أحلى الدول للسفر في شهر 1 أو 2 ؟

[GhaiR_iLNaS]

قوة بنات شلونكم... ودي أسافر ويا ريلي و ولدي عمره 3 سنين و نص على نهاية 1 او بداية 2.. وين تنصحوني ؟ مانبي دولة عربية
اقترحولي أماكن حلوة و اللي عندها خبرة بالدولة اللي بتنصحني فيها خل تقولنا وين أحلى الأماكن فيها
و مشكوووريييين مقدما :tek:

 

[GhaiR_iLNaS]

رد : أحلى الدول للسفر في شهر 1 أو 2 ؟

شدعوة بنات محد رد علي !!

 

[*سوسو ستار*]

أنصحج بماليزيا تهببببل وجوها معتدل بهالوقت لان اوروبا معروفه بهالوقت برد وثلج

 

[أمل المنصوري]

رد : أحلى الدول للسفر في شهر 1 أو 2 ؟

انا عن نفسي احب لندن بهالوقت ومعاي عيالي 3 سنوت و5 سنوات و8 سنوات
بالعكس وايد يستانسون
عكس الصيف حيل زحمة
ولندن ونيسة تبين تمشي .. تبين تسوق كلة موجود
وتقدرين تطلعين برع لندن

 

[اروى77]

كل مكان حلو بالهوقت
الله يهنيكم ان شاءالله ويتممها عليكم بخير
اذا ماتبون دول اوربيه
انصحكم بجوله اسيويه
( ماليزيا ) غنية عن التعريف كل شي فيها
(هونغ كونغ )لان فيها ديزني عشان ولدج الله يحفظه
(ماكاو )سوي سيرج عنها راح تعجبج وايد وفيها فندق عجيب كل شي فيه ااذا نويتي وتبين اسمه راسليني عالخاص لانه مايحضرني اسمه الحين بس هالفندق لو قعدتي فيه يومين ماتراح تطلعين منه وما تملين منه فيه مدينة تسوق على طراز مدينة فينسيا وعندهم القارب ياخذج جوله
وفي مسرح عالمي يسوون فيه عروض ولدج راح يستانس منه وانتو بعد
والله يوفقكم

 

[84 Miss Chocolate]

هونق كونق تسووق و الجو حلو هالحزه و فيها ألعاب حق ولدج دزني لاند بس صغيرررره حيل و اوشن بارك توونس اكثر من دزني و ترى هوتق كونق جنها لندن مصغره انا واييييييد حبيتها صراحه و تقدرين تروحين معاها سنغافوره انا سويت جذي بس دام معاج ولدج انصحج بدوله وحده اسهل و اريح .

 

[أم سيف وسلطان]

مثل ما قالن الخوات

ماليزيا و هونج كونغ

 

[cheesy.sweet]

رد : أحلى الدول للسفر في شهر 1 أو 2 ؟

والله ما على تركيا في هالحزه جو عجيييييييييييب وبراد وثلج الواحد شنو يبي اكثر من شذيه

 

[يا عيون سمي]

ماليزيا انصحج فيها

 

[مزاج]

ماليزيا امشي معاي