أختكم خزامى من مستشفى الطب الطبيعي بتقول لكم شي يخص أبناءكم

[خزامى]

السلام عليكم يالغالين

شلونكم عساكم بخير ويعطيكم الف عافية على هالجهود الحلوة

وكل عام وانتوا بخير وعساكم من عوادة بمناسبة حلول شهر رمضان

أنا حاليا أعمل ضمن لجنة منظمة لحفل قرقيعان سيقام للأطفال في مستشفى الطب الطبيعي الراقدين في الأسرة وكذلك الأطفال اللي ياخذون جلساتهم هناك.......وكعظوة في اللجنة المنظمة حبيت أقول لكم إن احنا في أمس الحاجة للمساعدة المادية أو اي مساعدة ممكن تضفي روح المرح والبهجة في نفوس اطفالنا من ذوي الاحتياجات الخاصة......

وممكن اللي تعرف شركات تساعدنا أو حتى أي نشاط أو فكرة ممكن تضيفها مثلا نقش حنة فهذا راح يساعدنا
وكذلك ضروري اللي تعرف مقدم أو مقدمة برامج وفعاليات ومسابقات وشخصيات مع ديجي اناشيد أطفال ياليت ياليت تفيدنا

اللي حاب يساعد يراسلني على الخاص

وعسى الله يجعله في موازين حسناتكم ولاتحرمونا من افكاركم الحلوة​

 

[بسبوسه حلوه]

يستاهلون اعيالنا

 

[HearT ChocolaTe]

حبيبة قلبي في أيادي خيرة كثير .. راسلوا في البدايه الجهة وبعدين دوروا على الشركات

 

[خزامى]

حياكم الله يالغالين

أكيد احنا بلشنا وراسلنا وفي من ابدى وفي من طنش للاسف حتى شكرا ماقالوا

أنا حاليا ادور على مقدم برنامج متكامل للحفل ثقة لأن اللي تعاملنا وياها العام فشلتنا وطلعوا بعض اليهال بدون هدايا ومكسورين الخاطر

والاسخف انها شغلت اغاني حب وغرام مع ان موصينها بس حسبي الله ونعم الوكيل علشان جذيه نبي دي جي اناشيد اطفال وسوالف القرقيعان بس مو محصلة

 

[brendyshooo]

انا اعرف وحده يبناها حق عيد ميلاد ولد خالتي كويتيه وحبوبه ومسابقاتها حلوه وايد وفي وحده تحط دي جي اسلامي حق اليهال والله وايد استانسنا منها انشاء الله اييبلج رقمها بس مادري جم تاخذ بصراحه اسال واعلمج

 

[خزامى]

انا اعرف وحده يبناها حق عيد ميلاد ولد خالتي كويتيه وحبوبه ومسابقاتها حلوه وايد وفي وحده تحط دي جي اسلامي حق اليهال والله وايد استانسنا منها انشاء الله اييبلج رقمها بس مادري جم تاخذ بصراحه اسال واعلمج

اي والله تكفين هذا اللي ابيه تسوين فيني وفي اليهال معروف كبيييييييييييييييير جزاكم الله خير

 

[a woman on top]

اختي خزامى انا راح ادور لج على رسام او رسامه لرسم الوجوه
و راح اراسلج عالخاص

 

[خزامى]

ماتقصرين بعد عمري

رايتكم بيضا

 

[الصابرة المحتسبة]

هلا يالخزامى وعساكم على القوة

 

[سنا الفضه]

الله يعينكم ويساعدكم بهالمهمه

طيب صندوق اعانه المرضى مو ممكن يساعدكم لوو بالارقام؟؟

انا اشوف لو الموضوع صار تحت رعايه بيكون وايد احسن وافضل لكم

مثلا شوفي شركه زين او الوطنيه فيفا للاتصالات

اليوسفي الغانم وغيرهم من الوكالات ماراح يقصرون

هم الجمعيات التعاونيه ماتقصر شوووفي لج اي عضوو باي جمعيه وكلموه

هم اتحاد الجمعيات التعاونيه بعد

اعضاء مجلس الامه لوو افتتاح شرفي

مثل ماقالوا الخوات رسم على ويووه اليهال بيستانسوون حدهم

وانتي قلتي نقش حنا

يبوا شعر بنات ايس كريم..الخ

شوفي الوسيط عندهم عمل حفلات اطفال..بس شرطواا عليهم بدون موسيقى واغاني يمعوا لهم سيدايات اناشيد طيور الجنه مثلا او الطفل والبحر

وغيرهم

والله يساعدكم ويوفقكم ياارب