أبي نصيحة منكم ..

[Q8Lady]

مساء الخير ....


بصراحة انا اول مرة أشوف القسم هذا و اول مرة ادخل ....


واول ماشفته قلت خل اكتب لكم هالموضوع واخذ النصيحة منكم و من الخبيرات بهالمجال


انا موظفة حديثة العهد على قولتهم .. ومثل كل الناس والكويتين والبشر المعاش يالله يالله حده حده

مع اني انا و زوجي نتساعد بس هم احس مو ملحقين اجار و مصاريف البيت و الخدامة و الاطفال .... الخ

عشان جذي ابي منكم نصيحة شلون اقدر استفيد من معاشي استفادة قصوى ؟؟؟

شلون اقدر اجمع و احوش للزمن ؟؟ طبعا انا اشتغل مدرسة

بخاطري يصير عندي مصدر ثاني للدخل غير المعاش ... شنو تنصحوني

صج الحياة صعبة والمعاش بروحه مايكفي

اتمنى الي تقرا موضوعي وعندها فكرة مشروع او طريقة توفير غير الاستقطاع او الجمعيات لاني جربتهم

اتمنى تفيدني ويمكن تفيد غيري وايد

لا يردكم الا الكيبورد حياكم الله خلنتناقش شلوووون نصير اغنياء لووووووووووول

والحمدلله على كل حال

 

[كلنا عشاق لكن]

رد : أبي نصيحة منكم ..

الله يحييج ياعسل
شوفي الله يسلمج
فيه كذا طريقة وكلهم حلوين
الأولى
إتحطين لج حساب ثاني وإتحويلن له شهريا
الثانية
شهر إنتي اللي تصرفين وشهر زوجج ونفس الشي الترصيد
الثالثة
حطي بورقة وقلم
إلتزاماتج الشهرية
وبعدهاااااا
مصروف لكل إسبوع 1-2-3-4 وأقلهم الأسبوع اللي قبل المعاش
والطريقة الرابعة
خلي لكل واحد فيكم مصروف شهري حتى العيال :eshrab:
وقوليلهم قبلها معاشكم عندكم وتصرفواا فيه ولو خذووواااا شي زيادة تخصمينة من الشهر اللي بعدة
وعلى قولتهم كل الطرق تؤدي إلى روما
وفيه طرق ثانية
منها الزايد تقاسطين فيه عقار سواء إهنية والأ بأي ديرة تبين هذا بيجبرج تلتزمين
بس ترى هالشي للي ماقدم ع الإسكان لأنه شرط عندهم حسب ماوصلني ​

 

[Q8Lady]

مشكووووووووووووورة حبيبتي وربي يفتح عليج ابواب رزقه

افكاااارج حلوة خصوصا فكرة شهر انا اصرف وشهر اهوا بصراحة عجبتني وبحاول اطبقها

ماتقصرين

 

[بنت جابر..]

رد : أبي نصيحة منكم ..

يالغـاليه أغلب اللي أعـرفهم يسوون إستقطاع 50 دينار ويحطونها بحساب ثاني بنفس البنك
ومايصـرفوون منهـآآ شي .. هذي أحسن طريقه

 

[Q8Lady]

مشكووورة بنت جابر
تدرين ان سالفة الاستقطاع انا جربتها واللي صار شنو اني من احتاج ادخل السايت مال البنك على حسابي واحول الفلوس حق حسابي العادي و اصرفهم !!!
بس فكرة الاخت فلانه عجبتني وبحاول اطبقا و اقولكم النتييجة ...
يمكن اصير مليونيرة ان شاء الله
هههههههههههههههههه

 

[Q8Lady]

مشكووورة بنت جابر
تدرين ان سالفة الاستقطاع انا جربتها واللي صار شنو اني من احتاج ادخل السايت مال البنك على حسابي واحول الفلوس حق حسابي العادي و اصرفهم !!!
بس فكرة الاخت فلانه عجبتني وبحاول اطبقها و اقولكم النتييجة ...
يمكن اصير مليونيرة ان شاء الله
هههههههههههههههههه

 

[اخت فايز]

الله يرزقج من رزقه الحلال

 

[LoloBlueStyle]

قبل جم يوم قريت عن نفس الموضوع
وباحد الردود كانت وحده تقول سوي استقطاع ببنك خارجي
مثلا الراحجي
فتحي فيه حساب لج
ولا تاخذين البطاقه او اخذيها واكسريها
وحولي مبلغ منتظم كل شهر
ولا تحاولين انج تقربين صوووووووووووبهم
بالتالي راح تلاقين
مبلغ محترم على نهاية السنه
هم لاتجيسينه
استثمريه ببشراء ارض
او خليه وزيديه

شرايج ...........
انا عجبتني الفكره
بس المشكله اني مابي احد يعرف بهالحساب السري شلووووون اروح واسااافر بروحي؟؟؟؟
مادري

 

[LoloBlueStyle]

رد: رد : أبي نصيحة منكم ..

