أختي المراهقة وحماي المراهق

[asooolh]

السلام عليكم
صراحة ما ادري شلون إبداء الموضوع لانه حيل حساس بس بغيت المساعدة منكم وابيكم تقولون لي الحل


اكتشفت ان حماي وأختي على علاقة في احد برامج التواصل نفس طريقة الوتس اب بس غير هي ما عندها تلفون بس عندها ايبود المهم أختي الوسطى هي الي صادتهم وقالت لي وضربتها من حرتها وانا في بيت زوجي مسكت حماي وعاتبته وسبيته شوي من غير محد يدري أنا أبيكم تقولون لي شلون أتصرف مع أختي لصغيره لان أنا اكبر وحده ولا هي اول مره تسويها هذي ثالث مره اصيد عليها غلط اول مره ضربتها وثاني مره قلت بتفاهم معها وأصادقها واتقرب منها اكثر بس ما فادت الحين بعد يومين بروح بيت أهي وأقعد عندهم فتره العيد كامله


شسوي فيها عشان ماعاد تعيدها من غير ما تدري لا امي ولا أبوي

 

[asooolh]

حرام عليكم ٧ مشاهدات ولا وحده ساعدتني بكلمه

 

[PuPa^^SWeeT]

والله ماندري ياقلبي





انا وحدة ماني عارفة




حمااج الله يهداه مالقى غيرها بعد




البنية شكلها فاقدة حنان ولا شي



ولا عندها تاثير خاررجي صديقة او زميلة او شي



شوووفي البنت لازم ماتعطينها فرااغ


حاولي تشغلين وقتها


واتراقبينها

 

[asooolh]

مشكوره pupa sweet على الرد بس شلون اشغل وقتها بشنو يعني أنا ودي أعاقبها وودي اذبحها

 

[مشتطـه]

انا مقتنعه تماما ان البنت اذا عندها سوالف
ماكو أي فايده فيها بتقطع وترد

مادري حلفي لها وقولي بجيك دوم عليج وان صدت شي راح اتجه لابوي سيدددده خرعيها بأبوج

مادري صج مادريييييي

جان زين حماج يحبها لين يكبر وياخذها زواج

 

[asooolh]

أختي مشتطة تتوقعون أني ما هددتها بابوي وخوفها منه ،،،،،،،،،،،، ولا همها وآخر مره صدتها فيها وضربتها ضرب الكافر بيتوب منه وهي ولا همها لا وتسوي نفسها بتنتحر تحاول تقطع شريان يدها احس كل شي سويته فيها الطيب والشر ؟؟؟؟؟؟

 

[فجوره]

دام مو هامها أحد خلاص علمي أمج ولا أبوج واهم يتصرفون اهي بصراحه
مو محترمه أحد ولازم توقف عند حدها

 

[طيبة83]

شوفي انا احس التربيه لها الدور الاساسي يعني البنت حتى وهيا من 12 او حتى 11 سنه تعرف الصح من الغلط

الظاهر انتوا وايد مدللينها او احد ماثر عليها

دخليلها من ناحية الدين حثيها تصلي او حطي لها محاضرات دينيه عن الحب او حتى كتيبات صغار

اذكر مرة قريت كتيب صغير اسمه الذئاب البشرية ,,,,,,,,, لي يومج خايفه ولا نسيت الكلام اللي فيه

وبعد دخلي عليها من ناحيه السمعه

قوليلها سمعتج بتخرب والكويت صغيره واي شي تسويه البنت ينفضح حتى لو مره تكلم كلمن يدري
والشباب مالهم امان ويفضحون البنات

وتالي محد ياخذج وتشوه سمعتج ومن هل كلام

 

[جذابه بنت ذيابه]

حبوبه نصيحه مني تقربي لها و انصحيها وارشديها

صيري رفيجتها و قوليلها قصص .. لازم توعينها وتقوليلها غلط اللي تسويه

 

[ناتشوو]

للأسف
لازم ابوج يدري وتنطق طق
حتى لو تنحرم سنة كاملة
من الدراسة
والنت
وتحس بغلطتها
دام ولا هامها

بس حاولي ماتقولين انه حماج
علشان تخف صدمة ابوج

 

[قَلبڪْ صًخرْ]

