أحترت منهو هذا اللي يبي خراب بيتي والله احترررررت ؟؟

[أم الفيصل]

!

السلآم عليكم ورحمة الله وبركاته ...

بنآت بقول لكم وش صار معي والله يعلم أني مشتته ومو قادره افهم لين اللحين رغم مرور فتره على الموضوع بس مو طويله .. المهم أدش بالموضوع ..

سلمكم الله أنا حملي صعب يعني أتوقفت فتره وحملت وسقطت كذا مره وبالمره الاخيره ولله الحمد استمرالحمل للشهر السابع وبهذي الفتره كنت على اعصابي ان ربي يتمم لي حملي ..وكانت نفسيتي تحت الصفر من نواحي كثير منها العمل والحمل والتعب ...
بنات دخل بيوم علي زوجي ووجهه متغير قلت وش فيك قال اقرأي الرساله ولا رساله مرسوله له من رقم غريب مكتوب فيهااا شوف زوجتك حامل من مين ....يااااااااااااااااااااااااااااااا الله يا بنات أنا صعقت وكل شئ صار فيني لآنه ماني عارفه فيه انسان يكرهني لذي الدرجه علشان يرسل رساله لزوجي يشككه فيني ..طبعاً زوجي ولله الحمد عاقل وواثق فيني ولا راحت ولا جت معه الرساله بس قال مين يبي يخرب بيتنا ..بنات والله الرقم مطفى من بعد الرساله يعني هو رقم بدون اسم انشرى لهذا الغرض واتكسرت الشريحه عليهااا ..بنات والله اني انصدمت يومين وقلت كلمه وحده يااارب سوق لي صاحب هذا الرساله ذليل يطلبني السماح ..وبس عليهااا والحمدلله بعد فتره ولدت بنوتتي القمر وبعد كم شهر والا تجي لزوجي رساله ثانيه مكتوب فيها شوف زوجتك تلعب من وراك وانت مسكين ومع فلان ..وفلان هذا في دوامي رجل ما اعرفه ولا يعرفني ...
هنا زوجي استغرب وقال وش يقصدون وليه الرسائل وبدأ يكثر بالاسئله وانا اقول تبي تصدق براحتك انت اخبر الناس فيني وتبي تطنشهم بتموتهم قهر .. قال حسبي الله وليه احنا ؟؟؟
بنات حسيت زوجي تغير علي موتشكيك فيني لا بس قهر انه ما عرف صاحب الرساله ..المهم انا ما حبيت اكرر السالفه قدامه وتركتها على رب العالمين هو ادري بالظالم والمظلوم ...المهم والله العظيم يا بنات بعد اسبوعين جاني زوجي وقال لي جهزي نفسك بنطلع نتعشى براا ولما ركبت السياره الا قال لي والله اني احبك تصدقي صار شئ وشفته بعيني قلت شوهو ؟؟قال الرساله اللي انرسلت له نفسها انرسلت لصديقه بس طبعاً تغيير الاسماء وصديقه شكى له ولما قرأها ولانفسها قال اكيد مؤامره ...

بنات انا والله العظيم مسالمه جداً بس العين دائماً على اللي عندي ..وزوجي ولله الحمد فوق الوصف وابن حلال معي ..زوجي له اعداء بالدوام وانا وهو بنفس التخصص ..وانا مااذكر اني أذيت احد ولا احد اشتكى مني ..

ولليوم والله محتاره مين هو او هي اللي يبي خراب بيتي ..
مين اللي قذفني بالحرام وانا حامل والله يعلم كم نفسيتي تعبانه وكارهه كل شئ وهذا يقذفني بالحرام وربي يشهد على طهري .؟؟؟
مين هذا او هاذي اللي يبي خراااب بيتي ميييييييين ؟؟؟

بنات انا بعد بكره بكون في مكه وان شاء الله اني ادعي ربي ينصرني عليها او عليه .. ويجيبه القدر قدامي بإذن الكريم ..

بنات خراب البيوت موهين وللأسف هناك ناس بايعه ضميرهاااا ومو كل رجال مثل زوجي بيتصرف بعقل وحكمه ممكن غيرهم انهدم بيته ...

حسبي الله

حسبي الله

حسبي الله


حلفتكم بالله كل من دخلت موضوعي تدعي لي ربي يظهر لي مين هالعدو ...

وكل وحده تحذر اشد الحذر على الخير اللي هي فيه ...


اسفه طولت عليكم ..

بس حره بقلبي ومالي غيركم ..


كل الود


:eh_s(7):

 

[انصاريه قمره]

حسبي الله ونعم الوكيل اللهم رد كيدهم في نحورهم واجعل تدبيرهم تدميرهم
وحمدي ربج يا بنت الحلال زوجج متفهم وولد ناس وواثق فيج الله يحفظكم وينجيكم من القوم الظالمين

 

[أم الفيصل]

!

