؛
السلام عليكم ورحمه الله
؛
مساء الورد عرايس
كيف أبدي بالموضوع :/
المهم انا مخطوبة جديد وبصراحة للحين مومتحمسة اسوي شي كلش كلش ولالالالا شي
احس ببررود مو طبيعي مدري وش صاير لي الناس طايرين يجهزون لعرسي وانا كل يوم نوم وسهر ومريحة مخي مدري وش احس
( أتوقع ردة فعل عكسية من الخرعه يجيني برود وتبلد )
المهم خطيبي متفقه انا وياه ان العرس يتم بشهر جمادي الأولى يعني يصادف شهر مارس
فجأة قال لالالا بس اعطيك مهرك هالشهر أبدي جهزي لني أحتمال أسوي زواجنا بعد شهرين o__o
يعني لو عطاني مهري بيكون شهر محرم خلص بيبقي لي بس شهر صفر <<-- بتصيح
وش اسوي انا بشهر واحد وش اخلص
أصــلا" حتى فستان الزواج للحين مالقيت شي يعجبني ولاطلعت لي موديلات حق بدل استقبال ولا حتى فستان الصباحية يعني ولا شي وووووولاشي
وانا مرررة خايفه يفاجاني لنــة سواها فيني قبل بالملكة
دقو اهله بالليل الساعه 12 قالو ترا كتب الكتاب بعد يومين كان معاي بس الخميس والجمعه والسبت ملجت طااار قلبي
حتى اهله كانو حدهم معصبين لأنه فاجا الكل
والحين خايفه يسويها مرة ثانية مع انيي منبهته لالالايسويها اقل شي احتاج شهرين
من بكررة بروح اسوي لي جلسه ليزر ( في المركز الصيني بالدمام ) ومن يوم السبت الجاي بدخل نادي يمكن امتن مع الرياضه لوووول
شنو بعد احتاج ابدي فيه بدري
طبعا" كل هالاشياء وللحين ماعطاني مهري باخذ من عند ابوي عشان كذا متعطلة مستحية اقول حق ابوي عطني لوووول
تكفون شنو احتاج ابدي فيه
