أحد صار له هالشي ؟

[سارا ديور]

السلام عليكم ورحمة الله وبركاته

بنات ...

أحد صار له هالشي ؟؟؟؟

أنا لما أزعل أو أتضايق .. من باجر يطلع لي بقع زرقه جنه أحد طاقني

مثل الرضه مره بساقي ... مره بفخذي ... وبأحجام مره يطلعون صغار ومرات الله لايوريكم

كبار حيل ....

أنا رحت لمختبر وسويت عدة تحاليل منها تحليل وظائف الكبد والغدد ومشاكل الدم

بس ليما الحين ما طلعت النتيجه ...

منو صار لها هالشي وشنو سوت ... ووين راجعت ؟؟؟ وشنو قالها الطبيب ؟؟؟

 

[طماشه]

مشاركة: أحد صار له هالشي ؟

لا والله شئ غريب الصرااحه ماسمعت احد صارله جذي


انا لما احد يطقني ولا يقرصني تطلع بقع زرق

 

[سارا ديور]

مشاركة: أحد صار له هالشي ؟

مشكوره طماشه على مرورج

أنا لما أزعل من باجر لازم يطلع لي بقعه ولا ثنتين

 

[ركاز]

مشاركة: أحد صار له هالشي ؟

سبحان الله سالفتج غريبه يمكن معاج قولون عصبي بس هم مايسوي الي تقولين عنه
مالج الا القران وماي زمزم ووسعي الصدر وانا اختج مابتسواااش

 

[سارا ديور]

مشاركة: أحد صار له هالشي ؟

مشكوره إختي زكاز منو قالج إني ما قريت على روحي

وشربت ماي زمزم بعد بس ناطره نتيجت التحاليل

 

[بنت البذال]

مشاركة: أحد صار له هالشي ؟

لا مو شي غريب وايد ناس يصير لهم هالشي امي واختي دايما اذا كان شي جايد مزعلهم وحاطين الحره بقلبهم يصير فيهم جذي
مو مرض عضوي بس هم ما يمنع انج تتاكدين وتتطمنين على صحتج
وقولي امين
انشالله ما يجي هذاك اليوم اللي تنامين فيه متضايقه وانشالله تكون كل ايامج افراح واعياد وهنا وما تشوفين ولا بقعه بجسمج لا خضرا ولا زرقا ولا بنفسجيه ولا كل الوان الطيف

 

[BlUe SkY GuRl]

مشاركة: أحد صار له هالشي ؟

تبين الصج اهو شي عادي

وانا سمعت من بنات وايد ان مو بس جذيه

لما يعصبون بس يكبتون حرتهم ينفر جسمهم كله حبوب

او بس في منطقه اللسان او في الانف

او بس هلى الاصابع تطلع لهم نفس الحساسيه

خصوصا اذا احتريتي بقوه وكبتيها ترى هذي اخطر شي

لانها تييب السرطان الله يكافينا الشر مو بس بقع

فانتي اذا عصبتي ترا ما فيها شياذا بجيتي بروحج ونفستي عن اللي في قلبج ترا الكبت والله مو زين


وان شاء الله تطلع النتيجه ومافيه الا العافيه بس طمنينا

 

[همسات ليالي]

مشاركة: أحد صار له هالشي ؟

انا خالتي جذي

بس همن اقوووولج ان جسمج حساس يتاثر بالحاله النفسية فديري بالج

وخففي من زعلج وفرغي شحنه الغضب باي شي علشان صحتج

 

[سارا ديور]

مشاركة: أحد صار له هالشي ؟

مشكورين حبايبي

وما أخبي عليكم أنا فعالا بالوقت الحالي أعاني من ضائقه .. مو ماليه .. بل نفسيه

علشان جذي زاد معاي هالشي

ومنو قالكم إني ما أنفس ولا ما أبكي

بالعكس كل أتكلم مع لأمي ومع خواتي ومع صديقاتي .. ومع نفسي <------ وإهني يشتغل البجي عاد

مشكورين حبايبي على مشاركتكم ... وعلى إهتمامكم ... والله لا يخليني من دعائج يا بنت البذال

 

[شاهة]

مشاركة: أحد صار له هالشي ؟

الله يرفع عنج ويخفف عنج يااااااارب , لاتحرين روحج الدنيا ماتسوي وتري عندي لج علاج (المشي ) ماتتخيلين شلون تهدا اعصابج عقبة جربي , المشي يطلق مواد معينة تخليج تسترخين امشي نص ساعة وان شاء الله ترتاحين .
والله يا رب يوفقج ويسهل امورج