اللهم آمين اشكرك اختي على الدعوة والله يقبلها منك يارب

والله يحقق لك مرادك يارب

 

[om Firas]

على طول قولي حسبي الله ونعم الوكي وربج ماينسى عبده ان شالله مؤجوره بهالمصيبه

 

[انا لحبيبي .]

حسبي الله ونعم الوكيل ، الحمدلله زوجك متفهم وابن عالم وناس وعقله كبير

الله يحفظكم لبعض يارب العالمين ،

الله يبين الحق يارب العالمين وترتاحي ​

 

[أم الفيصل]

!

اللهم آمين اشكرك حياتي على الدعوة

الله يسعدك

 

[أم الفيصل]

على طول قولي حسبي الله ونعم الوكي وربج ماينسى عبده ان شالله مؤجوره بهالمصيبه

!
الله كريم
إن شاء الله اكررها ع طول

اشكرك والله يوفقك ويسعدك

 

[sunshine22]

اذا أتتك مصائب

فتش عن المرأه

او يمكن عدو من اعداء زوجك يبي يشوشر عليكم الجو

خلي زوجك يغير رقمه واذا استمرت الرسايل معاناها شخص بيعرف زوجك عدل

 

[برنسيسة الشمال]

الله يفرج همج وماتجين من مكه الا وانتي عارفه مين

 

[أم الفيصل]

ما اقول الا الله ينتقم لي منهم عاجلاً غير اجل ...
مشكورات حبيباتي الله لا يحرمني منكم والله يسعد كل وحده ردة علي

مشاعركم وفيه ووقفتكم اخويه بجد

دمتم​

 

[" ام حمود "]

حسبي الله عليهمم .. شنو هالناس الحاقده ليش يبون يخربون عليج علاقتج
مع ريلج ..
لاحول الله ولا قوه الا بالله ..
الله ينصررج عليهم .. ودايماا ادعي ربج
عسى الله يفرج همج ويوفقج في حياتج ..

 

[أم الفيصل]

!

ليه ؟؟هذا هو السؤال العقيم

والله مدري

مشكوره حبيبتي على الدعوه

وان شاء الله ما انساكم في الحرم من دعواتي

الله يسعد كل وحده ويحقق لها مرادها ياكريم


ودي

 

[Čut!e Quèéи]

حسبي الله ونعم الوكيل على كل من يحال يخرب بيتج
هذا او هذي اكيد احد معاكم بالدوام
خليته يغير خط تليفونه ولا يعطيه احد من الموظفين
وانتي حطي بالج يمكن لي رحتي مكان احد ياخذ موبايلج عشان يطلع رقم زوجج
اكيد واحد حاقد عليه او وحده حاطه عينها عليه واهو مو معبرها
اكثري الدعاء وتحسبي عليهم وغيرو ارقام تليفوناتكم

 

[Čut!e Quèéи]

اذا أتتك مصائب

فتش عن المرأه

او يمكن عدو من اعداء زوجك يبي يشوشر عليكم الجو

خلي زوجك يغير رقمه واذا استمرت الرسايل معاناها شخص بيعرف زوجك عدل

ساعتها معناها اعز صديق او احد من الاهل :eh_s(4)::eh_s(1):

 

[أإلع ـشق دلع ـهـأإ]

.






عورني قلبي ..


كلشي ولا الظلم انا حاااسه فييبج قهر والله ..

الله قال " وعزتي وجلالي لانصرنك لو بعد حين "

حق المظلوم . ودعوة المظلوم مستجاااابه

ادعي ربج بكل وقت انه يفضح اللي قذفج ..

ماايدروون ان من السبع الموبقات رمي المحصنات الغافلات

قولي حسبي الله ونعم الوكيل ..

الله ينصرج على من ظلمج ويرد كيده في نحره ..







.

 

[أم الفيصل]

!

والله يا اخواتي مليون ظن براسي وانا ماعرفت ليه لين اللحين ولامين اللي يبي اذيتي

وعلشان كذا اروح اقصده في بيته الكريم واغير نفسيتي واكون قريبه وبجو روحاني

وادعيه ومثل ما قلتو خواتي بسوي الله لايحرمني منكم وبكون حذره واكيد طيبتي وطيبة

زوجي انحسبت علينا غلط ..

مشكورات خواتي اللي ردو

الله يسعدكم ..

 

[}{نرجسيهـ}{]

حسبي الله ونعم الوكيل


اللهم رد كيدهم في نحورهم


واجعل تدبيرهم في تدميرهم ..

 

[أم الفيصل]

!

اللهم آمين

اشكرك على دعوتك

الله يسعدك بحياتك

آمييييييييييين

 

[رضاهم جنه]

يما قريت موضوعك وكش جسمي

معقوله في ناس حاقده لهالدرجه ,, بس رددي حسبي الله ونعم الوكيل
وان شاء الله ينصرك على قد نيتك

 

[حبك بلاني!]

الله يحفظكم لبعض يارب العالمين ،

الله يبين الحق يارب العالمين وترتاحي