جم اعمارهم بضبط ؟
وليش ماتعلمين ابوج
خل يمصع قلبها

 

[~mmm~]

اغلب المراهقات جذي تفكيرهم
بس مستحيل تخاف منج لانج اختها
لكن لو يتدخلون اخوانج واذا اخوانج صغار ابوج
خل تخاف لان الريال غير

 

[دلال و غلا]

هلا حبيبتي السالفه كبرت و اختج مو خايفه ابد ما خافت من ربها و لا خافت من عبيده
انا بالاول كنت بنصحج تقولين للوالد بس لمن قلتي انها حاولت تقطع شرايينها راح الزم علييج تعلمين ابوج ضروري يالغاليه السالفه زادت عن حدها
و كلش لا تترددين لان هذا لمصلحتها دامها للحين بس تواصل من بعيد بكره اذا ما وقفتوها بتطلع و سالفه طويله

الله يهديها و كل ظال

 

[ايمان الغساني]

اختج وحميج كم اعمــارهم ...
اختــج تزورك ؟
اســلوب الضرب ماينفع لانه جسمها وعقلها تعــود ع الضرب راح تجول حته لو كشفوني عادي راح يضربوني وخــلاص ..
حاولي تاخذي الاي بود عنها واذا مارضت شوفي فرصه وتعبثي فيه او اكسريه بطريقه طبيعيه ..
خبــري زوجك عن حميــج عشان يتصرف معــاه..

 

[saastar]

شوفي حبيبتي أبوج وأمج لازم يدرون لأن البنت تتمادى وباجر لاسمح الله سوت شي بتندمين أنج ما علمتي أبوج ومدام قالت بنتحر ما عندها وازع ديني ولازم تتربى من جديد والطق ما ينفع لأن أعرف بنات ينطقون وتسوي الغلط الله يستر على أختج وبنات المسلمين ويبعد عنهم الشر ولازم وقت فراغها تودونها لجان تحفيظ القرﺀان وأعيد وأكرر أمج وأبوج لازم يدرون لأن هم أللي يربون وماراح تسمع منج ومدام هاذي ثالث مرة أبوج لازم يدري

 

[saastar]

وزوجج لا يدري بيقعد يعايرج ولد الناس ماله شغل فيج ولا بخواتج

 

[meen_ana]

حبيبتي فهمته ن كلامج الطق مايفيد ولا ييب نتيجه حاولي تاخذينها بالسياسه تقربي منها واذا كنتي مشغوله قربيها من اختج الثانيه حاول تطلعونها تسلونها سجليها في نوادي العصر باين البنت عندها وقت فراغ مو عارفه تشغله انتو ساعدوها تشغله بالشي المفيد يعني دورة كورشيه ولا نادي رياضه ولا رسم ولا اي شي مفيد من اشغال البنات اليدويه

 

[غرني زماني]

البنت بعمر اختج اذا ماتقرب لها ابوها او اخوها وصار صديقها غالبيتهم يدورون الاهتمام عند رجال

عشان جذي نصيحه اسلوب الضرب ماينفع لازم ابوج او اخوج يدري عن هالشي بشرط يكون اخوج عاقل مو متهور

وبعد زوجج لازم يدري عن اخوه وتحلون المشكله بتفاهم

واهم شي تعطونها الثقه بس مع مراقبه من بعيد

واذا كررتها تنحرم من التلفون اي الايباد

واتبعو معاها اسلوب العقاب افضل شي

والله الله بالنصيحه والتذكير بالله وحسابه

والله يهديها

 

[شقآوه أنثى]

عزيزتي ,,
البنت بهالعمر وآرد انها تغلط او تمر بهالنوع من العلاقات
لانها مراهقه ... وتحس انها فآقده حنان او محتاجه حب
ف عشان جي الطق عمره ما راح ييب نتيجه معاها لانها راح تعاند

حاولي تكلمينها وتتقربين منها باكثر من طريقه ... حاولي تفهمين منها شنو نوع هالعلاقه وشنو الي يجبرها تكلمه ومن متى وليش كلمته ؟
وكلمي زوجج بالموضوع خليه يكلم اخوه يمكن يطلع الصبي سج يحبها ... ف خلي زوجج يحط براسه انه يجي من الباب احسن

الله يهدي سركم يارب

 

[Combat]

صادري جهازها لين تعقل