أخووي الداون بلغ وأنا ماني عارفه شسوي

[سندس 90]

السلام عليكم ورحمة الله وبركاته



عندي أخوي داون ألحين عمره يمكن 10 سنوات وشي ولاحظت عليه بعض الامور وحطيت ببالي إنه بمرحلة البلوغ بس المشكله عندي إنه مايعرف يدخل الحمام كللللش ولا يعرف يلبس ملابسه أمس قلت لااااازم يعرف ودخلته الحمام ومايعرف لا يفتح الصنبور حتى !
والله ماني عارفه شيسوي حاولت أنا ملاحظه إنه يستجيب الحمد لله يااارب بس ماادري هل راح يجي يوم ويعرررف
بناااات عفيه فيدوني ساعدوني شنو أسوي ألحين أنا قاعده عنده بالبيت بس عقب جم شهر خلاص بتزوج وربي إني شايله همه وأحس فرحتي نااااااقصه استغفر الله
وأمي مرا كبيييره ومالها خلللق تعابله وخواتي مايهتمون فيع عادي يدخلونه واهم يلبسونه يعني يتعود عليهم
أبي ألحين ماشالله امهات الداون أشلووون يدخلون عيالهم الحمام لاني أشوف أطفال الداون أبو 4 سنين ماشالله يلبس بروحه وياكل بروحه وحتى يطلع بروحه ماكو مشكله أنا أخوي كلللللش موجذي أحسه أقل عقل بس الدكاتره كللهم يقولون خفييييف جداً الللي فيه وأنا أشوف العكس
عفيه بنات فيدوني واللي ماعندها معلومه تدعي لاخوي عفييييه
جزاكم الله خير

 

[منارة الشرق]

حبيبتي الله يعينج ويآجرج ان شاء الله ويشفي اخوج ما عندي معلومات بس حبيت أرفع لج الموضوع

 

[سندس 90]

الله يرفع قدرج

 

[زعفرانة_73]

يا حياتي والله حاسه انها مسؤليه كبيره عليج
لو تشوفين ناس متخصصه لذوي الأعاقه ​

 

[بوح الحنين]

ربي يشفيه

 

[شموخي اتعبهم]

الله يجزاج خيربالي تسوينه فيه وربي يشفيه

حبيت ارفع الموضوع

 

[مرمر]

شوفي حبيبتي انا بنتي داون عمرها 6 سنوات

بالنسبه للاكل اول شي حطي بصحنه وعطيه القفشه خل يبدد يتاخر مو مشكله بس خليه بروحه شوي شوي خليه ينشب لكم وله

التبديل اول شي عطيه ملابس الخفيفه السهل وطالعيه ساعديه بس اذا خلص قولي يالله حبيبي كمل هذا او عدل هذا انت كبير وتعرف تسوي كل شي

 

[دآنة آلرشآيده]

عسا ربي يشفيه ويكتب لج الاجر
بميزآآن حسناتج والله ماعندي فكره

آب لعيونج

 

[mona q8]

أنا ما عندي فكره عن الموضوع
بس يمكن انتي ما عوّدتيه يعتمد ع نفسه
حاولي تخلينه يعتمد ع نفسه
مثل ما قالت اختي مرمر

 

[سندس 90]

ياااعمري ماقصرتو كلكم
مرمر الحمد لله انا قاعده أسوي له جذي بس الفطور لان نومي صاير عكس
اعطيه صحن وخبز وحليب أو عصير كي ديدي والحمد لله يفتحها يوم شفته يفتحه طرررت حيل استانست
مرمر يعني بنتج تعدل وضعها

 

[رفوشه]

الله يشفيه اسفه ماعندي فكره

 

[ام حمد 85]

الله يشفيه يا رب و ياجرج على اللي تسوينه يا رب العالمين

 

[أحبه موت]

عسى الله يشفيه يارب ​

 

[الصابرة المحتسبة]

وعليكم السلام


جزاج الله خير على هالحرص والعناية باخوج وان شاءالله ربي يسهل امرج ويشرح صدرج

مبين من كلامج ان اخوج ماراح مدرسة ، المهم اخوج محتاج رعاية ومادام الوالدة كبيرة في السن تقدرين تطلبين له سستر بوجودكم ومتابعتج لها ولطريقة المعاملة، شوي شوي يتدرب على الاكل بروحه ودخلته تكرمون للحمام وتعليمه شلون يفتح الماي ويغسل ، محتاج تأهيل ورعاية.

يارب يطمنج عليه وبلغينا اول باول .

بحط لج كذا رابط وان شاءالله يفيدج

http://www.q8yat.com/t896471.html?highlight=%C7%E1%CF%C7%E6%E4


http://www.q8yat.com/t982050.html?highlight=%E3%D1%DF%D2+%C7%E1%CA%C3%E5%ED%E1

 

[سندس 90]

صااابره ياااعمري ماقصرتي بس سالفة سستر محد رااح يقتنع فيها كلللللش اهلي واعرفهم
مشششكوره ياقلبي ماقصرتي

 

[بيلسسان]

حبيبتي مثل ماقالو البنات
عوديه اهو يلبس من نفسه
انتي خليه يقط ملابسه وخليه يغسسل من نفسه
شوي شوي ويتعلم ان شاء الله


بصراحه ماعندي احد من فئة الداون
بس كل واحد ويتعلم على الخفيف
والله ياجرج ان شاء الله

 

[ikilled barbie]

الله يشفيه و يعافيه

 

[عادت ذكرياتي]

الله يجعله في ميزان حسناتج ...


أب


أب

 

[ســــوسو]

الله يشفي وخلي لج شتري كتاب عن حالات الداون وتعلمي منه والله ياجازيج خير ولا يحرمه من حبج له

اللَّهُمَّ اغْفِرْ لي، وَارْحَمْني، وَاهْدِني، وَاجْبُرْني، وَعافِني، وَارْزُقْني، وَارْفَعْني

 

[ديانا سبنسر]

الله يشافييه