أخر خبر :منهج الروضه الجديد فيه صفي ولاصفي يعني2صفي

[شيري]

السلام عليكم
حبيباتي اشلونكم​

أبلاتي​

طبعا انتوا عارفين منهج الروضه الجديد اللي بندرس فيه عربي وانجليزي ورياضيات​

احنا روضتنا من الرياض اللي خذوا ابلاتها دوره بهالمنهج وبيطبق فيها هالسنه مع بعض الرياض الاخري ​

يوم الخميس توزع علينا الجدول وتفاجأنا انه الجدول فيه فتره صفي ولاصفي يعني 2 صفي او لاصفي مثل مايسمونه البعض​

وتقدمينه مثل الاصفي القديم تعزيز كلمه او عدد او اي شي يعني تخيلي انك مشتركه بالحلقه والاركان وبعدين صفي وترتاحين فتره ​

الاصفي وتمسكين انصراف مشترك هذا اذا ما عطوك احتياط بفتره الاصفي وقبلها من الصبح تكونين نشاط فردي وممكن جماعي وبعدها ​

المشتركه وبعدين مطعم او فرصه وبعدها المشترك​

احب اعرف راي الابلات اللي في االرياض اللي طبقوا فيها هالنظام شنوكان موقفكم لما وزعوا عليكم الجدول وانصدمتوا مثلنا سكتوا ​

ووافقتوا ولا اعترضتوا ؟​

واتنم ابلاتي شرايكم بهانظام لأنكم السنه القادمه بتطبقون هالنظام بعد ما تاخذون الدوره؟​

طبعا الحاصل ان هذا الشي كان مقترحينه قبل كم سنه وراحوا الابلات واحتجوا عند الوزير وانلغي بس الظاهر ان اللي كانوا مخترعين ​

هالصفي 1و2 مانسووووا وردوا طبقوه يعني بنمشي كلمتنا وبسسسس النظام هذا صفي ولاصفي بيطبق بهدوء في الرياض عشان اذا ​

احتجيتوا السنه القادمه بقولون لكم كاهي الرياض اللي طبقنا فيها هالنظام ما شتكوا من شي؟؟؟؟​

وأخيرا تحياتي لكم
:aha:
مراسلتكم من قلب الحدث​

ام الكتاكييت:tek:​

 

[منورة]

هلا والله بمراسلتنا من قلب الحدث ^ــ^

أكيد تبينهم ينسون بيردون اللاصفي تو وهالحجي عرفناة بالدورة بس تخيلي قالوة بطريقة غير مباشرة بس فهمناها قالوا راح نقتطف ركزي على الكلمة يعني ناخذ دقايق من اليوم الدراسي ونوزعة بس احنا فهمنا ان اللاصفي تو راجع وبقوة


انزين بما انة راح يطبق عندكم هل صحيح ان الصف الواحد تكون فية 3 مدرسات ؟ والمشترك ملغي صج هالكلام ولا لا ؟؟

وعلى فكرة ماراح يطبق الا بعد سنتين وربعنا كل يوم لهم قرار ماتدرين شراح يصير بعدين

 

[شيري]

أهلين منوره

تدرين الدقايق اللي قطعوها هذه من شنو ؟

من المطعم 10 دقايق ومن الفرصه 10 دقايق ومن الانصراف 10 دقايق وباقي الفترات نفس الوقت ما تغير

والمشتركه مووووجوده وال3 ابلات ما منها فايده لأن الجدول متحرك وينقلب كل خبره وانتي دايما بالصف لأن المشتركه

فتره اساسيه حلقه واركان وصفي ونشاط فردي ومطعم او فرصه وانصراف

فهمتي يعني ما كو راحه​

 

[عهود الحب]

طيب


اذا كان في نقص شديد بمعلمات الرياض !!!!!!!!!


