أخوي يبيني أدورله مره ..؟؟ موضوع لنقثاش ..

[cheese cake 84]

مادري اخوووج وااايد معور قلبي شكله تعبااان حييل وياها وعلى قولتج انتي اخته فما يقدر يقولج كلشي تلاقينه يتسكر عليهم باب واحد ويشوف العجب منها شوفي اهو خل يحاول فيها آخر مره انتي حاجيه خل يقولها اذا ماتسنعتي معاي والله لتزوج عليج ان ردت بنفس هالرد اللي ماتستحي لاتحترم ولا تحشم احد والله من ثااااني يوم دوريله مره سنعه بنت حمايل وزوجييه وان قالت ولا انطقت اهى السبب تبي تقعد بيتكم حيالله ماتبي تروح الغرفه الثالثه اللي يم خواتها واهو موبعيزان عن عياله كل شهر بيوصلهم مصروفهم واكثر بس اخوج تعبان ريحيييه والشرع حلل اربع يعني انا يابنات لاتفهموني غلط انا ضد الزواج الثاني بس الصراحه اذا الريال مايلقه راحته بيته وعند مرته وين يلقاها يروح للحرام يعني واهي شكلها مو كفو لاتحترمه ولا تحشمه والله يسيير ويسهل اموركم آآميييييييييين

 

[طموح مفقود]

نصيحة من اخت اذا انت شايفه اخوج تعبان بحياته وزوجته منكده عليه عيشته.
فانتم خواته اخطبوله . واكثر مااكثر الله بنات الحلال في بيوت اهلن. واهم شيئ تكون بنت خلوقه وذات دين . وانت تعرفين الرجل الكويتي مومثل المصري او السوري تعارف ما تعارف وطلعات .
علشان جذي انتم الحريم تختارونه له افضل ,
واهم شيء يقول حق مرته انه يبي يتزوج .ولازم يكون عندها خبر من باب احترام العشرة بينهم.
ولا تسمعين كلام البنات اللي يقولون اطلعي من الموضوع . والله باجر يطيح في وحده لا اصل ولا فصل وما يهمها الا الجنسيه والرجال تاخذه من اهله وتنسيه حتى اعياله. والله اذا خليتوه هو اللي يخطب حق نفسه والله ما تشوفونه عقب ما شفتوه.
وانا ما شوف في الموضوع حوبه ما حوبه هذا زواج على سنة الله والرسول لا عيب ولا حرام .
واذا انتي خايفة باحر زوجج يتزوج عليج فانا اقول اذا انتي مو زينه مع زوجج صدقيني خواته راح يدورون لاخوهم .​

 

[رغوة لوكس]

خطبو له من غير ماتدري زوجته لاولى انكم انتو اللي دورتوها له

 

[غصن الغلا]

أنا من رايي أنه تطرشين عليها وحدة تكلمها تقولها أنا سامعه أنه زوجج يدور على مره .

أوأنج انتي تكلمين وحده من خواتها الكبار وأمها تشرحين حالتهم لهم علشان يكلمونها وينصحونها وتقولين لهم انه اخوج يضغط عليج يبي مره وانج رافضه الفكره نهائيا.
زين ان اصلحتي بينهم
الزواج الثاني راح يدمر العايله وتكثر المشاكل واحتمال تحرق العرس يمكن اكون انا من المعزومين (امزح)ههههههه

 

[Namlah]

الله يوفقه..بس ماانصح ان تزوجينه ...كل مشكله ولها حل....ونبهي اخوج ان المشاكل ماراح تخلص بالعكس احتمال كبير بتزيد وقتها شنو الفايده من الزوجه الثانيه لان احتمال بعد ينفصلون .....ولا ينسى ان زوجته عند منها عيال وعشرة عمر مارا ح يهون عليه..هو مو حاس الحين ....وبعدين من كلامج الوضع عادي بينهم...كل المتزوجين جذي نجره وهواش....بس مانقول الا الحمدلله على العقل والثقل
والله يكتب اللي فيه الخير

 

[crazy.lulu]

