عزيزتي جوري ستآيل
آشكر توآجدج و دعمج لي
و هذا البارت
البارت الثالث:
كنت أمثِّـل ضحكتـي : )
وأقــول: رايـق
وعاجز النسيَـان "يمحي" الذكريـات ..!!
أعترف إنِي حزِين
وحيـل ضايق !
والكـلام أحيان .. تعبيره .. سكـات ~
يرن موبايل ابو بشاار
ابو بشاار: الووووووو
..... : الو ....عمي راشد الحقني
قام بو بشار من ع الكرسي و و اهو يحس أن نبضات قلبه زادت فجأة
ابو بشار: من انتي يبا ... ليش تبجين؟؟
بصوت مرتبك و مفزوع و مليان خووف من الايام اليايه: عمي انا ...ندى ...ندى
بنت يوسف أخوك
بو بشار و قلبه ناغزه حس ان فيه شي : هلا ..هلا ببنت اخووي .....
خير يبا اشفيج صبيتي عظامي
ندىو اهي تحاول تكتم شهقاتها: ابوووي... .ابوي اليوم يت اصحيه الصبح
و ما صحى ....ما ادري شفيه (تشهق) عمي ...عمي الحق علي
ابو بشار بحنيه : طيب يبا انتي بالمستشفى
ندى: أي يا عمي.....تكفى الحق علي بسرعه
ابو بشار : ان شالله أنا على اقرب طيااره ياااااي ...بس يا يبا لا تبجين
.. يلا مع السلامه
سكر ابو بشار التلفون و لف على زوجته وولده و
عيونه كلها حزن
ام بشار: خير شصاير
ابو بشار: اخوووي يا امينه
بشار بخرعه : علامه عمي
ابو بشار: و الله ما ادري ......الحين لازم احجز لي تذكره.... .
ضروري اليوم انا بالندن
***************************
منصور اخو ماجد.. نازل من الدرج و راح عند عمته
منصوربأبتسامه : عمتي حبيبتي
ناديه عرفت له : حبيبتك .....أكيد وراك شي ...قول شتبي
منصور يقعد يم عمته :ايه عليج عميمه تفهمينها و اهي طايره
ناديه بملل:منصور ...خلص قول شتبي
منصور و اهو مسوي حركه الوجه البريء: ابي بيزات حدي مفلس
ناديه: و مصروفك شتسوي فيه
منصور: مصرووووفي ...بح طااااااااااااااار
ناديه: انت شتسوي في الفلوس تاكلهم
منصور بكل فخر:لا ..اصرفهم... .يلا عاد عميمه تكفين ...اذا قلت
لابووي بيقوول توني ماعطك 200قبل يومين
ناديه اتسعت عيونهآ: حسبي الله على بليسك ..... 200 في يومين مطيرهم
الله يهداك بس لا تبذر بالنعمه تراها زواله
منصور : ان شالله ....بس انتي الحين عطيني
ناديه و اهي تطالعه بنص عين : يبب جنطتي من على الطاوله ...
قام بسرعه و يابها
ناديه : ايه عشان البيزات قمت بسرعه و يبتها
منصور : افاا ليش تظلميني عميمه
ناديه : انا اظلمك !!...انا اعرفك اكثر من نفسك ....مع هالويه
ناديه طلعت من جنطتها و عطته: هاك 70 دينار
و ما لك غيرهم
باس راسهاا
منصور : تسلمين يا احلى عمه بهل الدنيا كلهاا
ناديه: يمه منك ...عشاان البيزات صرت أحسن عمه
منصور: لا عميمه لا تفهميني غلط ...إنا
ناديه تدزه ع الخفيف: روح روح مشوارك انا فاهمتك عدل ...
منصور يبوس راسها : فديتج عميمه
ناديه : ربي يحفظك حبيبي ...دير بالك
منصور و اهوو طالع : ان شالله
*********************************
أبو بشار و بيده جنطه السفر واقف عند باب بيته و معاه
ولده و زوجته
ابو بشار: ديري بالج على نفسج يا امينه و على بشاار
أم بشار بصوت حزين: و لا يهمك بس انت طمنا على أخوك
و ربي يحفظك ان شالله
بشار: يلا يما ...انا بوصل الوالد و أرد لج
ام بشار: توصل بالسلامه
ابو بشار باس راس مرته
أبو بشار: الله يسلمج يا الغالية
و طلع اهو وبشار عشاان يوديه المطار
ام بشار سكرت الباب : ربي يحفظك ويردك لي سالم غانم
**************************
سافر بو بشار و دق بشار على ياسمين بطلعته من المطار
بشار: ..هلا ياسمين
كأن تقاعده بدآرها
ياسمين بأستغرآب من نبره صوته: أشفيك بشار ..صوتك متغير
بشار بصوت فيه حزن: عمي تعبان يا ياسمين
ياسمين : وي سلامته...ما يشووف شر... اشفيه
بشاروهو يسكر باب سيارته عقب ما دخل : ما ادري بنته دقت اليوم
ع الوالد و قالت له الحق ابووي تعباان و انا الحين توني طالع من المطار
ياسمين بصوت حنون : ماعليه شر ان شالله ....الله يطمن قلبكم
...لا تحاتي ان شالله الوالد يطمنكم
بشار: ان شالله
********************************************
منصور في سيارته و يتكلم في التلفون
.... : يبت الفلوس؟!
