أحلى تشيز كيك بالفرن

[ebleeesah]

المقادير:-


==========
خلطه الجبن:

1 قيمر KDD
نص كأس سكر
بيضتين
6 حبات جبن كيري
==========
1علبه صلصه التوت او الفراوله او الكرز حسب الطلب و الذوق

==========
طبقه القاعده

علبه صغيره بسكوت دايجستف
ثلاث ارباع قالب زبده
==========

الطريقه:-

يطحن البسكوت بمطحانه القهوه لين يصير جنه بودر ,, تضاف له الزبده و تعجن جيدا حتى تتجانس

ترص العجينه بالطبق متحرك الجوانب بالتساوي و حطيه بالفريزر على ما تخلطين الخلطه

شبي الفرن على حراره متوسطه على ماتسوين خلطتج

طريقه عمل الخلطه البيضاء:-
1) يضرب البيض بالخلاط ضربا مبرحا
2)يضاف له السكر و القيمر و قطع جبن الكيري لمده 5-7 دقايق على سرعه عاليه

الحين طلعي الماعون من الفريزر و صبي عليه الخليط الفله و حطيه بالفرن لمده 22 دقيقه و اذا احتاج الامر اكثر اوكي بس بشرك يصير وييها

عقب ال22 دقيقه طلعي كيكتج من الفرن و خليها على كتر علشان تبرد
راح تقولين امبيه جنها ماي مايوه .. او واااي ما انفشت انا اقول خليها على الاقل لين يصير ويه الكيكه احمر من الحيا و المستحى

و بعدين خليها بره لين تبرد .. و اذا بردت صبي عليها صلصه التوت او الفراوله

ملاحظه ** اذا كتبي مستعيله حطيها بالثلاجه علشان تبرد

وعليكم بستميه الف عافيه و مطرح ما يسري يمري​

 

[جكورة]

مشاركة: أحلى تشيز كيك بالفرن

تسلم أيديج...

 

[xxx]

مشاركة: أحلى تشيز كيك بالفرن

تسلم الأياااااااااااادي

 

[BlUe SkY GuRl]

مشاركة: أحلى تشيز كيك بالفرن

تسلم ايدينج وان شاللله باجر اروح الجمعيه ايب الطلبات عشان على طول اسويها

 

[حنـــــان]

ebleeesah
يعطيج الف عافية :eh_s(8):

 

[bnt q8 in usa]

تسلم ايدج احلي جيس كيك المطبوخ

 

[جارة القمر]

ebleeesah


تسلم ايدج