انا ما انفع خل يتزوجني

 

[كريستال ليدي]

ما فيها شي ياخذ وحده ثانية

الله ما حلل الزواج الا لأسباب سبحانه يعلمها و دام بيخليها على ذمته يعني ما ظلمها بشي

بس سالفة تدورين له هاذي صعبة شوية باجر تحط عليج و على عيالج انا من رايي بروحه يدور حق عمره مرة

 

[الدوحة - قطر]

خل يمسكها ويكلمها كلام جد ، انا انا خلاص بتزوج
وانتي بتمين على ذمتي ، والحين قالوا لي عن1
وقاعد أسأل عنها وهم يسألون وهم مبدأياً موافقين
وخل يشووووف ردة فعلها شلون صاااااايره
ومن ضمن الكلام يقول لها انا تعبت من الصراخ
والهواش ابي راحه ابي مره تهتم فيني وهالشي
مب ملاقيه فالبيييييت .
واذا تأثرت يقول لها لج سنه تتغيرين فيها واذا ماتغيرتي
بتزووج عليييج ، وحتى لو بعد السنه رجعتي على طبعج
بعد بتزوج لأن الفكره وااااااااااااارد ، خل اتعرف انها
طول عمرها لازم تتغير مو بس في فترة السسسسسنه

والله لايجيب اليوم اللي يحط فيه وحده ثانيه على راسها

 

[غروري ضروري]

الله يهديهم ياربي..
ودوري حلول وسط احسن من انه يتزووووووج

 

[بمبة المفترسة]

خطبي له
ولاحوبة ولاشي حبيبتي اولا من حقه لانه مرته مو كفوو وثانياا حلال وشرع رب العالمين
وخله يكلمها جد يقولها ترى قلت حق خواتي يدورون لي مرة مو تقولين ما قلت لج
ودوروا له وحدة كبيرة شوي 30 سنة تكون راكزة وفاهمة حتى لو اكبر منه سنة سنتين مو مشكلة

 

[عاشقه رويشد]

دوريله اشوفها عادي انتي تدورين له بالحلال احسن ما يروح حق الحرام دوريله وتوكلي علي الله

 

[miss abrar]

والله الريال لي كره المره بس خلاص حتى لو تتسنع قلبه ما يرد لها وبوطبيع ما يوز من طبعه واهي تستاهل اللي نفرت زوجها منها ... وما فيها حوبه ان تخطبيله هاذا شرع الله مو احسن من انه يفكر بالحرام... بس زم يحط في باله ان كثر ما يقدر يعدل بالمبيت والمصرف ويعمل حسابه ان احتمال زوجته الاولى تطلب الطلاق هل اهو مستعد لهالشي؟ ولازم تشوفونله وحده هاديه وسنعه كافه خيرها وشرها وعاااقله

 

[اسطورة زماني]

يه !!!

متزوج صارله عشر سنين شيبي بعد بالزواج مرة ثانية !!

الحين المفروض يفكر بعياله والله حرام عليه يفكر بنفسه ويخليهم

قوليله انت خلاص قضيت عمرك خليه يضحي بالباقي من عمره لعياله

حتى لو شنو كانت المره خليه يستحمـل هذي الدنيا وهذا اختياااره

مادري شقولج بس صدمني يعني من كلامج احسه ريال عوود وتفكيره جذي؟؟

والله يكون بعونج

 

[(كويتيه عسل)]

ليش ماتقعدين مع مرت اخوج وتتفاهمين معاها

يمكن تقتنع والله يهديها

وماانصحج تدورون لاخوج مره ترى اول انسان يتعب ويتعذب من المشاكل اخوج

والمشاكل بتزيد لا يحسب ان بيعيش سعيد وخل يحط في باله لازم يعدل بينهم والله بيحاسبه في آيه تقول


بسم الله الرحمن الرحيم(( ان خفتم ان تعدلو ولو بواحد)) صدق الله العظيم

 

[Miss 7o7o]

والله انا اقول زوجيه مادري احسه ما يبي مرته موقصب يعني الشرع حلل اربع
تقبلي مروري