منصور بدون نفس : ايه ايه ...يبت لك
..... : جم ؟؟
منصور و اهو عافس ويهه من اسئله المليق الي يكلمه : جم بعد ...50 مثل
ما اتفقنا
... : زين
منصور : المهم وين بلاقيك .. نفس مكانا القديم؟
..... : لا ..هنآك ما ينفع ..شكله حسوآآ علينا ..انا غيرت المكان
منصور : وين ؟!
... :اسمع .....
*****************************
فتح باب مكتبه و خرج بهدوء .... لف ع السكرتيره و قآل
..... : انا طالع ..يمكن ما ارد الا باجر ...اذا فيه أي شي ضروري دقي علي
السكرتيره : تامر استاذ ...
راح لسيارته ...فتح الباب ..و دخل cd اللي يحبه
و سمع آغنيه قديمه لعبدالحليم
بس كان يعشقهآ
آهوآآآآك
و طلع متوجه لاكثر مكان يحبه و يعشقه .. للبحر ...اللي يعرف اسراره
و اسرار قلبه و الحنين
سكر الاغنيه ...نزل من السياره و راح وقف مقابل البحر
كان ببدلته الانيقه و ساعته الماركه ..و شياكته
و سيارته الكشخه ملفت للانتباه
بس كان بعيونه حزن ... الكل قادر يلاحظه
بس محد عارف السر
طلع من مخباته علبه السجاير
و بدا يدخن بشراهه
رغم تحذير الاطباء له من كثره التدخين
لكن خلاص ما بقى له شي يخسره
و مو مهم اذا خسر حياته
*****************************
كآنت متوتره ..و الخوف يسري بجسدهآ ..هذآ ابوهآ و كل شي
لهآ في هالدنياآ
ما صدقت لمحت الدكتور حتى نادته
ندى: لو سمحت يا دكتور
الدكتور بأهتمام: نعم
ندى: هل لك أن تخبرني عن حاله ابي الصحيه الان ..انا قلقه جدا
الدكتور:
في الوقت الحالي لا استطيع ..يجب ان نكمل الفحوصات ...انتظري قليلا
ندى: يا الهي هذه ليس فحوصات ..منذ الصباح و انا هنا
الدكتور: اعتذر و لكن لابد ان نتأكد من كل شي ...عن اذنك الان و صدقيني
سأعود لاطمئنك
ندى بأبتسامه: حسنا ..شكرا لك
الدكتور : لا تشكريني هذا واجبي
ندى في قلبها: يا ربي متى اتي يا عمي و ارتااح ....
....يالله يا رب اسألك انك تشافي ابووي و ترده لي سالم
**************************
سرد كل السالفه لصاحبه و قال ببعثره
وليد : الحين انا متوهق ..مدري شسوي بالمصيبه اللي انا فيها
محمود بحيره : و الله انت اللي قطت نفسك بهالسالفه
وليد بتأفف: اصلا خلاص اخنا ما باقي شي و نرد الديره و ...
محمود قاطعه بقوه : لا ..مو بكيفك ..السالفه ما بتنصك بردتك البحرين
..الموضوع اكبر من جذي بوايد
وليد : شسوي ..دبرني ..انا حدي متوهق ..
محمود يحك ذقنه و يفكر : خلنا نفكر ..اصلا انت ما وراك الا المصايب انا
حذرتك و نبهت من قبل بس انت ما تفتهم
..راس شكبره على الفاضي
*********************
ناديه بالاتيليه مالها مع رفيجتها فرح
فرح وبعد ما نزلت كوب الكوفي ع الطاوله : شخبار الشغل عندج
ناديه بابتسامه : الشغل الحمدلله ...وايد زين ..و الطلب عندنا زايد ...حتى من برا
البحرين في زباين
فرح بأبتسامه : ايه ..الانستقرام سوا شغل
ناديه : ايه و تويتر بعد ساهم في انتشارنا
فرح : زين الحمدلله ..انتي تستاهلين كل الخير ندووي
ناديه ابتسمت لها بأمتنان
ناديه :الا شخبار بناتج ..من زمان ما شفتهم
فرح :آه منهم.. كله نجره و هواش مطلعين عيوني انا و علي
ناديه :ههههههه الله يحفظهم لج
فرح :آمين ..تراهم ولهوا عليج بعد ..و ودهم يشوفنج
ناديه بفرحه غامره :آيه عليهم و الله ..ان شالله اليوم عقب صلاه المغرب
بمر آخذهم بوديهم مدينه الالعاب
فرح : الله يعينج عيل
ناديه :لا لا تقولين جذي ..اهم حسبه بناتي
بعد صمت دام لثواني
فرح بتردد : ناديه ...ابيج بسالفه مهمه
ناديه باهتمام: قولي حبيبتي
******
رجع البيت ..بعد ما وصل ابوه المطآر
لقى امه قآعده بالصاله ..بآس راسهآ بآحترآم
و قعد يمهآ
بشار بأستفهام: يمه ليش عمي عايش بلندن ليش ما عاش اهنيه وسط اهله
وناسه ليش اختار الغربه
...وخل بنته تربا بعيد عن اهلها..
