أخـــو مــريــم .... ســـمــــو الأرض

[أميره بطلتي]

سمو الأرض .. أخو مريم

​

إنا على فراقك لمحزونون


ســمـو الأرض أو أخــو مـريــم .... قصيدة للشاعر الكويتي سالم سيار .....

لي هاللحظه اذا سمعتها أبجي وأبجي ... أبجي فراق أميرنا وأبونا وقائدنا ...
أتذكر يوم كان مريض – الله يرحمه – شلون كانت كل الكويت بحزن وخوف عليه وكانت ايادينا على طول مرفوعه تدعي برجوعه سالم لنا ... وأذكر يوم رجع شلون احتفلنا وطلعنا بالشوارع بمسيرات فرحانين بعودته لنااا بصحه وعافيه ..
ولو كان المرض ينخير مثل ماقال سالم سيار والله نختاره ونفدااااااه ....
رحمك الله يا بابا جابر .........
وماراح ننساك لانك بقلوبنا .. ولان كل شي بهالديره يذكرنا فيك ........
ولانك ماخليت مكان الا وتركت فيه اثر .... يخلينا حتى عقب وفاتك نقول الله يرحمك يا أمير القلوب ...

وأترككم مع القصيده مكتوبة ومسموعة ...
وأتمنى أشوف ردودكم وشو شعوركم لما تسمعونها وتذكرون ايامها ...

سمو الأرض

أنا الفجر الموبخ بالغنا والطير والأزهار
أنا السهر الملطخ بالعنا والجرح وأعصاره
أنا القيد الطليق من النفاق وصفعة الدينار
أنا الحر المقيد بالغلا والحب ياساره
لذا رتلت لأسراب الحمام وطلقة الأنظار
حمامي قلب يتكاثر حمامه برعشة أصراره
ربابه تحضن عيون الأمير وتوقد الأسفار
وبدو تبتل من دمعة سمو الأرض وأسفاره
حزن يصدح وبحار يكبر في حزن بحار
وشراع ينبض النهمه الشقيه بقلب محاره
تهجيت المرض تصمت شوارع تذبل الأعمار
بعد ماغاب من يروي عروق الأرض بأنواره
تهجيت المرض يرقد تراب ويلتحف بغبار
بعد ماغاب كف اللي بسجوده يفجر أغباره
أخو مريم تمنيت المرض ينخير وأختاره
قسم لرميني في راس المرض ياشيخ وأختاره

عساك بخير ياقلب البلاد بنبضة الأحرار
عساك بخير يانبض البلاد بقلب أحراره
عساك بخير ياحزن البدو من دمعة الأشعار
عساك بخير يادمع الحضر من حزن بحاره

تسافر قبلك يسافر دعا من شعبك الأبرار
تسافر قبلك تسافر عيون الشعب منهاره
لأنك حب ومن مثلك نما فينا وصار أكثار
لأنك حب ومن مثلك يكون الحب لاصاره
لأنك دربنا المملي صباحات وسما وأمطار
لأنك حبنا المملي بصبح القلب وأنهاره
لأنك خبزه من رحمه تنهدها يتامى صغار
تلوذ بجوعهم يكبر سموك داخل صغاره
لأنك من سقى فقر الديار وأثمرت بديار
لأنك ضحكة الديم الحنون براحة أشجاره

تعب دسمان يترجى رجوعك من على الدوار
يمد ظلاله يتهجى حنين القار بحجاره
تعب فجرك على أبواب المساجد يحضن الأخبار
يمد صبحه على زول يدور فيه نظاره

ذكرتك منحني لدارك وتحمل داخلك أعصار
تظلل أرضك وتكسر سموم كفوف غداره
وسموك مانحنى لطعنة حسود فاجر غدار
سموك لاانحنى تركع بلاده داخل أفكاره

