أحس أني عملاقه شنو أسوي مو انا خلقت نفسي

[long time]

السلام عليكم ورحمه الله

بنااات أنا زهقت من جسمي كل الي يشوفوني يقولو لي طويله أنزين والله ددريت
تعبت أبغى أصير بنت عندي أنوثه قصيره مثل الناس بس للأسف أني طويله
أنا أدري أن كل الرجال يبون قصار وساعات وايد أحس أنه ماحد راح يتزوجني لاني طويله
كل متعقده من هالموضوع من لما كنت في الأبتدائي يوقفوني أخر الصف لأني أطول وحده
غير لما امشي مع بنات يقولو لي نحس اننا اقزام قدامك ومواقف وايد كدا :eh_s(14):
شفتو العقد ؟ ساعدوني مافيه حل أقصر ولا شيء سمعت انه في تمارين تقصر
واناا طولي 174 ووزني 64 وعمري 16 سنه

 

[نوراء الحلوة]

هلا حبيبتي
لا تتعقدين ولا شي!!
وماعليج من رفيجاتج!!
خل عندج ثقة بنفسج وصدقيني بترتاحين
وطولج مو مال عمالقة احس طولج ووزنج جنج عارضة ازياء...

عندي ناس وايد من اهلي تزوجو رياييل اقصر منهم
حبيبتي لا تهمين روحج ولا شي بيجي يوم وبتزوجين وبتلقين ولد الحلال اللي بيصونج وبحطج في عيونه ...

ويلله حبيتي ركزي في المذاكرة الامتحانات ع الابواب

بالتوفيييق

 

[sho-sho_93]

لوووووووووول انا طولي 170 ما فرقت شي اصلا الطول هيبه انا اذا رفيجاتي قالو طويله اقول لهم احسن منكم طول رباني اصلا معروف الي يختارونهم عارضات ازياء طواااااااال

 

[mediaaaa]

احنا باربي الجامعه طولها فوق ال 175 بس ضعيفه حيل جنها عارضة ازياء
نناديها باربي

 

[نااناا]

ماشاءلله من حظج حبيبتي انج طويله الكل يتمنى الطول حتى الطويله تلبس كعب
خلي غندج ثقه بنفسج واهم شي انتبهي لاتمتنين لان ساعتها راح يكون صج شكلج موحلو
لكن الحين ماشاءلله طولج ووزنج جنج عارضه ازيااء

 

[_زينه_]

عادي حببوبه الطول هيبه

 

[ديمورها]

ماشاء الله وزنك مناسب لطولك

وبعدين الشباب الحين اهم شرط عندهم بالبنت انها تكون طويله 000

 

[رُۈحَ ۈ رْيحَآن]

،

لاحبيبتي لاتعقدين ولاشي دام انج واثقه من نفسج وعاجبج روحج ماعليج من الناس اهم شي الثقه والرضى بالنفس

،

 

[mf6nt el3lat]

حبيبتي فيه ناس تجيهم فترة يطولون حييييييل يعني يبنون كانهم اكبر من عمرهم ويضلون على طولهم هذا طول العمر عااد انا بـ 4 ابتدائي والله العظيم كان طولي 140
الحين 160 يعني مافرقت عن رابع وشكلي بضل على هالطول لين اكبر لول



وبعدييييييييييييييييييييين شكو شكو شكو الرياييل يبون القصار لا حبيبتي المعروف انه الطول هو علامة جمال والكل يبي الطويله ويبي يصير نفس الطويله واذا رفيجااتج تكلمو تراا هذا من الحره looooooooool



وابي اقولج شي والله لو كنتي طويله قصيره مزيونه جيكره ضعيفه متينه ... الخ

بس شخصيتج حلوه وطيبه محد راح يلااحظ عيوبج صدقيني

والله يوفقج ي الطويله lol


ومفروض تفرحين لانج طويله وتفتخرين بعد اصلاا القصار يتمنون يصيرون نفس طولج واقولج مثال لول


