أحسن مخدات ؟ وسادة؟؟؟pillow ؟؟؟؟؟

[مسك 3]

الموضوع واضح من عنوانه
وحاليا أعاني من هالمشكله كل شوي مغيره المخده لأنها متعبتني
وخل اكون واضحه ومحدده : ما أحب الريش أفضل الديباج وأبيها ضعيفه ما أبي وحده عاليه تعور رقبتي
واقترحوا مكان وشنو نوعها وشمكتوب عليها تعبت من التجارب الفاشله بهالموضوع
وسلامتكم

 

[Harmony]

ما كو على دنلوب صناعه بريطانية و سنعه و على كيف كيفج اكثر من حجم و ارتفاع و اكثر هى صج غالية مقارنة بالباجى بس سعرها فيها

 

[@Miss Dio@]

هارموني وي نلقاها وبجم؟

 

[مزيونه وشقره]

وين نلاقيهم وجم السعر تقريبا








مع احتراماتي ياحياتي

مزيونه وشقره​

 

[رفرف]

في بسنتربوينت وايد أنواع طبي وتخيري ...

 

[supermarket]

ابي سميكة ( بيتزا مو مخدة ) ويابسة وين القى!!
ماحب الناعم انا والسرير واحد

 

[أم الطيب]

مسك 3
عمري انتي والله نفس معاناتي
عيزت وانا اشري واكود
انا احبها مرتفعه شوي بس ناعمه ما حب القويه

هارموني
حياتي انتي يالقاطعه من وين دنلوب ؟؟

 

[Harmony]

ويييييييييييييي مادرى نسيت الموضوع اسفه بنوتات

انا اشتريهم من ايس و من اميركان ماترس و يمكن عند بيد شوب بعد بس اول اثنين انا شاريه منهم و اكو محل بعد امى تشترى منه اسألها لكم بعد

 

[ام المزايين]

شخبارك بنات انا مخدتي من الجريوي بصراحه روعه وموريحه حيل

 

[سبائك]

والله آنا آآآآآآآخر تجاربي كانت مخده من أيكيا بس ريش

مريحه نوعا ما

 

[شيهانه]

اشتريهم من تروفاليو حتى امي حبتهم اهم اييون مع كيسة خام سعرهم 1.400 بس لا يستهان فيهم وايد مريحين ..جربوهم

 

[مسك 3]

حياتي والله اللي عايشي نفس معاناتي
انا وصلت مرحله عندي ست مخاد ححقي مقي ولا وحده تبرد القلب الا القديمه وناسيه من وين شريتها ،المهم اني حبيت اني ما أخسرها عشره جم شهر فقمت وغسلتها صار معاها حاله تكور شديده و تحسفت بس لأني يأست اني ألقا مثلها
المهم اللي تلقا مخده ديباج ومو مرتفعه وقابله للغسيل خل تطمني بس ان ممكن ألقى مو شرط تقول من وين
مشكورين حبيباتي اللي اقترحوا محلات
وفي بعد شي أكرهه المخده المضغوطه لما تشترينها من المحل ولما تردين البيت تفتحينها تصير خيمه

 

[أم ^ علي]

مافي أحلى من دبنهامز أنا أحب الريش وايد مريحين الديباج مايريحوني
سبحان الله كل واحد وطبعه

 

[اعييز]

مسك بالعكس فيه مخاد مضغوطه عقب ماتنتفخ تظل مثل مااهيا يعني بس حق التخزين يخلونها مشفوطه


وبعد شنو ياربي الحين انا بكتب لستة واشوف اللي امر يمه باخذ من مخادهم

1. تروفاليو
2. سنتر بوينت




انزين منو اللي قالت عن الجريوي .. اي نوع شاريه .. لأن اللي عندي رفيييييييعة وايد اكسرت رقبتي !

 

[أضوى1]

على طاري المخدات يا بنات

والله انا عيزت أدور مخده مريحه .. أذكر مره لما رحت ماليزيا وتايلاند بالفندق كانوا حاطين مخدات عجييييييييييييييييييييييييبه تخلي اللي ما ينام ينام عاد انا وحده عندي صعوبه بالنوم وما انام بسهوله لي غيرت مكاني

بس هالمخده ريحتي وايد ... تدرون شنو الحلو فيها ؟؟

الحلو فيها انها مثل العجين أو الطين تتشكل على حسب نومتج ووضع راسج عالمخده والله يا بنات انها روعه دورت مثلها بالكويت بس مالقيت.

عفيه اللي تعرف وين تنباع هالنوعيه تقولي .. والا بسافر مره ثانيه وآخذ مخدة الفندق

 

[ام تروكي 1]

اذكر مره رحنا الجريوي وفصلت مرتبه مالت السرير واخذنا مخاد نوم منهم والله

انهم مريحين مرررره وللحين عندي من 4 سنوات تقريبا وعلى شكلهم ماتغيرو

بس اي نوع مادري اخذنا ومشينا

 

[ghalaty]

الجريوي مخاده مريحه

 

[بنت الحزن]

انا اشتريت من سنتربونت فيها رمل عجيبببببه