[عالم البزنس]

اختي سالم الروح انا مجربه رمادا
وكتبت تجربتي بموضوع اسمه (فندق رمادا)
اقري تجربتي

 

[.● Softiah ●.]

مشكورين بعد قلبي
تبردون الجبد


عالم البزنس
ممكن رقم ريجنسي؟ توني ادري انه عندهم نادي

سالم الروح
كنت هاقية انه الهلال مش ولابد سبحان الله كشيت منه بدون لا اشوفه

كات وومن
تعرفين رقم نادي فييت حبيبتي؟

:eh_s(17):​

 

[الجوري74]

نادي فيت
٢٢٥٢٦٠١٥

 

[Bnt.Azmer]

ليش ماتروحين شامبينز اليديد راقي وكبير وحمامين سباحه كبار

 

[@ دهن العود @]

نادى منتجع صحارى راقى مفكره اشترك فيه السنه ب 900 والشهر ب 140

 

[.● Softiah ●.]

الجوري مشكووووورة عالرقم


بنت ازمر قالولي شامبينز يسوون جدول نلتزم فيه مع مدربات انا مابي جذي ابي اروح سباحه مو رياضه
اذا يصير سباحه وبس بروح له

​

 

[.● Softiah ●.]

نادى منتجع صحارى راقى مفكره اشترك فيه السنه ب 900 والشهر ب 140

منتجع صحارى فيه نادي؟ عاد وايد حلو المنتجع هاااااااادي وعلى المزاج احب جذي
عندج رقمهم حبيبتي ؟

​

 

[المهظومة]

نادى منتجع صحارى راقى مفكره اشترك فيه السنه ب 900 والشهر ب 140[]
يادافع البلا.. وش ذا الغلا..وحنا بعد ناقصين مصاريف..يا ناس اهل النوادي اذا شافوا هالاسعار يبون يرفعون كل اسعارهم..ورحنا وطي!!!
:bbbiu:
:eh_s(14)::eh_s(14)::eh_s(14)::eh_s(14):

 

[][ sarah ][]

مدام انج قلتي نادي فيت انا مجربته
المسبح مافيه بنات وايد وصج ان فيه كلاسات بس مايجبرونج تدشينها يعني عادي يكون فيه كلاس وانتي تسبحين بروحج محد له شغل فيج

ونظيف
واذا ماخاب ظني فيه نوادي بس تكون للسباحه

 

[.● Softiah ●.]

مدام انج قلتي نادي فيت انا مجربته
المسبح مافيه بنات وايد وصج ان فيه كلاسات بس مايجبرونج تدشينها يعني عادي يكون فيه كلاس وانتي تسبحين بروحج محد له شغل فيج

ونظيف
واذا ماخاب ظني فيه نوادي بس تكون للسباحه

يعطيج العافيه حبيبتي اهم شي نظيف وما يجبروني على كلاسات السباحه :eh_s(15):
​

 

[زيتونه مرت باباي]

منو تعرف النادي اللي يم نادي الغوص

 

[whisper2]

حبيبتي انا مشركة بفلكس ومن وعلى حريتي
نظيف وسيع وحماميين سباحه
وما العب رياضه انا اروح لسباحه وسكواتش
مايحبروني على شيء

 

[.● Softiah ●.]

حبيبتي انا مشركة بفلكس ومن وعلى حريتي
نظيف وسيع وحماميين سباحه
وما العب رياضه انا اروح لسباحه وسكواتش
مايحبروني على شيء

مشكوووووووورة حبيبتي :rerrerek:
بس اهوا وين مكانه؟ وبجم اشتراكهم بالشهر؟
:eh_s(17):

 

[نـــواره]

شوفي اختي لافام حلو
بس في عندج شامبينز روووعه اينن والمدربات نفسهم حلوه
وعلى كبره كثر ما يصير فيه زحمه تحسين انه فاضي
في مدربات للاجهزه والسباحه في مدربات سباحه ومدربات تمارين
غير الرقص وتمارين ايروبكس
وفي ممشي وفي متابعه
وفي صالون
وفي جلسات تبيض وجلسات مساج بانواعه
يعني قمه في الروعه وراقي
انا حاليا مسجله فيه صار لي 4 اشهر
الشهر 250
3 اشهر 400
سنه 450 + 5 جلسات مساج ريلاكس
موفقه

 

[.● Softiah ●.]

شوفي اختي لافام حلو
بس في عندج شامبينز روووعه اينن والمدربات نفسهم حلوه
وعلى كبره كثر ما يصير فيه زحمه تحسين انه فاضي
في مدربات للاجهزه والسباحه في مدربات سباحه ومدربات تمارين
غير الرقص وتمارين ايروبكس
وفي ممشي وفي متابعه
وفي صالون
وفي جلسات تبيض وجلسات مساج بانواعه
يعني قمه في الروعه وراقي
انا حاليا مسجله فيه صار لي 4 اشهر
الشهر 250
3 اشهر 400
سنه 450 + 5 جلسات مساج ريلاكس
موفقه

بعد عمري مشكوره عالمعلومات :eh_s(7):جامبيونز راقي لي تبحبحت ميزانتي مفكره اشترك فيه سنة واونس عمري :eh_s(15):​

 

[muslima]

السلام عليكم اختي انا اشتركت بالنادي جديد اسمه strech بالسالمية راقية و كشخة يديدة هادية احسن اجهزة بالعام حمام سباحة كله حقج (يعني ناس قليل جدا) اشتراك بالسنة 500 دينار على ما اعتقد. بس اذا تبين ابيع عضويتي ب 400 دينار لمدة سنتين لاني الحين اسافر و بعد حامل. فما استفدت من فلوسي قررت ابيع لان ليمة اولد يبيلة 9 شهور بعدين مع البيبي بعد قعدة بالبيت سنة راح علي اشتراكي فا اختي اذا تبين اخبريني او اذا احد تبي قوليلي . اشكرج