احنا مدرستنا فيا نقص ياجماعة نقص والجداول تضحك صج صج


والصفوف على معلمة ونص واحيانا على معلمة وربع لأنه بعض المعلمات
الي تقاعدت فجأة والي خذت مجلس طبي ولا صكتهم طبيات ولمت المخدة


احنا المنضبطين بالدوام شنو نسوي اذا تطبق علينا


نطق اصبع ؟؟؟؟؟؟ ولا ننتحر


احنا هالسنة نكسر الخاطر يا ام الكتاكيت وانا احس نفسيتي تعبت لأنه الموجهات قاعد يضغطونا وطبعا تابعه قفه الادارات المدرسية


مافي رحمة اطلاقا لاصفيين وحلقة ؟ انا بفهم القرارات الحكيمة هذي متى طلعوها حلموا بالليل وصحوا وطبقوها ؟



ترى محترة حدي والضغط واصل حده فسامحيني ان كان ردي قمة الدفاشة

 

[عهود الحب]

المفروض يكنسلون المنهج القديم وسيدا من الحلقة يبلشون بالمنهج الجديد


شكو لاصفيين ؟ مافي اي قرار سنع يفتح النفس حرام عليهم والله

 

[:: عائشه بقلبي ::]

يا سلام

والله ربعنا هذيلى يكسرون الخاطر

يبه حطوا منهج وجدول مثل الناس

اوكى احنا ابلات 3 ولا اربع

خلاص ليش المشترك ؟

زيادة ضغط عالابلة

والله انا بروح ادور لى مكان غير الروضه والله طقت جبدى منها

ومن هالتخبط

قطيعه

 

[* شروق*]

لاحول ولاقوة الا بالله كنا متفائلين بالنظام الجديد بصراحه صدمتوني ليمتى الضغط على معلمة الروضه المسكينه؟؟؟
قمة التخبط والظلم ترا احنا بشر مو آلات طول اليوم شغاله

 

[شيري]

أهلين عهود الحب

اشلوونك

حبيبتي انتي من صجك بيطبقون 3 أبلات بالصف الواحد ؟؟؟؟ شراح يلحقون عليه ؟؟؟ هل في هالعددمن الأبلات اللي يسد ويحطون 3 ابلات في صف واحد ؟؟؟؟؟؟

الرياض اللي بيجربون فيها المنهج حطوا فيها 3ابلات عشان بثبتون ان طريقتهم صح ومافي ها تعب فهمتي .....قولك تخطيط جهنمي يدل

علي وجووود المرأه بكل شييي............ ومو كل الصفوف عندنا فيهم 3 ابلات صفين حرررررااام جدولهم مأساه لأنهم ابلتين يعني بيصير

هذا الوضع في الرياض مستقبلا لما يطبق فيها هالمنهج

وللعلم مو كل الرياض اللي بيجربون فيها المنهج فيها 3 ابلات في الصف
​

 

[شيري]

أهلين الخنساء
اشلووونك

تصدقين الروضه حلووووه والعمل فيها متعه بس احنا فاقدين هالشي بسبب التخبط في القرارات لأنهم حريم وكل وحده تبي كلمتها تمشي ​

وبس كنها بيتها والله لو يخلون مكان الحريم اللي بالوزاره رجال اهم اللي يقرورون ويخططون كان صار الوضع من أحسن مايمكن لأنه

معروفه من قديم الأزل ان المرأه عدوه المرأه فتلاقينها ماتبيها ترتاح حتي بشغلها .​

 

[شيري]

اهلين شروق

وماادري شالحكمه من 2 صفي ؟؟؟؟؟ الطفل أخذ حلقه وتعلم وأخذ اركان وتطبق اللي تعلمه بالحلقه واخذ لاصفي وعزز اللي تعلمه بالحلقه والاركان

اصلا اهم كذي يشتتون الطفل ويدودهونه يطلعونه من شي ويدخلونه بشي فما يستوعب شي​

 

[مزاجيه حدي]

حتى لو ثبت فشل المنهج الجديد في رياض الأطفال في فترة التجربة الحالية راح يطبقونه علشان يرجعون اللاصفي 2 اللي انلغى 2005 ويمشون كلامهم وعلى فكره ترى المنهج الجديد هو نفسه منهج الأبتدائي القديم بالأضافة للخبرات اللي عندنا يعني هلااااااك للمعلمة لأنهم إذا شالوا الخبراااات ماراح يكون لموجهات رياض الأطفال أي أهمييييية لأنهم ما يفهمون شي بالمنهج الجديد وراح يكون عندنا أربع موجهين مو وحده وحسبي الله ونعم الوكيل فيهم .