بنت خالتي قصيره مره كنه قاعدين نسولف جان تقول امنيتي اني اصير طويله طويله طويله لحد ما تتصورينه لوووووووووووول



وجاري تحقيق الامنيه من قبلهاا لوووووول

 

[عسل سل]

انتبهي من شي
الطووول حلو ومو حلوو شلووون؟
الطوول حلوو اذا عرفتي شلوون تبرزيينه وترزيين جسمج عدل ((فاهمه شقصد طبعا))
اما اذا طوول بظهر احدب ومو فااردته على بو ماتبين تبيين طويله زيااده اهني الي مو حلووو صج
بس سالفة فردت الجسم هذي لاتسوينها الا باماكن تجمعات الحريم هههه غير جذي انا موو مسؤؤله!

 

[Miss McDonald]

• بالعربي يسمونج هيفآء
• بالعكس حلو طولج ووزنج واذا كبرتي وصرتي بالعشرينات راح يصير طولج منآسب لعمرج , لآتحآتين
• وبالنسبة للزواج , رفيجتي طولها 179 وتنخطب عآدي حبيبتي :*

 

[VET-Nour]

• شسمه عآد يقولون أن الطول من علآمأت الجمآل ​
• ترآ أنآ قصيرره و متأذيه من قصري هع ​
• بس مو حييل قصيره يعنئ يعتبروني قصيره ​
• فَ مرآت يصير الطول نقمه و مرآت نعمه ​
• و كل وآحد وحظّه ​

 

[•°أنـــفْــِـاسِ اَلِــــوُرَدِ°•]

عادي حبيبتي طولك زين ومافيك عيب هذي خلقة الله ولازم ترضين الحمدلله وطولك ماشاءالله زين قولي الحمدلله بالعكس الطول عز
والزواج قسمة ونصيب موطويلة أو قصيره النصيب والرزق بيد الله سبحانه وتعالى وخليك واثقه بنفسك غلاتي لأن الله اللي خالقك وأحسن خلقتك الحمدلله ,’

 

[Tom ♥ Jerry]

.،



شكوووووووو ! الطول هيبه
منو قالج كل الرياييل يبون القصيره
الرياييل يدورون الي اقصر منهم بس مو شرط قصاصه !

لا يقصون عليج :/ ..
في بنات أطول منج .,، بس ديري بآلج مو تمتنين ترا مو حلو طويله و متنيه
تصيرين يثله حآفظي على جسمج !


؛)

 

[مس روبنز]

ما شاء الله تبارك الرحمن تبادلين انا طولي 157​

 

[Fstani]

ماشاءالله طولج وجسمج متناسقيين =)




ثقي بنفسج وفردي ظهرج ترى الطول هييييبه ووايد ناس مو حاصل لها

 

[شندوخه]

بالعكس الطول الكل يدوره لايقصون عليج البنات ولا شوفيهم ليش يلبسون كعوبه 20 سانتي ؟
اللي مو حاصلهم الطول يتطنزون عليه لانهم محترين

 

[مريومه النزغه]

وي اذا ع الرفيجات ترا يغارون انا بيضه وعيوني عسلي فاتح كلهم يقولولي شكلج عراقي وماارد عليهم لان طبيعي وادري مو حاصلهم لا تتعقدين ولا شي يهبل طولج مع وزنج

 

[رهــKSAــــف]

انا اشوووف طولك حلو بالعكس الطول يخليك رزه
على فكره البنات لاشافو قصيره قالوا قصيره
ولاشافو طويله قالو طويله مايعجبهم شيء
وتلقينهم غيرانين من طولك
الكل يتمنى الطول ...

 

[بدورة القمورة]

يااااااااااااااااااااااااحلوج




واااي استانست من شفت ردود البنات طلع في بنات مثلي طولهم فوق

انا طولي 171 قولو ماشاءالله :eh_s(22):

وزني 65


من كنت بكبرج كانو ينادوني الزرافه:eh_s(9)::eh_s(22):


عادي لا تعقدين ولا شي حبي نفسج و خلج واثقه بروحج


علي اقل احنا مانلبس كعب :eh_s(9):