أجهضت بالغربة ساعدوني

[a girl]

السلام عليكم

أنا عايشه برا الكويت و حملت و كان خارج الرحم سبحان الله .... تخيلوا يتني الدورة عاااااادي طبيعية بعدين لما غسلت و الحمدلله حاشني نزيف و قالي الدكتور في حمل خارج الرحم :eh_s(2):

طبعا انا قلبي وقف ؟؟ أول مره أسمع بحمل خارج الرحم .... ماطول عليكم عطوني أبر و نزل البيبي بدون منظار بدون أي شي لله الفضل و المنة ....

المشكلة إني بروحي برا و جزاها الله خير وحده عطتني لهوم و حلبه اشربها مع الحليب
لكن ماكو رشاد بالديره حق الحسو .... ماني عارفة شنو آكل و شنو الي اتجنب أكله .... :eh_s(2):

الله يجزاكم خير ساعدوني بنصيحة من خلال تجاربكم

 

[الجوهرا]

حطي شوي فلفل مع الاكل سوي لج عصيده وحطي فيها دارسين مطحوون وحبة سودا وحبة حلوا
سويلج شاي اعشاب وحطي فيه زنجبيل طازج والله يقومج بالسلامه

 

[منونتي]

الله يعوضج بالخير كله

و الله ما عندي خبرة

اب اب لعيونج

 

[الجوهرا]

حبيبتي ابتعدي عن اي شي بارد ودفي نفسج واكلي الاشياء الدافيه ابتعدي عن المشروبات الغازيه وخلي دكتورج يعطيج فيتامينات

 

[ام اغلى الناس]

الله يعوضج
بغيت اقولج اكلي رشاد بتمر بس تقولين ماعندج
اشربي جاي اعشاب وحلبه
واشياء دافيه
اكلي مرقوق وقبوط و شوربة دجاج بدجاجه مسلوقه
شوربة خضار
واي شي تحبينه بس مو بارد

 

[عسل حدي]

البنيه تقولكم بغربه وتقولولها مرقوق وقبوط

 

[sweeta77]

الف الجمدلله على سلامتك
انت حضيضه ان عطوك الابره وما اضطريتي تشيلين انبوب
تحفظي من البرد

 

[كريستال]

تحملي من البرد وشربي اشياء دافيه وتغذي عدل

اكل كله فيتامينات وبروتين تعوضين الدم واستغفري عن الضيقه والله يعوضج حبيبتي

 

[ياناسينا]

عسى الله يعوضج ان شاء الله ابتعدي عن الايس كريم والثلج والباميا والموز والاشياء اللزجة وغذي روحج بالحليب الدافي وشاي الاعشاب والزعتر والبابونج والدارسين واليانسون عن الغازات
واكلي سينابون متروسة دارسين وييبي لج لحم طازج سوي منه شوربة ومرقة مع خبز اسمر او بر اذا متوفر عندكم
وتدفي عدل بلبس البنطلون والدلاغات والشبشب ولبسي ملفع حتى بالبيت
والحمدلله على سلامتج*

 

[FJ style]

حبيبتي ربي يعوضج خير

ليش متضايقه ع سوالف النفاس ترى كلها عادات وتقاليد مو ضرورية ابدا
شوفي هالاجانب اللي حوالينج صحتهم احسن مني ومنج

الغذااااااااء الصحي
تدفي عدل وشربي دوافي واكلي خضرا ولحم وبيض وفاكهة واكل صحي
ووخري عن اكل الخرابيط زوالوجبات السريعه والبيبسي
شربي حليب خل يقوي عظامج
وانا متاكده ان عندهم في الصيدليات دوا في حلبة بالانجليزي اسمها فينوغريك وتنباع عندهم وياخذونها الاجنبيات لزيادة حليب الام انتي اخذيها عشان تقوي عظامج
Fenogreek or fenugreek

 

[الحــــــلا كله]

الله يعوضج

مثل ماقالولج البنات
تدفي عدل وغذي عمرج
وارتكزي على الفلفل الاسود والزنجبيل
سويلج شوربه وحطي فيها فلفل اسود واشربيها واكلي لج لحم ودياي ودام في بدايته ماياثر ان شاء الله

 

[عسل حدي]

الله يعوضج خير

 

[حرم الاسد]

البنات جزاهم الله الخير ماقصروا

شوفي اهم شي الدفاااااااا تدفي عدل و اهم شي ماتجوعين ماتكثرين تسويلج تلبك بالمعدة
اهم شي اشياء حارة لو بس الحليب
والشوربات ولحوم دجاج وسلطات خضرة فواكة

 

[a girl]

حبايبي ماقصرتوا

 

[روح الأحزان]

حبيبتي الله يعوضج خير ان شاء الله

 

[ٱستۆطنت خٱفقهْ]

اللهہ يعوضچ إن شاء الله

مثل ماقالو البنات
اهم شي الدفإ
والفلفل الاسود بالشوربة
وشربي حليب بدارسين سبحان اللهہ ينظف الرحم

وشربي الآعششاب والحلبه بس اول اربع ايام لان ريحتها يبي لها وقت على ماتروح


وعسا اللهہ يرزقچ بالحمل السليم والله گريم

 

[احلامي غير]

الله يعوضك يارب

 

[ام الحلوااات]

اللــــه يــعــــوضـــــج حـــبــيــبــتــــي