أجيال المستقبل الباكستانية ثنائية اللغة في الجهراء؟؟؟

[غــ Q8 ــزلان]

واللي يعافيكم يابنات .. محتارة وابيكم تساعدوني .

اليوم سجلت بنتي في مدرسة اجيال المستقبل الباكستانية KG1 في الجهراء اللي تعرفها تقول لي عن حسناتها وسيئاتها الله يعافيكم وشلون تعاملهم مع الطلبة وشلون مستوى التدريس عندهم ؟؟ .. بصراحة اللي شجعني اني اسجل بنتي رسومهم زينة مقارنة بغيرهم ومدحتهم لي وحده من رفيجات اختي ... لكن ابي اعرف رايكم انتم ؟؟؟
اذا موزينة بلحق اشوف لي مدرسة ثانية تكون احسن ..

بانتظاركم :0bee2e8d89:

 

[اخت رجال]

اختي غزلان .. مدرسة اجيال المستقبال ثنائية اللغة اللي عند بيت التمويل غيروا اسمها الى الاكاديمية .. ما ادري شنو ... بس هي غير المدرسة الباكستانية مع انهم في نفس المبنى ..

وهذه المدرسة اللي هي الاكاديمية ثنائية اللغة توها جديدة .. هالسنة اول سنة لها .. وانا كنت ابي انقل عيالي لها واخذت منهم الابليكيشن وعيالي كانوا في مدرسة الكويت ثنائية اللغة اللي كانت تبي تغلق لان ما جددو لهم الرخصة .. لكن عقب ما جددو الرخصة خليتهم في مدرستهم القديمة ( الكويت ثنائية اللغة ) .. والوضع في مدرسة الاكاديمية ما يطمن لان ادارة المدرسة حسب تجربتي ما اشوفها مهتمة حيل باولياء الامور .. واستقبالهم لاولياء الامور مو هذاك الزود .. وترا رسومهم نفس رسوم مدرسة الكويت ثنائية اللغة ..

وبالتوفيق ..

 

[اخت رجال]

اختي غزلان ..

ترا مدرسة اجيال المستقبل اللي تقصدينها .. مدرسة باكستانية ... مو نظام ثنائية اللغة ... علشان جذي رسومهم اقل بكثير من رسوم مدرسة ثنائية اللغة ... لان ال kg1 في ثنائية اللغة رسومهم وصلت ال 1000 دينار ..

 

[غــ Q8 ــزلان]

هلا حبيبتي اخت رجال ..

اي ياعمري هي باكستانية على المدرسة كاتبين اجيال المستقبل الباكستانية ثنائية اللغة وبالاوراق مالتهم كاتبين اجيال المستقبل الباكستانية الانجليزية ..

حبيبتي انا اليوم شفت كتبهم حق اولى روضة حسيتها حلوة وفيها محتوى حلو .. بس مادري منو الاحسن اهي ولا الباكستانية الثانية اللي اسمها الجهراء الباكستانية .. احترت بينهم .. ياريت احد يفيدني ...

 

[@ام ضاري@]

رد : أجيال المستقبل الباكستانية ثنائية اللغة في الجهراء؟؟؟

سويت سيرج بالنت وطلعلي الموضوع في منتدانا الحبيب

اختي غزلان حبيت اسالج دام كنتي حاطه عيالج فيهاا

بشري على الروضه شلون التعامل اهم شي عندي

واذا غير غزلان مجربتها ياليت تفيدوني

ومشكووووووورين