ألا ياالمشبر الطيب وطلع من مدتك أمتار
ألا يالمعجز امتار الكرم عن شبرة أمتاره
ألا يالصلف يالصعب الصرير المصعب الأصرار
ألا يالخيل يالهيل الصهيل بحيل أخطاره
ألا يالشيح يالصبح الفسيح بريحة الأذكار
ألا يالريح يالرمح الفليح بطرح فجاره
ألا يالمسلم السهم السلام المستلم للدار
ألا يالوارث المورث وراثة ورث ثواره
مدام الطيب مايشبر سموك ياعزيز الدار
وشاعر ماتطول أدنى حنانك مدة أنظاره
أبركع لين مايطفي مرضك بوحشة الأسفار
وأبسجد لين ماوجهك يرد النور لدياره


وأترككم مع القصيده بصوت الشاعر سالم سيار العنزي ...

http://www.tntup.com/audio/view.php?play=0247c8e26409bfe5689f9c65bc460491



​

[/CENTER]

 

[أميره بطلتي]

بنات خمس مشاهدات ولااااااا ربع رد .... شدعوووووه والله تضيقون الخلق .... ماتقصرون ويعطيكم العافيه ... زين منك قريتوه ....

 

[سالفة قلب]

والله ذكرتينا بهذيج الايام .... الله يرحمك يا اغلى الناس وقمد روحك الينه انشالله

بجيتينى

 

[ii DareeN ii]

مشكوره اختي عسى الله يرحمه ويغمد روحه الجنه

 

[زهرة الكويت]

رحمة الله عليك يابو مبارك

 

[مرادي الجنة]

رحمة الله عليك يابو مبارك

 

[shams]

امبيييييه عواااز قلب هاااذي كنت كلااااااااا اسمعهااا وبجي

 

[~lol & be cool ~]

صج عوااار قلب الله يرحمه .. قصيده مؤثرة .. ثانكسيو حياتو

 

[ام عايشة]

الله يرحمك يابابا جاااابر

 

[ريومة المزيونة]

الله يرحمك يا أمير قلوبنا

 

[شندوخه]

اي والله هالقصيده لاسمعتها ابجي

عسا روحك الطاهره للجنه يابو مبارك وعساك بالفردوس الاعلى

 

[بنت رؤس القبايل]

ياااااااااااااااااي يا اميرة ذكرتينى فيهااااااااااااااااااا



اول مانزل سالم القصيدة كنا بنسافر زيارة يومين لسعودية وطووول الطريج اسمعها وابجى اخوى عصب على


الطريج بروووحة والجيه بجى



الله يرحمة ويغمد روحة الجنه ياااااااااااااارب

 

[طير الحب]

الله يرحمه ويغمد روحه الجنه

 

[AwradAli]

والله عورتي قلبي اكثر ماهو يعورني

الله يرحمك يا يبه ويجعل مثواك الجنه​

 

[ام منــى]

الله يرحمك

 

[amazing_heart]

ما مات من خلف وراه انجازات وطيب وحنان ....

اللهم اني من رعية جابر الخير قد غفرت له ما علي وقد رضيت عنه كل الرضى .. ولم يكن منه إلا كل خير وطيب .. اللهم اني اسالك ان تغفر له وتوسع عليه مقامه وتجعل قبره روضة من رياض الجنه ... اللهم يا حي يا قيوم .. اسكنه فسيح الجنان مع الصديقين والأبرار .. .​

 

[أميره بطلتي]

الله يرحمه ... ويغفر له .. ويسكنه فسيح جناته ... اللـــهم أمــــيــــن


يسلموووو كويتيات عالردود ولا خلا منكم ولا من طلتكم الحلوه على مواضيعي ...


وأبـــــونـــــا جـــابـــر الـــخـــيــــر ... مهما طال الزمن بــقــلــوبـــنــــا ماراح ننساه ...

 

[زيـنـه]

سالم سيار .. تعجز الكلمات عن وصف اشعاره .

و الله يرحم جابر الخير .

مشكوره

 

[أميره بطلتي]

يسلمو على مروركم .... وجد قصيده اكثر من رائعه ... واحس انها لسان كل كويتي يحب بابا جابر الله يرحمه ...

 

[*_*cute bug*_*]

مشكوووره حبيبتي عالقصيده الحلوه