أحنا يالحريم السبب في ارتفاع الاسعار..وراح ترتفع اكثر لو ماصحينا

[قمورهـ]

:gr4uu:

:gr4uu:

:gr4uu:

من طلبت وجبة من برجر كينغ الله لايخسر وطلعت علي ب1750 وقلبي يعورني <:dddds:

قلت معقوله نوصل لاسعار لندن اللي الشورما على 5 دنانير :cxxxp:

فكرت اكثر وقلت معقولة الحكومه مو قادرة عالتجار ..لا ونصهم سوريين

لهالدرجه لاعبين بالاسعار لعب ونهابينا نهب

احنا نكدح واهم يبنون مزارع وقصور بسوريا

حتى الهندي وهو الهندي لي كاسرتيه طنقر

وان قلتي سعرك غالي وماراح اشتري عطاج نظره بمعنى ماتشوفين شر :denya:

قلت مستحيل محد قادر يوقف للنهب مستتتتتتحيل

باجر والله مانقدر نعيش عيالنا عيشه سنعه كل شي غالي وتوه بعد قاعدين لنا قعده بيرفعون الاسعار اكثر :O_SHH_:

تذكرت روحتي لمحل اطفال قبل جم يوم

بنفاسي الاولى شريت منهم جيس البيبي وحركات وشغل عدل ب14

ذاك اليوم رحت له وخذيت جيس بيبي ولبس للبيبي وكبوسين

والا الحساب يطلع 31

وعطيته البطاقه على طول ..لاحظتوا السعر 31

ريلي قال لحظه ليش 31!!!

قالي جيس البيبي ب25

طبعا طالعت في ريلي وطالعت براعي المحل وريلي يطالع فيني وانا جني مدمغه قلت مو مشكله ودفعت :krkrkr:

لاحظتوا ريلي انتبه وانا ماانتبهت شنو جيس بيبي 25!!!

واسعارهم قبل ماتتعدى ال15

عرفت شنو سبب ارتفاع الاسعار

احنا يالحرييييييييييييييييييييم

اي نعم انتي ياللي قاعده تقرين اوجهلج اصبع الاتهام

انتي السبب في ارتفاع الاسعار

مانصدق ينزل المعاش ركضنا ركض عالسوق نخم خم مادري نكود حق منوووو

نشوف كلمت sale ونركض ونكود بالملابس ونروح للكاشير الفلبينيه تقول
مادام هيساب كمسه وكمسين دينار

وانتي اطالعين ها؟ مو سيل ليش خمسه وخمسين

تقولج : هدا بضائه مو سيل (لاتشملها التنزيلات)

طبعا الشعب الكويتي نحيس اذا شافوا نفس الموقف عند الكشير قعدوا يتأففون والثاني يقول قصه والثالث عطلتونا وانتي تتصببين عرق ان حطيتي الاغراض وطلعتي عطوج نظره اللي صافين وراج بمعنى موقد الشغله لاتشترينها واذا دفعتي ناهبينج وبايقينج شتسوين :krkrkr:

طبعا انا من اليوم ورايح لو يصيرلي جذي بقول والله مره ثانيه قبل لاتكتبون سيل حطوا ليبلات على البضايع اللي مو بالسيل

وأرد الملابس

يابنات احنا احنا المتضررين

واحنا اللي بيدنا نوقف جشع التجار

خل نعلنها حمله (لا للغلاء )

خل يسمعونا الكل

احنا مو نكرف بالدوامات عشان والله تتجرون بارده مبرده من ورانا

تخيلي بكل دينار زايد تقطينه على المحلات قاعد تزيد ثرواتهم ويبنون قصور على ظهورنا

تخيلي بدال ماتأمنين افضل حياة لعيالج ولوطنج قاعد تأمنين حسابات وعقارات التجار

منو قال الايفون ضروره

تقولين عيالي كسروا خاطري ..لا والله لو خايفه عليهم لاتخافين عليهم من الايفون والا ربعي عندهم وانا ماعندي

خافي باجر لي طقت الاسعار دبلات لندن من وين ياكل ولدج او يلبس او يتزوج!