 

[kajool_80]

انا لحد الحين ماخذت الدورة والله يستر من اللي ياي
وشلون نحتج واحنه للحين ما ندري شالسالفة ؟

 

[المستغفرة 74]

الله يكون بالعون

 

[خلوفه]

[تصدقون يامعلمات لو تشوفون الجدول ثلاث معلمات في النظام الجديد جدول مريح لأن في بعض المعلمات ماعندهم تدريس في بعض الأيام ونصابهم على 16 - 15- 17 :0bee2e8d89:انتم مو بس وحده تشتكي تتذمرون معاها أن وحده من قلب الحدث

 

[شيري]

خلوفه ​

حبيبتي اشلون الجدول مريح واحنا حاضرين كل الفترات مشتركه؟؟؟؟؟؟؟؟؟؟؟؟​

وانا ما اشتكي عشان يتذمرون ولا شي انا وجهت سؤال للابلات اللي طبقوا عندهم الجدول الجديد؟؟؟؟؟؟؟؟؟​

ووجهت سؤال للأبلات اللي بيطبيق عندهم هالجدول ؟؟؟؟؟؟؟؟؟؟؟​

وانا فتحت مجال للنقاش وليس للتذمر >>>>>>>>في فرق​

 

[ملاك-77]

والله الله يستر من المنهج الجديد والجدول
بيكون متعب حده لان فيه مشتركات يعني امسك حلقه وفرصه واركان
ولاصفي والانصراف بعد !!!!!!!! هلاك والله

 

[شيري]

للرفع

 

[رومنطقيه]

[تصدقون يامعلمات لو تشوفون الجدول ثلاث معلمات في النظام الجديد جدول مريح لأن في بعض المعلمات ماعندهم تدريس في بعض الأيام ونصابهم على 16 - 15- 17 :0bee2e8d89:انتم مو بس وحده تشتكي تتذمرون معاها أن وحده من قلب الحدث

حبيبتي انا وحده بعد منقلب الحدث موكل الفصول فيها ثلاث معلمات واللي موجودين اغلبهم على وشك ولاده ومقزرينها
لانهم راح يولدون ويفتكون من هالجدول الكرف كل الرياض التجربه فيها نقص وهم رياض محدوده ومختاره من كل منطقه
وعلى مستوى اول المنهج بس وموملحقين يوفرون ثلاث معلمات شلوووون باكر اذا طبق على كل رياض الكويت وعلى اولى وثانيه من وين لنا ثلاث معلمات للفصل الواحد مستحيييييل راح يكون فيه معلمات كافيه انها تشيل الجدول
والمصيبه الكبرى في المنهج المطلوب منا نتكلم في الانجليزي ونشرح وناقش بعدالاطفال
اغلب المعلمات لايجيدون اللغه الانجليزيه واضطروا يجيبون مدرسات خصوصي في بيتهم ويدفعون لهم فلوس تعلمها
اشلون تتكلم بالانجليزي وماقدرت تستوعب الوضع موطبيعي

 

[رومنطقيه]

صدقوني يا ابلات الوضع سيء جداجدا واذا سكتنا راح يزداد سوء تخبط اعمى واحنا والاطفال الضحيه
قرارات غير مدروسه ولاموفرين مدرسات تكفي ويبون غصب ينجح المنهج على حسابنا
احنا نتمنى الافضل لعيالنا وحابين نعلمهم وهذا مايعتبر تذمر ولكن النار ماتحرق الا رجل واطيها احنا ىمن اول اسبوع شفنا
التعب لانه نقص في كل شي والتوجيه ماهمه الا انه يطبق صفي 1و2

 

[ام الحلا والنور]

انا ايضا من قلب الحدث واقول ان الوضع لا يطاق وما يمديك تطلعين ترتاحين الا راده مره ثانيه في تخبط بالقرارات واضح:0bee2e8d89: