أحلى القصايد والكتابات لكم يا نظر عيونا@@@@@

[الصابرة المحتسبة]

السلام عليكم
عساكم بخير.
الله يحفظ عيالنا وعيال المسلمين
بخاطري شغله نسويها وهي كل أخت تنقل أو تكتب قصيده أو زهيريه أو خواطر تخص ذوي الإعاقة
وعجبتني قصيده بصوت الشيخ العفاسي عنوانها : الطفل الضرير .



www.Inshadway.com

 

[HearT ChocolaTe]

عورتي قلبنا يا الصابرة عمري ما سمعتها .. آآآه ومليون عليهم آآه
عسى الله يشفيهم ويقر عيونا فيهم

 

[الصابرة المحتسبة]

يابعد عمري يا ام عزووز والله ما كتبت هالموضوع الا لأنهم يستحقون كل شي وما نبي شي ناقص عليهم.

 

[الصابرة المحتسبة]

ليش محد شارك؟؟؟؟؟؟؟؟؟؟؟؟؟؟؟؟

 

[الصابرة المحتسبة]

ماأدري ليش ما عجبكم الموضوع؟؟؟؟؟؟؟؟؟؟؟؟؟

 

[الصابرة المحتسبة]

لاني شاعره ولا اعرف اكتب خواطر واللي بقلبي على لساني.... ياوليدي الغالي عسى الفرح دوم اقبالك وعسى الدمعه ما تلامس اخديداتك ولا تكدر امر قول لو بيدي لحط العالم كله بين ايدياتك بس تكون مرتاح ومتهني.
الدراسه والله قاعده احاول ادور ولاقي المدرسه الصح والستاف الصح بمعنى الكلمه ما أبي اللي ما يحن عليك ولا يلاعبك وماله خلق انا مدرستك انا أبلتك العب معاك وادرسك واغشمرك واسويلك حفله واجمع ربعك اللي تعرفه واللي ماتعرفه ولا انك تروح من الصبح ولا تلاقي من يجابلك بكل ما تعني هذي الكلمه من معنى.
- العلاج: اللي قدرني عليه ربي سويته وبسوي بقدرة ربي سبحانه.
أأأأأأأأأأأأأأأأأأأأأأأأأأأأأأأأأأأأأأحبك اكتب بقلبي قبل ايدي....... يابعد طوايفي ويابعد عيوني.
وسلامتكم وتعيشون.

 

[HearT ChocolaTe]

أنا بآززر أخيتي الصابرة وبقول خاطرة بخاطري لعزوزي الغالي
بما أنع تعبان ومرقدينه بالمستشفى .. أدعو له بالشفا يا الغالين

انت شمعة البيت ونورها .. وما بعد حسك يا الغالي فرح
حبك في قلبي شريان لو ينقطع....... ينجلط كل ما فيني
أدعي الله وأسأله دوم يقر عيني بشوفتك مرتاح
ما أقول إلا الله يخليلك الكل بهالدنيا عون وسناد

تحياتي لأحلى صابرة

 

[الصابرة المحتسبة]

أنا بآززر أخيتي الصابرة وبقول خاطرة بخاطري لعزوزي الغالي
بما أنع تعبان ومرقدينه بالمستشفى .. أدعو له بالشفا يا الغالين

انت شمعة البيت ونورها .. وما بعد حسك يا الغالي فرح
حبك في قلبي شريان لو ينقطع....... ينجلط كل ما فيني
أدعي الله وأسأله دوم يقر عيني بشوفتك مرتاح
ما أقول إلا الله يخليلك الكل بهالدنيا عون وسناد

تحياتي لأحلى صابرة

ياعل ربي يشفيه ويقومه لج بالسلامه آمين يارب العالمين

 

[HearT ChocolaTe]

صح لسانج فديت قلبج على هالكلمات .. يا فرحت وليدج جان انتي أمه
ومشكورة يا قليبي على الدعوه .. وشافي جميع المسلمين

 

[الصابرة المحتسبة]

يارب ياودوود ياودوود ياوددو يافعال لما يريد أن تشفي كل مريض

 