لاحظوا كل شي يشترونه الحريم غالي

الملابس + المدارس الخاصه وصلت لاسعار جنونيه +الكاكاويات +الجواتي والجناط+ المكياج

اما شغل الرياييل لايزال المكسر محافظ على سعره بثبات :dddds:

والله الكل عاش بالكويت الا احنا

اطالع المصريين وعوايل الهنود لبسهم تغير وصايرين كشخه بس من وين يشترون من ماكس ولا حزة التنزيلات

الا احنا اللي نشتري بكل وقت وندفع اي سعر

انا عن نفسي

راح اقاطع المطاعم والمحلات

اولهم برجر كينغ < فيني حره عليه هههههه:dddds:

شرمبي

هارديز وكنتاكي

كي دي دي النصابه اللي اسعارها بالبحرين والسعوديه ارخص منها ماكو

واسمع ياماكدونالدز لو رفعت اسعارك راح اقاطعك :eh_s(13):

واللي تبي منظفات للبيت بارخص الاسعار تقرا موضوع ام يوسف الكويت بقسم التجارب والخبرات المنزليه

وانا ماراح اشتري الا بعد ماتطخ الاسعار

صج انا مدرسه ويبيلي ملابس للكورس الثاني

بس ماراح اشتري

بقزرها عبايات لين تطخ الاسعار

وفلوسي انا وعيالي اولى فيها اخشها لهم

منها وفرت لهم فلوس ومنها ساهمت انه ماتصير الكويت غاليه لي كبروا باجر تبهذلوا بسبة انه احنا يالامهات حاليا ندفع بهبال!

واخر كلامي

قبل لاتدخلين السوق او تشترين من المطعم

قولي هل يستحقون هالمبلغ

هل تستحق هالسعاده اللحظيه باني ازيد الاسعار اكثر واكثر

فكري شذنب عيالي باجر مايقدرون يشترون اللي بخاطرهم بسبة اني ماوقفت بويه الغلاء

فكروا للحظه وقولوا رايحييين لفين :krkrkr:

وعمار ياكويت :q8:

 

[الصواني]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

صدقتي والله
يسلموووووو

 

[قمورهـ]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

الله يسلمج يالصواني

اب

اب


وين البنات

 

[هدوء العالم]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

صدقتي والله

حسبي الله ونعم الوكيل على هالتجار إلي أرفعو الأسعار قبل ما توصل عيديتنا من والدنا الشيخ صباح الله يطول بعمره

من ساعة دروا عن العيدية و زيادة الرواتب رفعو الأسعار :rgewrg:

عن نفسي بأمسك عيديتي وأشوف إلي كان عاجبني قبل ما ندري عن العيدية وأسعاره ثابته بأشتريه ولا أن رفعوا الأسعار عطيتهم بو لباس

وقلتي حبيبتي مثل ما يقول أبوي الله يطول بعمره ويخليه لي

تروحون للدوام من الصبح لين الظهر يوميا وإن جاء المعاش رحتو الأسواق ربحتو التجار ولا ذخرتوا جزء من راتبكم من تعبكم لين تقاعدون

وخلف الله علينا نطيره

البنات ( الملابس والمكياج والكماليات ) والشباب ( تلفونات و سفر وتأجير سيارة كل شوي لزوم الكشخة )

أنتي حبيبتي قاطعتي برجر كنج و كي دي دي

أنا بقاطع كي دي دي شرابي المفضل إلي ما أستغني عنه وأدور لي بديل من العصائر

والمحلات إلي نكاسر فيها الأسعار صح يعطونا نظرة تخرع بس أنا أنحاش من المحل وأخلي أمي الله يخليها لي ويطول بعمرها تكاسر لين ينزل السعر هههههههههههههه هذي في البلوكات و الأوقاف ومحلات العبي

 

[bint_looda]

لووووول صاجه وعجبني مثال المكسر ان ليلحين محافظ على سعره ههههههههههههههههههههههههههههههه

 

[درة أهل الطولات]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

هههههههههههههههههه اي والله صدقتي

 

[Killer^Girl]

انا اول اشتري جني مينونه
مالي شغل بالسعر ولا ميزانيتي
الحين لاااااااااااااااااا
افكر الف مره قبل لادفع
اشوف القطعه تستاهل سعرها والالا
اشوف سعرها عقب الخصم يسوى والالا
والله متنا من المصاريف وكلها شغلات كمالية ملابس ومطاعم وخرابيط
لاتستحين اذا ييتي تردين شغله حتى لو وراج طابور
اذا الشي مو مومسوين عليه خصم وموضروري احذفه وانطر يسوون عليه :dddds:
ومع كل هذا
معاشي مايطول معاي اسبوعين لوول :O_SHH_:

 

[shahooda123]

كلامج عدل والله محد امربحهم غيرنا نمشى وندفع وكله على خرابيط ويعطيج العافية على هالموضوع المفيد

 

[** باربي **]

ههههههههههههههههههههههه

اسلوبج يضحك دمج خفيف يحليلج :ceaf32e183:

والله قلتي الاشياء الي يقولها ريلي وهمن انا اقولها بروحي

وخاصه موقف التزيلات ذاك اليوم بسنتربوينت علبو تنزيلات وانا اخم واخم
ودور عالكاشير تخيلي ولا حسابي 100 وشي ة _ ة
انصدمت ودفعت الباجي كي نت اصدقين لمن رديت البيت احس ماخذه اشياء تفاهه مالها ضرورة
وقسم بالله الحين ما لبست منهم الا قطعه وحده ما اضن قطعتين والباجي معلقين بنمراتهم مثل اخوانهم
والله صار عندي دار كله علاليق وهذا غير الجناط والجواتي والاكسسوارات حدث ولا حرج ريلي
يقولي بس شنو هذا محل ولا شقه :rgewrg:
وغير العطورات الي بطيح من الميز من كثرها جد احس اني مسرفه لي درجه تضحكين
لمن اشوف مسلسل واشوف انه على المير عطرين او ثلاث و كريمين وتبطل الكبت مو كود
قمت اشتهي اخلص عطوراتي عشان اصير جذي سمبل مليت من التكود وانا طبعن هوس سوق
لو مفلسه لي اخر 10 فلوس ادفعها ما اتردد المهم اخذ الي ابيه واصر عليه اكثر:jumpon:
الحين جد خلاص هذا امس بعد خميت من كليرز تخلي وقسم بالله اطلع من كليرز دايمن فوق ال20
تخيلي حقي انا بس وهالشي جم مرة يصير بالشهر ما اروحله مرة بالسنه لا كل ساع واقفه دخله واكود
وطبعي وريلي ما يحبة لو داخله اشتري شي معين اطلع ب10 اشياء دايمن جذي:jumpon:
الحين قايله صج بس خلاص الحل الوحيد اني اذا طلعت ما الف ويهي عالمحلات ولا ادشها الا للاعياد
وقسم بالله ملابس وجواتي واكسسورات ما انلبسوا فيهم الي صارلهم سنه وفوق ..
وريلي يقول مثل حجيج محد غلى الاسعار الا انتوا يالحريم لانكم اغبيه اذا شي شفتوه مبالغ فيه ما تهدونة وتمشون
لو كل وحده تسوي جذي شوفو شلون يرخصون بس اذا كل وحده لو شنو كان سعره الا اخذه وادفع بكل برود
او تشخط بالبطاقه ومشت اشبيقول فرضن الشي ب11 يقول خل ازيده اسويه 20 ويلقى همن احنا المخدين نشتري يقول ها
خل ازيد لي ال30 وهمن المقصه يشترون لمن اوصلوا لي ال60 وال80 :O_SHH_:
حتى بعض الدول قاموا من يشوفونا عرب غلوا لانه احنا لو شرينا الشي بالنسبه حقنا ارخيص قلناله اخذ الباجي فينصدم
فقاموا يزيدون بهبل وهالشي انصدمت فيه بتايلاند بوكيت !! روحوا شوفوا وين قبل رخيصه !!

والي قاهرني الحين بعد انه من سمعوا بسالفه الألف:cxxxp: ..كلمة التنزيلات الي تارسه الديرة والافنيوز بطوله وبعرضه
شالوا التزيلات عاد الحين بيزيدون علينا عدل حتى الايفون ترى غلى من سالفه الألف
انا والله كله اقول عن وضعنا صار رزق المهابيل عالمجانين..!!
:fun:بس بقول حق نفسي ستوب ماني قادره الحل لا ادشون محلات الا باالاعياد والاحسن قبل ارمضان حتى
عشان ما يغلون ..
الديرة هالتجار ناهبينا نهب لازم احد يوقفهم عند حدهم هم جد السالفه مصخره صارت حتى ستاربكس كان وين وصار وين !!

سعر الشي للي حق الفربشينو الكبير صار حق السمول !! الديرة مصخره مصخره مصخره :q8:
جد لازم نوقف وقفه جاده ونخليهم يخيسون ببضايعهم لين تاكلها الحشرات !!:eh_s(13):

 

[batooly]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

صح السانج كوكي

لووول عاد انا ما اشتر شي الا اكوو تنزيلات <<<بخيلة هههه:dddds:

 

[Raveena]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

انا قبل ما اشتري الشي اشوف سعره اذا يستاهل او لا

و اذا عجبني بس سعره ما عجبني انطره وقت السيل و اذا ما حصلتها بالسيل مو لازم اشتريه

انا اللي احب ادخله سوق بو 100 ما اتحسف عليه ههههه لان في شغلات عنده تنباع بمحلات ثانية بدبل السعر


عندج ستيكر التاتو اللي وحدة من العضوات شرته من سيتي سنتر ب1.500 موجود عند بو 100 و ينباع بـ 200 فلس


انا اغلب مشترياتي من ملابس و جنط تكون من الانترنت

 

[أوراد التميمي]

الله يوسع صدرج بالعافية

أسلوبج يجنن :fun:

وصدقتي يا أختي الغلا عندنا وعندكم خير

بش شكله عندكم بزيادة

عمال يطلع لفوق وما أحد موقف بوجه


الله يعين بس



الله يرزقنا وإياكم من واسع فضله

 

[أهداب]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

برافو عليج:rerrerek:
والله انا كنت ناويه اكتب موضوع عن هالشئ
اللي محتكرين السوق جنسيتين ماكو غيرهم
هنود وسوريين:friends:
عبالهم الكويتي يطق الارض تطلعله فلوس
قبل بجايم عيالي بدينار ونص تالي تحولت الي دينارين و400 فلس بعدين 3 دنانير و900
والحين حاطينها ب4 دنانير ونص شدعوه عليهم هذي بجامه نوم مو كاجوال
لا وكلها اسواق شعبيه مثل فاشن ميل ومترو :080402ask_prv:
صج احنا لازم نوعي ونسوي حمله بجميع المنتديات لا للغلاء
بعد 4سنوات وعلي هالغلاء بشتري الماجله واربع بجايم لعيالي ويخلص المعاش!!:gr4uu:
​

 

[يـاسمينا]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

صدقتي والله كل شي زايدين سعرا

امس رحت الجميع شفت اعلانهم اشكبرا 50 % تنزيلات
وانا اخذ منهم ستيان على 5 الله وكيلج مع التنزيلا سار سعرا 6 و900 فلس يعني 7 دنانير

حدي انقهرت سفلت فيهم ومشيت وتقول لي المصريه هذا سعرا ماتغير بنت اللذينا وربي اقهرتني
هذا وانا ماسار لي شهر من شريتا منهم وكان على 5 شلون ماتغير سعرا !!!

وحتى اسعار اشتراكات الانترنت زايدا 65% تخيلوا يعني مو شي هين
الوضع مو طبيعي موليه

وهدوم اليهال البجايم اللي كانوا على دينار ونص
امس رحت ولا على دينار و900

شي يقهر وربي على بالهم احنا مغفلين ومانتعب بمعاشاتنا
الله لايوفقهم ولا يرزقهم قولوا امين


:friends:

 

[::كيك وعسل::]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

بناات الايفون فور جم سعره

 

[q8y-moon]

والله يا بنات مو منهم منا احنا الي مانستوعب ولا نفهم
تكفيين تعالي شوفي البنات ليش ناطرن الالف تنزل الي بتزيدها وتشتري جنطه
والي بتشتري فيها ساعه
والله ناس ما تخاف الله من هالفسق الي اهي فيه تبون هالسوريين ولا الهنود يرحمونكم
في سالفه ابوي يقولها لي عن رفيجه عنده محل ينزل فيه بدل بس يعلقهم تعليق عادي ومومرتب
وجاره سوري ياخذ منه برخيص ويقعد يلبسها علي مليكانات وحركات واضاءه
يقول يدشون الحيرم عندي رافعين خشومهم ولايعه جبودهم ولي سالو عن السعر قلت ب3 ولا 4 قالو لا ويع مو حلويين
ويروحون عند السوري ويشترونهم ب30 و40
امانه شراييج انتي
الحين كي دي دي اقول لرفيجاتي زادو اسعارهم يقولون ب5 فلوس عادي
اهي مو سالفه 5 فلوس اهي سالفه شنو السبب؟؟؟؟ شمعنا بالكويت بس؟؟؟ ليش يطمعون فينااا؟؟

 

[Fstani]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

لووووول إسلوبج عجيب :ggdw:



وصااجه والله بكل كلمه قلتيها


،

يعطيج العافيه

 

[الحورية الصغيرة]

قـــــط فلــوسك بالشمــس و أقعـــــد بالظلال

ابالنسبة لمنتجات التنظيف اذا رحت للمنتج الأرخص إلي كله كحول و هالسوالف

أول شي البيت ما راح ينظف عدل

ثاني شي راح يسير ضرر صحي

و المبلغ إليوفرتيه راح تصرفينه على الأدوية

او

راح نلاحظين أنج بالأسبوع تستهلكين علبه كامله و ماكو نتيجه مقبولة

أو مثلا عندج الزعفران إلي بالجمعيات العادي سعره ما يتعدى 3 دنانير حسب إلي أذكره و هذا اذا غله

بس لو تعرفين الفرق إلي بينه و بين زعفران و 6 و فوق لا تلقائي راح تشترين بو 6 وفوق إي يتوافر في بعض الجمعيات و مركز سلطان

هذا إلي بو 3 في مواد مسرطنه

تختارين الرخيص إلي لا سمح الله ممكن يسبب سرطان الله يكافينه شره ولا الغالي




و هذا مثال بسيط

 

[مفرفشه عالاخر]

رد : أحنا يالحريم السبب في ارتفاع الاسعار..وراح ترتفع اكثر لو ماصحينا

لا تنسين ان انتي السبب الرئيسي بغلاء الاسعار خاصه ان زوجج نبهج ورحتي شريتي منهم يعني غلطتج كبيرة :rerrerek:

واتمنى نسوي توقيع حمله لا لغلاء الاسعارoster_av1:

 

[shahad.kw]

حملة لا لاستغلالنا برفع الاسعار

بنات تعالوا نذكر ملاحظاتنا على ما تم رفع سعره ونضرب عن شراءه لكي يخيس ويصدي عند صاحبه الجشع
اولا: الآي فون فور 16جيجا كان سعره 245 قبل اسبوع واليوم 279 ليييييييييييييييييش لا تشترونه لمن ينزل لسعره السابق في الف تلفون غيره . يلا بنات قولوا لنا شنو ارتفع سعره ومع بعض نحارب الاستغلال