أبي نصيحتكم يا مدرسات يا صاحبات الخبره ..

[pure feminine]

السلام عليكم ورحمة الله وبركاته

بدايةً الله يتقبل منا ومنكم الصيام والقيام ويجعلنا من عتقائه في هذا الشهر من النار ...


بنات أنا ناويه أبدأ صح هالسنه مع المدرسه وبغير نفسي
أبي أثبت وجودي بالمدرسه عند الناظره ورئيسة القسم والموجه
طمووحي آخذ فوق الـ 95 ...

بس ماني عارفه شلون صراحه ما عندي خبره بنووووب
قولولي شسوي شنو الي مطلوب منا وشنو الي مو مطلوب
شنوو المهم الي أتقيم عليه ؟؟!

لاحظت من خبرتي القصيره أن الي تجامل وتضحك معاهم يحبونها
وما يشوفون عيوبها , وأنا صراحه مادري شلون أجاملهم ما عرف :/

أنا مُدرسة متوسط 

 

[فرح يوسف]

رد : أبي نصيحتكم يا مدرسات يا صاحبات الخبره ..

صبااح الخير
والله يتقبل منا ومنكي ومن الجميع ان شاء الله:yaaaaaarb:
الصراحه موضوع جميل جدا وانا بعد حابه اسمع اي وخبرة المعلمات واستفيد
واكيد مومقصرات:wqedqw:​

 

[Ameeraaaaaa]

والله اللي اقدر اقوله لج الاخلاص في العمل ( جميع الاعباء الموكلة اليك )
التمكن من المادة العلمية
الحصة ممتعة
قلة الغياب
وانشطة جانبية
وان حبت عينك ما ضامك الدهر !!!


))
ما اعرف اجامل الادارة ولا ابي اجاملهم والحمد لله اخذ الامتياز غصبن عن الكل لاني اتقي الله ,, ويكون بمعلومج السنة اللي طافت زفيت الموجهة زفة ,, خليتها بيزة ما تسوي ( بس طبعا كنت انا علي حق وهيا دايخه وما تتعرف وين الله قاطها ))

 

[هيبة ملك]

كل تعبج مو مخلوف عندهم عند الله مايضيع إن شاء الله

أنت اشتغلي للناظرة بس

رتبي شغلها

وكل صبح رزي وجهك عندها

وزيني مكتبها وبخريه

تاخذين مية بالمية

هالسنة أكتشتف هالسر الخطييير

 

[عصير ليمون]

السلام عليكم
اختي الحبيبه : نصيحتي لك يا حبوبه إنه ما في رزه وجه ولا شي ولا مجاملة ،، كل انسان ياخذ حقة إذا اخلص في عمله
الاخلاص في العمل ، وإنج تخلين عملك لوجه الله تعالى خاصة انك في منهة مهمة ومقدسة ، العمل عبادة حطي هذا في بالك
والإنسان ما ينظر إلى أن احد يقوله مشكور ،،، الشكر تنالينه من الله بتوفيقه لك ونجاحك في العمل رح تحسين بهالشي لما تخلصين
في العمل ولا تنظرين لأحد شسوى أو حط ،، اتركي عنج فلانه مقربه من الناظره أو علانه تحبها المشرفة ،، كل هذا كلام مو صحيح
أنا رئيسة قسم ،، واقولها لك من قلب مخلص لج أن ما ينفعك الا اخلاصك في العمل وتحتسبين عملك لوجه الله تعالى ، وان هالأطفال
اللي تدرسينهم امانه في عنقك رح يحاسبنا عليهم رب العالمين ،،
اختي ادري طولت عليج لكن صدقيني عمري ما كنت مقربه من ناظر ولا موجهه ولا رئيسة قسم ،،، بالعكس شكثر ما تحبطت وولقيت
مشاكل كثيرة في عملي لكني بفضل الله حصلت على اللي ما قدرت حتى الناظره في مركزها تحصله ،،، وهذا كله لاني اشوف نفسي مخلصة
في عملي ،،،