​

​

​

وفيه طرق ثانية
منها الزايد تقاسطين فيه عقار سواء إهنية والأ بأي ديرة تبين هذا بيجبرج تلتزمين

بس ترى هالشي للي ماقدم ع الإسكان لأنه شرط عندهم حسب ماوصلني ​

هذي مافهمتها
زين واللي عنده بيت مااايقاسط على بيت ثاني
هذي غير سالفه ..............؟؟

 

[دلوعة المطران]

الاستقطاع كل شهر هو احسن شي لو 50 شهرياااا

 

[كلنا عشاق لكن]

رد : رد: رد : أبي نصيحة منكم ..

هذي مافهمتها
زين واللي عنده بيت مااايقاسط على بيت ثاني
هذي غير سالفه ..............؟؟

:eh_s(10):
بقانون الإسكان اللي شاري بيت على إحسابة تسقط حصتة من الإسكان :016:
بس إذا إستلمها يشتري بعدها براحتة
​

 

[Q8Lady]

ماقصرتوا بنات و حلوة سالفة حساب في بنك خارجي وصاجة شلون نسافر بروحنا !!
ننحاش لوووووووووووووول
اشكركم على الافادة

 

[am_kshaa]

رد: رد : رد: رد : أبي نصيحة منكم ..

​

:eh_s(10):
بقانون الإسكان اللي شاري بيت على إحسابة تسقط حصتة من الإسكان :016:
بس إذا إستلمها يشتري بعدها براحتة
​

----------------
حبيبتى انا موظفه بالاسكان ونص القانون اذا كانت الزوج والزوجه عندهم طلب وماحصلو على بيت وقسيمه وحابين يشترون عقار اذا كانت مساحه العقار اكثر من 200 متر يسقط حقهم بالرعايه السكنيه مثل ماقلتى بس اذا العقار 200 متر واقل ماكو مشكله لان فى ناس تورث من اهلهم اراضى بس لما يتوزع الورث يكون نسبه الزوج مثلا 150 متر فعادى بس 200 مترو فوق مايصير حتى اذا يبى يشترى شقه تمليك يقدر بس هم ماتعدى 200 متر
واذا الزوجه حابه تشترى عقار باي مساحه كانت وصل دورها بالرعايه السكنيه وعقارها مساحه كبيرة تنازل حق حقها بالبيت ويصير البيت بسم عيالها وزوجها بس ............ بس اغلب الرياييل الى يسون جذى بعد مايستلم البيت وتطلع وثيقته بعد 5 سنين مثلا يروح العدل ويكتب نص البيت باسم زوجته وهذا عادى

واذا العقار خارج الكويت ماكو مشكله لان مايبين بالتسجيل العقارى ان فى ناس عندهم اراضى برة الكويت
وانشالله اجابتى تكون كافيه للكل

 

[am_kshaa]

وحبيبتى صاحبه الموضوع شوفى لج هوايه انتى تحبينها وتقدرين تفتحين فيها مشروع
مثل تاجراتنا الى هنى
الى تطبخ مثلا او تسوى عطور او بضاعه من برة يعنى شى انتى تحبينه وتكسيبين من وراة مدخول غير الراتب

 

[Q8Lady]

مشكووووووووووورة عالافااااااااااااادة ام كشة
بغيت اسالج الحين مثلا لو انا شريت شقه مهما كانت مساحتها باسمي هل يعطونا انا وريلي بيت ولا يسقط حقنا بقسمتنا ؟؟
لان انا حلمي اجمع لي مبلغ و اشتري شقة ههههههههه وريلي دايما يقولي مايصير ماراح يعطونا البيت !!!

 

[كلنا عشاق لكن]

رد : رد: رد : رد: رد : أبي نصيحة منكم ..

----------------
حبيبتى انا موظفه بالاسكان ونص القانون اذا كانت الزوج والزوجه عندهم طلب وماحصلو على بيت وقسيمه وحابين يشترون عقار اذا كانت مساحه العقار اكثر من 200 متر يسقط حقهم بالرعايه السكنيه مثل ماقلتى بس اذا العقار 200 متر واقل ماكو مشكله لان فى ناس تورث من اهلهم اراضى بس لما يتوزع الورث يكون نسبه الزوج مثلا 150 متر فعادى بس 200 مترو فوق مايصير حتى اذا يبى يشترى شقه تمليك يقدر بس هم ماتعدى 200 متر
واذا الزوجه حابه تشترى عقار باي مساحه كانت وصل دورها بالرعايه السكنيه وعقارها مساحه كبيرة تنازل حق حقها بالبيت ويصير البيت بسم عيالها وزوجها بس ............ بس اغلب الرياييل الى يسون جذى بعد مايستلم البيت وتطلع وثيقته بعد 5 سنين مثلا يروح العدل ويكتب نص البيت باسم زوجته وهذا عادى
واذا العقار خارج الكويت ماكو مشكله لان مايبين بالتسجيل العقارى ان فى ناس عندهم اراضى برة الكويت
وانشالله اجابتى تكون كافيه للكل

يسلم راسج ياعسل وفيتي وكفيتي
وبالضبط هذا اللي أقصدة إنها تملكــ عقار بالخارج عشان يضمنون حصتهم بالإسكان بس قلتة من باب الإشارة :016: ​

 

[Q8Lady]

!!!