أحاتي ولدي اللي تعرف شي عن التوحد تساعدني

[أي معزه!!]

السلام عليكم


بنات انا ولدي عمره سنتين وننص تووه بدا يتكلم تأخر وايد ووكلماته موو واضحه بصعوبه نفهمه

وكنت ماخذه هالشي عادي

بس قبل اسبوع ابوه يناديني اشوف شمسوي ولا شنووو

مسطر العابه بطريقة منظمة مسويهم صفووف اول مره يسوويها

وتوووه الحين عطيته بفك رجعت ولا مسطر البفكات هم صف ورا صف

ياللي مغص بطني والله حدي خايفه ..ولدي يسستحي شوي بس بصراحه

اذا شاف يهال يحب يروح يلعب معاهم مو انطوائي

اشلون اتاكد اذا وليدي مافيه شي امين يااااااارب العالمين

ما كتبت اهني الا اعرف انكم بتساعدوني

 

[كنوشة 2009]

اخذي الي مرز الطب التطوري في مستشفى الصباح يسون له تحاليل واختبارات ويشوفون شون فيه
وان شاء الله ما فيه شي

 

[مشاعل الشمري]

انشاء الله ما فيه شي
وديه التطوري مثل ما نصحتج اختي واذا الموعد مطول وديه حق اي دكتور متخصص للطب التطوري

 

[الصابرة المحتسبة]

هلا يالغالية

تفضلي هل لديكم طفل يعاني من التوحد- خلونا نتجمع (http://www.q8yat.net/showthread.php?t=159310)


التوحد......متجدد المواضيع (http://www.q8yat.net/showthread.php?t=346749

 

[شيخة الغيد]

حبيبتي .. التوحد مو بس يسطر الاغراض و العابة .. لا اهوا مجموعه من الاعراض .. وتاخر الكلام عادي.. بس اذا قلبي ناقزج وديه دكتورة عبير عوض اهي اللي بتفيدج من اول زياره .. و الله يطمنج عليه

 

[عبق الزهره]

السلام عليكم بنات انا ولد اخوي عنده طيف التوحد والله بنات اهو الطفل ما في شي كله طبيعي لكن مشكلته متاخر بالكلام وعمره 5 سنوات والله ما تقوليلا شي الا يركض ويجيبه لدرجه لما يحس ان امه تبي تطلع يروح يركض وييب لها لبسها وتكرمون الجوتي وبس مشكلته الكلام مما يتكلم اهو الحين يداوم في مركز الداون بالخالديه بس شني سمعت عن مركز التوحد غرب مشرف وكل يوم ادق بس ما في احد يشيله فعفيه اللي تعرف شم ياخذون على الطفل وشلون يداومون وشلون مدرساتهم وهل ياخذون من جنسيات اخرى لان ولد صاحبتي مو كويتي وامه تحاتي تبي تدخل ولدها فاللي ترد علي الله ينور طريجها بالنوير

 

[مشاعل الشمري]

حياتي اللي اعرفه اذا الطفل على المجلس يدفع له الرسوم وكل شي

 

[دشداشه مقصمله]

وديه وفحصيه اخيتي ولا تضيعين وقتج....
وانشاءالله ما فيه إلا العافيه
طمنينا

 

[الصابرة المحتسبة]

السلام عليكم بنات انا ولد اخوي عنده طيف التوحد والله بنات اهو الطفل ما في شي كله طبيعي لكن مشكلته متاخر بالكلام وعمره 5 سنوات والله ما تقوليلا شي الا يركض ويجيبه لدرجه لما يحس ان امه تبي تطلع يروح يركض وييب لها لبسها وتكرمون الجوتي وبس مشكلته الكلام مما يتكلم اهو الحين يداوم في مركز الداون بالخالديه بس شني سمعت عن مركز التوحد غرب مشرف وكل يوم ادق بس ما في احد يشيله فعفيه اللي تعرف شم ياخذون على الطفل وشلون يداومون وشلون مدرساتهم وهل ياخذون من جنسيات اخرى لان ولد صاحبتي مو كويتي وامه تحاتي تبي تدخل ولدها فاللي ترد علي الله ينور طريجها بالنوير

وعليكم السلام

تفضلي

http://www.q8yat.net/showthread.php...1%DF%D2+%C7%E1%DF%E6%ED%CA+%E1%E1%CA%E6%CD%CF

 

[girl_in_abottle]

حبيباتي لاتخلطون بين تأخر الكلام و التوحد

و تصفف الأشياء علامة من علامات التوحد
وديه فحص يفحصون فيه كل شي