أحلي

[بشري العنزي]

عندي ساعه حلو بس عندي ساعه رولكس أحلي
عندي سياره تويوتا حلو بس عندي جاكور أحلي
عندي بطاقه بنك حلو بس عندي فيزا أحلي
عندنا مدرسه مكشوفه حلو بس مدرسه مغلقه أحلي
عندنا مسرح حلو بس لو عندنا مسرح و مطعم و صالة ألعاب أحلي
عندنا غرفة مدرسات حلو بس لو عندنا كافتيريا للمعلمات أحلي
عندنا بالصف 28 تلميذة حلو بس لو عندنا 15تلميذه أحلي
عندنا حصه 7 حلو بس لو 6 أحلي
عندنا أبلة عربي تأسس الصف 1 حلو بس معاها مساعده أحلي
عندنا ظابطة أمن حلو بس لو 2 وحده فوق و وحده تحت أحلي
عندنا صفوف حلو بس لو حق كا أبله صفها أحلي
عندنا إجتماع حلو بس لو مختصر و مفيد أحلي
عندنا برنامج إذاعي حلو بس لو مو طويل و متعب أحلي
​

نعم لحاجات المعلم ونعم للتطوير
​

 

[** رش رش **]

صح لسانج يا أبلة بشرى

 

[Angel_store]

يعطيج العافيه

 

[بخـــارى]

الحمدلله

 

[بشري العنزي]

شكر حلو لكن شكر من قلب أحلي ​

 

[درر النور]

:eh_s(9): يا كل الحلا .. كان عندي امنية ان كل معلمة يكون لها صف خاص فيها هي مسئولة عنه وتستقبل طالباتها فيه .. يجمع كل افكارها .. والوسائل الخاصة فيها .. استغفر الله العظيم والله ان الصفوف بعد بعض المعلمات المهملات ما تقدرين تدخلينها من كثر الزبايل اللي فيها حتى انج ما تقدرين تشرحين كلمتين على بعضهم يضيع الوقت في تنظيف الصف خاصة لما تكون الحصة الأخيرة وتخيلي الصف وما فيه تكييف ولا اي وسيلة تعليمية وتشيليين معاج الوسائل والشنطة ولوازم المعلمة .. مع كلنكس الديتول والعطور .. وبعدها تاخذن معج كتب التلميذات علشان التصحيح ..اهههههههههههههههههههههههههههههههههههههههههه .. والله ان شكلي وانا اشيل عدتي وايد حلو من كثر ما اضحك على نفسي وانا ادور فراشة تساعدني وكل ما ناديت وحدة تقول لا ماما وهي كبر جدي تقول لي يسوي ناظرة اقول اعطيج فلوس بنت اللذينه بس تشوف الدينار تركض واري وتنسى الناظرة وطوايفها .. وانا بكل مشوار ادفع دينار يعني تخيلي حطيت كادر خاص من عندي حق الفراشه هههه اقول .. بحلم .. اقول كم باقي عن الدوام .. انا الحين مستمتعة بالعطلة عدل .......... يعني فترة راحة نفسية واسترخاء على الآخر .. :rgewrg: