أثيوبية000 افيدوني الله يجزاكم خير

[عرموشة]

السلام عليكم ورحمة الله وبركاته

بنات انا رحت امس وقدمت علي اثيوبيه :eh_s(1): لاني مضطره ابروح الجامعه وبنتى عمرها 17 سنه وما في اي احد بالبيت معها وعلشان عارفه نفسي راح اتعب ودراسه

افيدوني شرايكم بالهجنسية هذي علي العلم ان عيالي كلهم كبار واصغرهم 11 سنه :ggdw:

انا طلبتها كانت مشتغله بلبنان سنين والاردن سنتين وطبعا هي كبيره "37 سنه "

افيدوني الله يجزاكم خير

 

[العروس الضايعه]

صراحه ماعندي خلفيه عنهم بس مابغيت اطلع بدون رد بس انشاءالله البنات يفيدونج
الله يرزقج بالخدامه الزينه الأمينه على بيتج

 

[عرموشة]

مشكوررررررررررررة يا عروس

الله يرفع قدرج

 

[نــوف]

سبحان الله .. نفس مشكلتي ..بطلب اثيوبيه ولان عندي دوام الكليه ولازم اشوف لي خ1امه من الحين .. بس انا عيالي صغار

الله كريم .. ويسهل عليج

 

[عرموشة]

الله يرزقج يا نوف تكون طيبه وحنونه علي عيالج

 

[دلوعة امي]

قلبي احنا من جم سنه كله اثيوبياات وبيت عمي نفس الشي
ملوتنا وايد احسن احنا نطلب مسلماات ويعروفون انجليزي مو مشتغلين من قبل
بس تيي يكون المكتب معلمها ..

اللي مشتغلات باللبنان وايد مبلتعاات ونفس الفلبنياات يعني ماتشتغل اي شي لازم اجاازه كل اسبوعين ..

وكل شوي يدقوون رفيجتها وطبعا تقول خالتي مادري وايد منفتحاات


بس اللي عندنا وايد زيين اللحين اكثر من 5 سنين عدنا 3 والله سنعات وشغللهم مرتب ومايحقدون على اليهال ونظاف حيل
بس عيبهم يتهاوشون مع بعض .

 

[عرموشة]

دلوعة امها

الله يجزاج كل الخير

انا بغيتها مشتغله بلبنان علشان النظافه والترتيب وانا ان شاء الله بسال ربي انها تكون عاقله لان مثل ما قلت ما عندي احد اودي بنتى له

الله كريم ان شاء الله ويطلع فيها خير

 

[bigbon555]

hello everybody

Can post pictures of your wigs here. They can be lace wigs, lace front wigs, synthetic wigs or custom lace wigs. Show us what your working with.

 

[بدوره 22]

ما جربت من قبل هالجنسيه بس انتي ادعي هالدعاء

اللهم اسألك خيرها وخير ما جبلتها عليه


واعوذ بك من شرها ومن شر ما جبلتها عليه

 

[عرموشة]

bigbon555 و بدوره 22

انا شاكره لكم علي المرور

 

[om fares]

انا ماجربت هالجنسيه بس من كثر ما سمعت عنهم مااااااااااااااا افكر باثيوبيه لانهم عصبيات وحارات ما يتحملون وعلي فكره وحده من اهلنا كان عندها تقول يخرعون لما يعصبون او يتهاوشون مع الخدم يرفعون سكاكين علي بعض

 

[الفرحه السجينه]

الاثيوبيه لا تكلمينها وتقولين هذا ليش ترى تطنقر انا قبل اثيوبتي طنقرت وراحت المكتب لانها تنام للساعه 11 الظهر ويوم كلمتها طنقرت بسم الله وراحت المكتب عادي عندها وما صارلها اقل من شهر عندي ومسلمه كانت

بس امي عندها اثيوبيه صغيره مسيحيه اول مره تشتغل تهبلللل حنونه عالجهال

بس مهما كان ما راح نطلب اثيوبيه مره ثانيه احس هالجنسيه قليل تلقين الزين فيهم


انصحج بالهنديه والسيلانيه تحسينهم راعيات بيت وسنعات ويخافون على اهل البيت يعني تحرص عالبنات لا صرتي برا وما تفكر بالهياته والرياجيل بس اخذي كبار وعندها عيال

 

[باتشا لوتشي]

عن نفسي خدامتنا اثيوبيه بالعكس هاديه وزينه وشغلها زين حالها حال الباجين

لحد يبالغ كل الخدامات فيهم حقهم بهالسوالف حبكت على الاثيوبيه

حبيبتي توكلي على الله واغلب الاثيوبيات يروحون السعوديه ودبي ولبنان وشغلهم حلوو

 

[عرموشة]

ما قصرتوا يا بنات وانا فعلا طلبتها وابتوكل علي الله

 

[اوركيدا]

احنا اللي عندنا 10 سنين اثيوبيه ..
وعند يدتي 2 ..
وخوالي وخالاتي يعني مجتمع كامل ..
اكيد فيهم الشين او فيهم الزين .. لكنهم حنونات وطيبين ..
يطنقرون او عندهم عزة نفس وايد لكن حليوين ينكسبون يعني ..

لكن الخدم اللي ايون من لبنان ماينفعون .. مبلتعين او متعودين على الهيته والاجازات ..
ان شاءلله انتي حظج يصير غير

 

[دلوعة المطران]

بصراحه هالجنسيه مو شي همجيييين لدرجه موطبيعيه كانت عند اهلي وحده وتذاابحت مع خدامتنا الثانيه هنديه ومن بعدها كرهت هالجنسيه اقعد بدوون خدامه ولا اطلب اثيووبيه لانهم همج ومايخاافوون عكس الهنديات تحسين يبون يعيشوون ..

 

[عرموشة]

الله كريم يا بنات