اختي اعلمي بأن غيابك وكثرة الغياب خاصة يأثر عليك وااااااايد ،،، خاصة ان الدقايق والساعات اللي نغيبها هذي من حق الطلاب اللي ندرسهم
لهالسبب كل يوم يغيبه في ضياع لهم ،، واحسبي اذا مدرسة كل يوم والثاني تغيب متى يا ربي تدرس هالأجيال ومتى رح تفيدهم ،،
اهم شي في العمل انسى نفسي واتذكر اني امام مسؤولية كبيرة ،، تربية جيل رح نتحاسب عند الله ورح نسأل عنهم ،،،

اقول قولي هذا واستغفر الله لي ولكم

اسفه على الاطاله لكن لقيت اني من واجبي نصحك خاصة انك طلبتي هذا


كلمة اخيره : اسألي الله في الشهر الكريم انه يساعدك ويعينك ويفتح لك ابواب الخير ، ويسهل لك عملك ،

كل تمنياتي لك بالتوفييق

 

[^^ريهام^^]

السلام عليكم
اختي الحبيبه : نصيحتي لك يا حبوبه إنه ما في رزه وجه ولا شي ولا مجاملة ،، كل انسان ياخذ حقة إذا اخلص في عمله
الاخلاص في العمل ، وإنج تخلين عملك لوجه الله تعالى خاصة انك في منهة مهمة ومقدسة ، العمل عبادة حطي هذا في بالك
والإنسان ما ينظر إلى أن احد يقوله مشكور ،،، الشكر تنالينه من الله بتوفيقه لك ونجاحك في العمل رح تحسين بهالشي لما تخلصين
في العمل ولا تنظرين لأحد شسوى أو حط ،، اتركي عنج فلانه مقربه من الناظره أو علانه تحبها المشرفة ،، كل هذا كلام مو صحيح
أنا رئيسة قسم ،، واقولها لك من قلب مخلص لج أن ما ينفعك الا اخلاصك في العمل وتحتسبين عملك لوجه الله تعالى ، وان هالأطفال
اللي تدرسينهم امانه في عنقك رح يحاسبنا عليهم رب العالمين ،،
اختي ادري طولت عليج لكن صدقيني عمري ما كنت مقربه من ناظر ولا موجهه ولا رئيسة قسم ،،، بالعكس شكثر ما تحبطت وولقيت
مشاكل كثيرة في عملي لكني بفضل الله حصلت على اللي ما قدرت حتى الناظره في مركزها تحصله ،،، وهذا كله لاني اشوف نفسي مخلصة
في عملي ،،،

اختي اعلمي بأن غيابك وكثرة الغياب خاصة يأثر عليك وااااااايد ،،، خاصة ان الدقايق والساعات اللي نغيبها هذي من حق الطلاب اللي ندرسهم
لهالسبب كل يوم يغيبه في ضياع لهم ،، واحسبي اذا مدرسة كل يوم والثاني تغيب متى يا ربي تدرس هالأجيال ومتى رح تفيدهم ،،
اهم شي في العمل انسى نفسي واتذكر اني امام مسؤولية كبيرة ،، تربية جيل رح نتحاسب عند الله ورح نسأل عنهم ،،،

اقول قولي هذا واستغفر الله لي ولكم

اسفه على الاطاله لكن لقيت اني من واجبي نصحك خاصة انك طلبتي هذا


كلمة اخيره : اسألي الله في الشهر الكريم انه يساعدك ويعينك ويفتح لك ابواب الخير ، ويسهل لك عملك ،

كل تمنياتي لك بالتوفييق

انا معاها

كلامها كل صح

اذا شافوج كاملة بكل شي

غصبن عليهم يحطونج امتياز

الله يوفقج

 

[ام رشودي قلبوني]

خلج انسانه نشيطة خل حصصج ممتعه نوعي طرائق التدريس لا تتاخرين لا تستاذنين وايد اعرضي خدماتج للادارة كوني متعاونه مع الادارة بادري دائما تميزي بفعالياتج مثال قدمي ورشه عمل اشتركي بمسابقات خاصة بقسمج كرمي الطالبات المتمزيات في الطابور شاركي بالمناسبات الوطنيه مثلا قدمي درس نموذجي علي مستوي المنطقه قدمي محاضرة لموضوع ممتع وعزمي مدارس من بره وتوجيه اعدي اصدارات لمناسبات قدمي اهداءات لمناسبات معينه ودزيها للمنطقه باسمج كل ماصار اي شي اباسمج كان افضلج والله اوفقج

 

[اللاندكروز]

مبارك عليكم الشهر
بالنسبة لي انا واللي اشوفةأول شي الاخلاص بالعمل والشي الثاني مهم جداجدا في التقييم اهو ( الغياب ) حاول قد ماتقدين لا تغيبين لا مرضي ولا عرض لانج تحتاجين تقييم ممتاز في آخر السنة وهم أعمال ممتازة وكلهم يتوقفون على الغياب . طبعا حسب خبرتي كإدارية ..

 

[LA TROO7]

بيور غلاتي

مبارك عليج الشهر

لاتحطين في بالج تكسبين الناظرة ولا احد حطي بناتج ومستوى حصتج بين عيوونج وسبحان الله تلاقين ربي جازاج باحسن تقدير
ماعمري اهتميت للادارة بس صارت الناظرة تحبني بسبب تعلق البنات فيني وكرمتني الوحيده بقسمي بحفل تكريم المميزين تفااجأأت حيييييل مع تصفيق البنات وصراخهم ولاعمري ارتزيت بالادارة ولا رحت اهدي او اشارك

وجعلها سنه خير وبركه علينا وعليج

 

[pure feminine]

مشكوورين فديتكم عـ النصايح الله يجزاكم خير

 

[akadenia]

جزاكم الله خير

موضوع شيق --------- اتجهز نفسيا (( لاني ناطرة الفرج من رب العالمين واصير مدرسة حاسوب ان شاءالله )))

 

[عهود الحب]

رد : أبي نصيحتكم يا مدرسات يا صاحبات الخبره ..

شوفي عمر النفاق ما نفع احد
صحيح ينفعهم بالدنيا بس بالآخرة ؟؟؟

انتي بس اخلصي بالعمل و حطي الله بين عيونج
انتي تشتغلين عشان تحللين معاشج
والتقرير استودعيه رب العالمين

اطلبي ربج انج دايما تاخذين حقج


و شوفي احنا سنين ندرس تعرضنا لمصايب زرقا سودا حمرا جميع الوان المصايب
بس نحتسب الاجر عند رب الكون
لأنه بالنهاية الله سبحانه بيحاسب الكل من اكبر راس الى اصغر راس



والحمدلله
كل مصيبة او عقبة نتعرض لها بحياتنا تساعدنا انه نرتقي اكثر

لو ما المشاكل والبلاوي والعقبات والتقارير الزفت ما تعدلنا


انتي بس حطي ببالج انه تقديرج بتاخذينه عند ربج والباقي اتركيه لله سبحانه كفيل به

و اخلصي بعملج و حطي بالج على طالباتج و نوعي بطرق التدريس
وخليج مبادرة اذا كان عندهم شغل ما فيها شي واعتبريها تعاون مع القسم و الادارة

اتعبي على شغلج وبعدها صدقيني الله ما بيضيع اجرج و حقوقج

 

[سفيرة العشق]

رد : أبي نصيحتكم يا مدرسات يا صاحبات الخبره ..

