أبي نادي لمابعد الولادة

[om_judy]

السلام عليكم بناات

هذا أول موضوع أنزله عندكم وحابه استفيد من خبراتكم مشاء الله عليكم

أنا صار لي 4 أيام من ولدت وهذي أول بيبي لي الله يحفظها والحين أحس روحي حدييييي مكتئبة وكارهه نفسي من عقب الولادة لأن توقعت ينقص وزني بس للأسف مانقص وايد وملابسي القديمه ماصارت تدش فيني

عاد ودي أستغل فترة النفاس وارد لوزني قبل بس حابه أعرف اذا في نادي يعطي كورسات وتمرينات لما بعد الولادة يعني أشياء خفيفة لأني توني ماصار لي اسبوع من ولدت

بليييييييييييز ساعدووونييييييييييييييييي

 

[fa2ma]

حبوبة ليش مستعيله جذي ؟ تو الناس ..عطي نفسج مجال انتي توج والدة و عندج هالاربعين يوم راح تفشين فيهم واااااايد و لا توسوسين ولا تحاتين اخذي وقتج و ريحي عمرج و اكلي الاكل الصحي بالنفاس و اهم من هذا كله رضعي لان الرضاعه وااااااااااايد تضعف ....اي صج نسيت (( حمدلله عالسلامة حبيبتي و الله يتمم عليج فرحتج انشالله ))

 

[om_judy]

ما ادري أنحبطت من شكلي وخايفه ما أرد مثل قبل تدرين بجر ماكو خبره
خلاص شورج وهداية الله مالنا الا الصبر
:tek:

 

[**Jumana**]

أغلب الوزن اللي فيج اللحين يكوون تتفخ من الزلال.. فعادي ترا وقت النفاس راح تفشين و تحسين جسمج شوي شوي تعدل

انتي حامل 9 شهور و تبدين تردين ب4 ايام؟ هههههههههههههه

لا تضغطين على نفسج ترا التعب راح يبين عليج بعدين اذا سويتي رياضه اللحين فاحسن شي انج تمشين على الاقل ربع ساعه باليوم حتى لو داخل البيت تفترين بالصاله وجذي

 

[Q8stylle]

اول شي الحمدلله عالسلامة حبيبتي و الله يتمم عليج فرحتج انشالله
انا اقول طلعي من الاربعين ودشي النادي وانشالله توصلين للوزن المطلوب

 

[شيل ياقلبي وخل]

اول شي الحمدلله على السلامه
حبيبتي لاتستعيلين والنفسيه عادي تصيرين مكتئبه من تيير الهرمونات بس بغيت انصحج لاتاكلين قبوط ومرقوق وعصيده لان هذي الاشياء على ان نفاس واهلنا حيل يدجونا فيها وعلى مانلطع من النفاس الا احنا قنابل كثري من السلطه والمشوي وشوية خبز وعقب اسبوعين ابدي امشي شوي وان شاء الله ماتطلعين من النفاس الا انتي سمبتيك :klhfl:

 

[om_judy]

أغلب الوزن اللي فيج اللحين يكوون تتفخ من الزلال.. فعادي ترا وقت النفاس راح تفشين و تحسين جسمج شوي شوي تعدل

انتي حامل 9 شهور و تبدين تردين ب4 ايام؟ هههههههههههههه

لا تضغطين على نفسج ترا التعب راح يبين عليج بعدين اذا سويتي رياضه اللحين فاحسن شي انج تمشين على الاقل ربع ساعه باليوم حتى لو داخل البيت تفترين بالصاله وجذي

ايه والله حتى ريولي للحين منتفخه
مشكووره حبيبتي وطمنتينييييييييي
وان شاء الله على شوي شوي احاول ارد لوزني

 

[om_judy]

اول شي الحمدلله عالسلامة حبيبتي و الله يتمم عليج فرحتج انشالله
انا اقول طلعي من الاربعين ودشي النادي وانشالله توصلين للوزن المطلوب

هذا اللي بسويه ان شاء الله ولو اني بس اطلع يكون مابقى شي على رمضاان

 

[om_judy]

اول شي الحمدلله على السلامه
حبيبتي لاتستعيلين والنفسيه عادي تصيرين مكتئبه من تيير الهرمونات بس بغيت انصحج لاتاكلين قبوط ومرقوق وعصيده لان هذي الاشياء على ان نفاس واهلنا حيل يدجونا فيها وعلى مانلطع من النفاس الا احنا قنابل كثري من السلطه والمشوي وشوية خبز وعقب اسبوعين ابدي امشي شوي وان شاء الله ماتطلعين من النفاس الا انتي سمبتيك :klhfl:

معاج حق والله اول ليلتين كله بجي وعلى اشيااااء سخييييييييييييييييييييييفه

عاد امي من طلعت مشتغله علي بهالقبوووط وعمة ريلي دازه لي عصيدة :cxxxp:
يقولون مايقوي الرحم غيرهم ما ادري عاد صج ولا خرافات لوووووووووووول