كرهت بدنيتي ابليس .. شياطينه واصحابه
وأسلوبه وطغيانه إلى منه بغا فينا
وكرهت البعد في بعدك واخاف من اتفه اسبابه
واخاف نروح في دنيا وتتباعد خطاوينا
كرهت القلب لامنه غدا يندب لأحبابه
ويحلم في حبيب الروح ويتذكر أمانينا
بأولها بدا غاير .. أنا ماجيت أبلا به
ولو يدري بكبر حبه عن الي صار يغنينا
وثانيها حزين القلب يدور مايسلّى به
يحاول يقنع انفاسه .. أمانه لاتخلينا
وثالث يوم ياقلبي كتم حبه ، تغلى به
يبيك تحس بالغلطة قبل مالوقت ينهينا
ورابعها اكله الشوق ونومه ماتهنى به
بوسط الليل يكتبلك .. لعل حروف تحمينا
لعل حروف ياغالي تجيب البعد بانيابه
وتجمعنا على الاشواق وتتصلح خطاوينا
تعرف الوقت ياخلي عديم الستر أدنا به
على ابسط سبب ممكن يغرق اليخت بالمينا
وهالدنيا بلا معنى اذا مالنار شبابه
تقوم حروب وتقعد ورب الكون ينجينا
وانا رجل بعد شوفك فقد قلبه واعصابه
وحبك حب ماحبه بني آدم يساوينا
وآغار عليك ياقلبي واخاف الوقت واهابه
يطول عليك في غيابي وتتعود تجافينا
احبك حب مايشبه سوا راعٍ عشق دابه
ومات بحضنها جايع / يقول الله يغنينا
أنا عاشق متيم فيك .. ولو بُعدي فتح بابه
وترا ماجات عن خاطر سوا شيطان يغوينا
أبتغير لجل حبك ، بضحي قلبي ومابه
وبمشيلك على الاشواك لعل الله يسقينا
ابستوحش لجل تهنا وبسكن لك وسط غابه
واليّن لك صخر قاسي وخلي القاصي يجينا
بحاول قد مااقدر اصد رياح هبابه
بحاول افهمك دايم واخلي الحب ينجينا
ولان الحب في صدري لاجل عيون جذابه
ابحكيلك لجل تعلم مدى حبي ياناسينا
ابحكيلك وانا عاقل وانهي حكيي وابدابه
انا فعلاً ترا غاضب لأنك حيل جافينا
بتستغرب انا ناسيك ؟ .. وتنكر قولي وتعابه
ولكن واقعك جافي وفعلا حيل ناسينا
تراسلنا نعم يمكن وتسأل تحتري جابه
ولكنك تحسسني بأنك فيك ومافينا
وبدل ماتفرح بغيره اتت من قلب يُفدا به
تقوم وتجرح بقلبي طعون القلب تبلينا !
ابيك تبين لقلبي مدا حبك واسرابه
لجل يهدا يخف الشوق ، وعل النوم يأتينا
ابيك تضحي لأجلي واضحي الجفن واهدابه
وتسمعني واسمعلك ويبقى الحب كاسينا
سمعت قصيد بالبارح تحلمتك تغنى به
حلمت بحلمك البارح مع ان النوم جافينا
” كفاك بعاد يافلان ترا ماللقسى طابه
ورا ماتقوم نتصافح اواسيك وتواسينا
تعال وشوف لك عاشق قسى هالحب اردابه
طعين عيون ومغرم بِ من وده يقاضينا
ابيك وما ابي غيرك ولو قلبي يغلّى به
مهو مغلي من بعادك ولاهي محرزه فينا
احبك وافهمك لكن .. اخاف الحب واهابه
اخاف عليك من غيري واخاف انك تقاسينا
أنا آسف اذا قصرت .. وابي عذري يهلا به
وانا عارفك ياخلي .. سميح ودوم توفينا ”
تحلمتك لجل عيني تصير العشق وكتابه
تردد بالمنام ابيات .. أنا آسف ترا جينا
.gif)