حبيتي اولا احتسبي الاجر عند ربج
وخلج مخلصة في عملج واي شي مو مقتنعة فيه لا تسوينه عشان ترضين ضميرج
وانا من وجهة نظري انج تكونين متعاونة مع الكل وحبوبة وابتعدي عن المشاكل
حسني علاقتج مع الادارة ورئيسة قسمج مو تمصلح لا بس كوني متعاونة ووخري عن النفاق
لأنهم حتى لو يحبون التقلقس بس بنفسهم يدرون ان هذا نفاااااق ومو حلوة تطلعين منافقة حتى لو سويتي اللي يبونه
والله يهديلج كل اللي حوالينج ويوفقج في عملج

 

[pure feminine]

يعطيكم العافيه عـ الردود







رفع

 

[pure feminine]

رفع

 

[مزيـانه]

اخذيها مني و عن خبرة

اذا ناظرتكم بنت عز و شايفة خير .. لازم تبرزين نفسج بأنشطتج المتميزة .. سواء الندوات و الدروس النموذجية و البرامج الإذاعية و مستوى حصصج و طريقة عرضج للوسائل المتميزة و تطورج في استخدام الحاسوب و التكنلوجيا وغيره

أما اذا كانت بنت فقر و مو شايفة خير .. و اهي أول وحدة من عايلتهم تشم ريحة المنصب (مع انه لا منصب و لا قاله الله بس عيال الفقر ما يصدقون على الله) .. صدقيني ما تمشين معاها الا اذا كل يوم و الثاني يبتيلها سلطة و لا فطاير حق الريوق .. و لا مشيتيلها معاملة بالداخلية و لا مشيتيلها بضاعتها بالجمارك (مثل وحدة بهالدنيا الحمدلله و الشكر) .. و لا انج ترتزين عندها بالمكتب تدبسين أوراقها و تحطين القلم بصبعها و تمسحين الطاولات و تعدلين عبايتها قبل لا تقب من المدرسة على بو رايحة اجتماع

صدقيني و الله لفي الكويت كلها ما راح تلاقين غير هالنموذجين من الناظرات!! و الله لا يسلط على أحد

 

[هارد لك ياقلبي]

رد : أبي نصيحتكم يا مدرسات يا صاحبات الخبره ..

تمكنج من مادتج وحب طالباتج لج

والتزامج بالعمل في الحصه والحضور وقلة الغياب والاستئذان

وأهم شي بعد هالأشياء إحترام المديرة ورئيسة قسمج والموجه لاتجادلين وايد

لان اللي براسهم راح يسوونه ابدي رايج بهدوء وهم راح يتقبلون منج

وأهم شي المبادره بعمل دروس وخطط للطالبات المتميزات والضعيفات وعرضها على رئيسة قسمج

عشان تنقل نشاطاتج قدام المديرة والموجهيييين

وبالتوفيييق

 

[@ نجمة العطااا @]

اهم شي الاخلاص لله تعالى في شغلج
وثاني شي الاتقان وعشان تكونين متقنة لازم تكونين دائما مطلعه على كل شي جديد يخدمج بمادتج وكل شي ممكن تستفيدين منه بمادتج وتقرين اكثر عن مادتج وتحاولين تبسطين الشرح للطالبات باستخدام الوسائل المتاحة لج
ثالثا الوسائل لازم تنوعين فيها وتبدعين يعد وعنج المواقع فيها افكار حلوة دوري بقوقل حسب تخصصج
رابعا المبادرة خلج مبادرة في طرح الافكار وتنفيذها وكذلك في الانشطة سواء الاذاعية او المدرسية والسباقة دائما لذلك
خامسا استفيدي من الخبرات اللي بالمدرسة سواء رئيسة القسم او المكتبة او الاخصائية النفسية او حتى الحاسوب خلج دايما مثل النحلة من كل بستان زهرة وبالاخر طلع عسل شفاء وفايدة وما حد يمل منه.
سادسا لازم الهدوء وطول النفس لان لابد من المشاكل والمهاترات لازم يكون عندج صبر وتحمل وحسن تصرف والاهم ابعدي عن نقالات الكلام والقيل والقال وخلج سايلنت ولا تعطين احد افكارج خليها لج ووقت ما تتيسر امورج نفذي على طول


الله يوفقج يارب ويفتحها عليج

 

[pure feminine]

مشكوورين فديتكم








رفع

 

[pure feminine]

رففففع للمزيد من النصائح