هالسؤال يقرقع بداخلي من زمان بس ما يات فرصه اسالج
امه تنهدت و قالت: بصراحة يا ولدي عمك سالفته طويلة
هو تزوج بنت عمه لولوه على كبر وبعد فتره زوجته حملت ببنته ندى ....
وبعد ما ولدتها مرضت بالسرطان كافنا الله شر هالمرض
بشار بحزن:لا حول و لا قوه الا بالله
امه بتأثر كان واضح على نبره صوتها : وبس سافر عمك وياها للعلاج
في لندن وظلوا
هناك حوالي 6 شهور والله خذ امانتها الله يرحمها
وتم الدفان هناك وعمك رفض يرجع البحرين
ويقول انه يشم ريحتها هناك بلندن خصوصا انها قضت آآخر ايامها هناك
بشار تأثر بقصه عمه وقال: الله يرحمها ان شالله ....
**************************
يفترون بالستي سنتر يتسوقون ...ما خلوا محل و ما دخلوه
ياسمين تأشر على فستان : الله واايد ناايس
دانه بأعجاب : ايه و الله ...بس مو جنه وايد شرينا
ياسمين بفخر : عادي اشتري بعد ...انا بنت عبدالله الـــ..... اشتري اللي ابيه
دانه تضحك على خبالها : هههههه و الله انج خبله ..امشي ندخل نشوف
ياسمين : بس ما ابي خلاص هونت ...
دانه : وي زعلتي
ياسمين : لا ..ما ازعل منج ..افا عليج ..بس صج شريت وااايد
دانه : انزين امشي نروح كوفي شوب ..خاطري اشرب كابتشينو
ياسمين : اووك ..امشي نروح ستار بوكس
دانه :لا بوديج واحد احلى ..عندهم كابتشينو خياااااال
ياسمين : اوك..تدرين ودي اروح دبي
دانه بتفاعل :أي و الله ..يطري عليج العام لما زرنا اختج نور ..شنو ونآآسه
ياسمين :آي و الله ونآسه ..بس بعد حر ..لو نروح مكان ابرد احسن
دانه :بعد فكره
**************************************
فارس يدخل البيت و يشوف امه
فارس :السلام عليكم
ام فارس :عليكم السلام هلا بوليدي
قرب منهآ و انحى يقبل رآسها :شلونج يا الغاليه
ام فارس :بخير دامك انت و ريوم بخير
فارس يقعد يم الوالده :الله يخليج لنآ يمه
ام فارس :الحمدلله الله بلغني فير ريوم و الفال لك
فارس بأبتسامه :أن شالله بس تو الناس يمه
ام فارس :وين تو الناس انت بس عزم و ما بيصير الا الخير
فارس :بعد التخرج يمه ..يصير خير
ام فارس : أن شالله
>>>>>> و ما زالت هناك حكايات لم تروى بعد <<<<<<<
مخرج: فيّ دآخليّ آحسَآس مَآ قِيلَ فَـ كتَــآب ,
كِلمَآ بغِـيتَ أشرَح معَآنِـيه , أغرَقّ !
أنَآ عرَفتْ أصحَآب وَ أصحَآب وَ أصحَآب ,
لكِنْ لقيتِ إنّـــك عَن آلخَلقّ " تِـفرٍقّ
اشفيه ابو ندى؟
هل بيلحق عليه اخووه و لا الله بياخذ امانته؟!
منصور ..حق شنو خذ الفلوس ...و بيقابل من ؟!
وليد و مصيبته ؟ شنوا هيه ؟ هل بيقدر اهو و محمود يحلونها ؟
شنو سالفه فرح و ناديه ؟ شنو الموضوع الضروري ؟
من هو الغريب اللي يطل علينا في كل البارتات ؟
هل له دور بالقصه ام شخصيه عابره؟
بآنتظاركم