 

[s3ad]

مشاركة: أحد صار له هالشي ؟

سار ديووور
هذا الشي صار وياي بس قبل ايام الثانوية
يعني لما كنت صغيرة بالعشرين عمري
من اتضايق أو ازعل جسمي يطلع فيه بقع طلسة ولما اجيسها تعورني
وبعد فترة يروح كل شي
انا سالت دكتور فيها قاللي هذه تجلطات خفيفة
وما سمعت انه لهالشي دوا
دواج يا عمري انج ما تفكرين وتزعلين واايد
الظاهر انتي وايد حساسة

 

[سارا ديور]

مشاركة: أحد صار له هالشي ؟

الله يرفع عنج ويخفف عنج يااااااارب , لاتحرين روحج الدنيا ماتسوي وتري عندي لج علاج (المشي ) ماتتخيلين شلون تهدا اعصابج عقبة جربي , المشي يطلق مواد معينة تخليج تسترخين امشي نص ساعة وان شاء الله ترتاحين .
والله يا رب يوفقج ويسهل امورج

يابعد عمري أنا موبس أمشي أنا رياضيه بالأصل ومو بس أسبح أنا مدربة سباحه

كل وسائل الإسترخاء عندي

لكن باب النجار مخلع

 

[سارا ديور]

مشاركة: أحد صار له هالشي ؟

سار ديووور
هذا الشي صار وياي بس قبل ايام الثانوية
يعني لما كنت صغيرة بالعشرين عمري
من اتضايق أو ازعل جسمي يطلع فيه بقع طلسة ولما اجيسها تعورني
وبعد فترة يروح كل شي
انا سالت دكتور فيها قاللي هذه تجلطات خفيفة
وما سمعت انه لهالشي دوا
دواج يا عمري انج ما تفكرين وتزعلين واايد
الظاهر انتي وايد حساسة

فعلا حســــــــــــــــــــــــــــــــــــــاسه

 

[bnt_kwt]

مشاركة: أحد صار له هالشي ؟

سارا عاديه الشغله تصير حق بعض الناس اذا النفسيه تعبانه او زعلانه او معصبه مثل ما قلتي وما منها خوف لانه الله يسلمج بنت خالتي صغيره بالروضه ومن تبجي او احد يزعلها يطلع لها جذي سبحان الله جسمها يبقع يصير جنه في رضوض وامها خافت عليها يوم ودتها الطبيب وفحصها وحللولها طلعت طبيعيه بس نوعيتها حسمها حساس واقل شي يطلع على جسمها طالعي سبحان الله ياهل بالروضه من تتضايق يصير فيها جذي

 

[منورة الكويتية]

مشاركة: أحد صار له هالشي ؟

واي بعد عمري الله يشفيج ويبعد عنج الشر
ويزيح هالضيجة عنج
وتذكري ان مع العسر يسرا

 

[حبنا الله عليه]

مشاركة: أحد صار له هالشي ؟

ان شاء الله ماكو الا الخير

واعرف وحده جذي مثلج بالضبط .. بس لاراجعت ولا شيء اهو بالزعل بس يطلع لها وووحده ثانية لالالا تنترس حبوب بوجها وصدرهــا لازعلت

 

[سارا ديور]

مشاركة: أحد صار له هالشي ؟

مشكورين على ردودكم إللى تثلج القلب

أنا المفروض تطلع تحاليلي أمس بس كنت منتظره الدكتوره قالت بتتصل على وبتبلغني

وما تصلت فقمت أحاتي

 

[روزالكويت]

مشاركة: أحد صار له هالشي ؟

انا دائما جسمى مرضرض اخضر وازرق وبننفسجى اثارى من الحاله النفسيه متى يروحون ماظنتى يروحون. الحمدالله على كل حال انا عبالى فيني تكسر بالدم اثارى من النفسيه.يالله شدعوه مقطعه الشورتات والميكرو جيب عاااااااااااااااادى

 

[سارا ديور]

مشاركة: أحد صار له هالشي ؟

على قولتج

مشكوره على مرورج

 

[lolo77]

مشاركة: أحد صار له هالشي ؟

اولا اختي ما تشووفين شر

بس انا بعد ترى بصراحه اول مره اسمع هن هالشي

؟؟
سبحان الله لازم ما نكبت الزعل والحره
وحنا شغالين كبت بكبت