أبي واحد .. شلون يعني ...؟

[عايشه بأمل]

مساء الخير


شلونكم يا بنوتااااااات ...؟

فيه مشكله أو قضيــه قاعد أفكــــر فيهـــا

ودي ( أربي لي يتيم ) طفل مولود سواء ذكر أو أنثـــى

منفصلـــه .. ونفسي بجاهل .. ومابي انطر لين يجي نصيب ثاني ..

قلـــــت لأهلي ..

اللي قالوا .. أنتي مو صاحيه ..؟

شنو بقولون الناس استخفــت عيووووش ..؟

واللي بقــول ..

يا حرااام .. ميته على الجهال ومو حاصل لها ..!

يا جماعه

ليش هالنظــــره من المجتمــــــع ..؟

يعني راح أمن للطفل حياة حلوة .. يمكن أحسن من اللي بيلقاها

بالدار .. أجر وبنفس الوقـــــت اعبي الفراغ اللي بحياتي ..

بإنتظاركم .. شرايكم بموضوع ..؟

احد يفكر نفسي .....؟

 

[!! شوق !!]

الفكره حلوه بس مع يتيم معروف النسب .. هذا اول شي
وثاني شي يكون بعمر رضيع ممكن اختج ترضعه او مرت اخوج ويصير لج محرم لي كبر انتي عمته \ خالته بالرضاع
عرفتي؟؟ ونفس الشي البنت لانه لو كبرت صعبه تغطى فبيت اهي تربت داخله ..

ربي يرزقج بالذريه الصالحه اللي تسعدج

 

[عايشه بأمل]

فكررره والله
اختي الحين حامل
لكن شرايك بنظره المجتمع اللي ذكرتها ..؟

 

[المـــــها]

بصراحة إذا كنتي صغيرة إن شاء الله يرزقج بالزوج الصالح و الأبناء البارين

و إن كنتي تريدين الأجر فجزاؤك عند الله ،، و الرسول صلى الله عليه و سلم أوصى بالأيتام

 

[الحــــياة]

الله يجزاااااااااااااج الف خير منو يفكر نفس تفكيرج بهالزمن قلبج طيب
بس انتي عارفه نظرة المجتمع انا مالووووم اهلج هذا الواقع فعلا هذا الواقع واذا كنتي مصره
مثل ما قالت العضوه الي قبلي لازم يكون معروف النسب عشان ما تظلمينه بكره بنظرة الناس وتظلمين نفسج
تقبلي مروري

 

[عايشه بأمل]

المها انا عمري 27 بس نفسي حيييييييل بجاهل
فيني حنان زايد شسوي ..؟




الحياة .. وياك يا قلبي
اهلي معاهم حق بس ليش الناس تفكر في هالطريقه
انا ما راح اسوي شي حرام أو عيب ......!


وشلون أللقى واحد معروف النسب ..؟

 

[المـــــها]

اللي تحسين فيه شي طبييييعي عاطفة الأمومة

و الحمدلله الحنان الزايد عندج حبيتي تفرغينه بصورة إنسانية رائعة

الله يرزقج عن قريب بإذنه تعالى ما تتمنينه ،، و يكون من لحمج و دمج يااا رب

 

[آلسحرآلحلال]

عادي مافيهااا شي انتي كافلة يتيم ... هاذي امنيه كل انسان
ماتدرين مشالله شنو الاجر اللي بيجيج ... توكلي على لله
بس فكري عدل وستخيري لانهااا مسؤولية ترى .. مو لعبة شهر او شهرين وتملين
راح تربين انسان بيمرض بيدرس بياكل

 

[عايشه بأمل]

المها / جزاك الله خير
اللهم آمين

 

[عايشه بأمل]

السحر الحلال

ادررري وانا محتاجه لهالشي اصلا
بس مدري ليش الناس عليهم هالنظرة ..؟

 

[كيك وحلاوة]

والله تفكيرك منطقي صراحة قليل في هالزمن ناس مثلك

 

[أم حمد =)]

الله يرزقج الزوج التقي والذرية الصالحه ..

والله يجزاج الخير ..

 

[عايشه بأمل]

كيك وحلاوة

شرايك بنظره المجتمع ..؟

 

[عايشه بأمل]

ام حمد

تسلمين ..
جزاك الله خير
بس ما قلتوا لي عن رايكم ......؟

 

[جذابه بنت ذيابه]

الله يرزقج بالزوج الصالح والذريه الصالحه يارب




وانا ما ازيد على كلام خواتي

 

[فـــخـــر]

الفكره حلوه بس مع يتيم معروف النسب .. هذا اول شي
وثاني شي يكون بعمر رضيع ممكن اختج ترضعه او مرت اخوج ويصير لج محرم لي كبر انتي عمته \ خالته بالرضاع
عرفتي؟؟ ونفس الشي البنت لانه لو كبرت صعبه تغطى فبيت اهي تربت داخله ..

ربي يرزقج بالذريه الصالحه اللي تسعدج

حلوووووه فكرتها .. وان شالله الله يوفقج

 

[عايشه بأمل]

بنت ذيابه

&


فخر



تسلمون .. وجزاكم الله خير

 

[كيك وحلاوة]

حبيبتي ماعليك من نظرة المجتمع دامك كافلة يتيم فانتي عند الله احسن منهم في ناس من جماعتنا متبنين طفلوعايش عيشة ملوك وكبر والحين ماشاء الله صار داعية وتزوج وجاله عيال
بالعكس تكسبين فيه اجر واذا اهلك موراضين حاولي تقنعينهم والرسول صلى الله عليه وسلم قال
{{ انا وكافل اليتيم في الجنة واشار باصبعيه السبابة والوسطى}}
وموفقة ان شاء الله

 

[سكارف.فوشي]

وااااااااااي وناسه
حلوه فكرتج واجرج عند الله كبير بيكون صج صج انا أأيدج وسويهااااا ومالج شغل بالناس
اهم شي ربج واهم شي مو مسوية شي غلط ولا حرام بالعكس
وااااااااااايد شي زين وحلو وموفقه يارب

 

[al-shoug]

يالغالية ,,

الحياه توها جدامج وادعي ربج ان يرزقج بالياهل اللي منج

وعسى الله يرزقج بالريال الصالح ويوفقج .. اللهمـ آمين ,,,