[HearT ChocolaTe]

اللهم آمين ..
أنا أحب خواطرج فديت قلبج كل ما تميتي شوي
نقطي علينا بكلامج الشهد

 

[الصابرة المحتسبة]

انتي الشهد والعسل والله يام عزووزي

 

[HearT ChocolaTe]

:eh_s(22): :eh_s(22): :eh_s(22):

 

[الصابرة المحتسبة]

عليج حركات يام عزووزي ههههه

 

[الصابرة المحتسبة]

رفع

 

[الصابرة المحتسبة]

رفع

 

[HearT ChocolaTe]

وين خواطر أم يسافي هاااااا ؟؟
ولهنااااا عليها نقطي علينا شوي

 

[توت وتين]

طفولة معاق


الطفوله ..

أحلى مافي هالحياة

مرحله من غير هم

كنـّا دايم نبتسم

كنـّا حتى لو بكينا ... وجارت الدنيا علينا

بعد لحظـات وثواني ...

بسمه فينا ترتســم

كنـّا نركض خلف كورة ...

لا لا أنا ماكنت معهم؟

وحدي بس بعيد عنهم ...

كنت أضحك من ضحكهم ...

جالس لحالي أهذري!...

جالس أحسب كم( كُوبري )*...

صلـّحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري ...

لا لا أنا ماكنت معهم !

أمشي وحدي بعيد عنهم ...

أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزنـي كــان حارق

كان يسألني ببراءه : ...

ليه تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني في غباء ...

قال ( وثرايك تـثــابق )؟

وراح عنــّــي ... !!


****

كنت أسأل دوم نفسي ...

ليش ما أركض معاهم ؟؟

ليش دوم أمشي وراهم ؟؟

وش بلاي ؟؟ أو وش بلاهم ؟؟

ليه أنا غير الأنام ؟؟
زاحمتني الأسئله...

كل شيٍ أجهله ؟

وإن تعبت من الإجـــابه...

أحظن الحيـــره وأنام .


****

مرّت سنين وكبرت ...

صار همّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل مامشي دقيقه

القى كل شوي أبله !

يمشي ويناظر صديقه ...

ويغمز له

يقول : ناظر...!

وش يناظر ؟؟

وتتفجّــر في خفوقي
ألف ضيقه

ووحده في وسط الزحام ...

طالعتني باهتمام ...

بنت في عمر الزهو ... أي رشاقه ... وأي أناقه ...

وأي عطـــور !!

قلت في نفسي ياهووووه

هي تناظرني بغرام ؟ أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت ...

لي قصيده ...
كنت ناشر معها صوره

بس صوره ... ياسلااااا م

وفاجأتني ...

لمـّا صارت لي قريبه ... كانت تـتمـتم بطيبه

( يكسر الخاطــر حـــرااااام ) !!!!!

وتركت دمعه غريبه ...

وضاعت بوسط الزحــام n
دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظــات وأقسى

لاغدا الرجـّــــال يكسر ... خاطر انثى

كيف ينسى ؟؟؟

جاوبوني !

****

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب

لا ... وعلى بنــد الأجـــــــور ...

ماهو رسمي !!!

صدقون لو تدرّج ... وصار راتبه يتصاعد

وابتــدا وضعه يزين

ما أظنه بيتزوّج ... إلا من بعد التقاعد

من سنه الى سنتين !


****

وفي النهــايه ...

يابلــدنا... مهما كانت تسميتـنا

عاجزين ... معوّقين

لك عهدنا... وذا قسمنا:

أقسم بالله العظيم ... منزل الذكر الحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصن ٍ حصين

إنتي ناديني وشوفي ... لا نويتي باجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــــــــا.


قصيده الشاعر:محمد عويضه


مــــــــــــــنقول

 

[HearT ChocolaTe]

قصيدة حيييل صعبه
مشكووورة يا توت وتين .. ذبحتينا بهالقصيدة

 

[الصابرة المحتسبة]

تسلم الأيادي اللي كتبت ياتوت