أدخل وتخيل........أعطي لنفسك فرصه ولو دقيقه!!!

[SeNyOrA Q8eYa]

السلام عليكم
كيفكم جبت لكم موضوع أتمني يعجبكم.....

أبيك تكون لوحدك وانت تقرا هالرساله وحط في بالك شخص تعزيه وتحبيه حيييييل
ولايمكن تقدر تستغني عنه أبد..
واهم شي ابيك توقف مع نفسك شوي وقفة صراحه وبكل احاسيسك ابيك تتخيلي ..


اليوم كنت معاه, ارضه ارضك ,وهواك هواه ,اليوم هو منك قريب وعندك هو بس الحبيب ولوما تشوفه على الاقل تسمع اخباره من بعيد
لكن بعد هاليوم انت تخيل ولو مره بس تخيل انه رحل فجأه دون سابق انذار من هالدنيا اختفى ابتعد وراح لبعييييد بعييييد لمكان مامنه رجوع
لظلام ماله حدود ولدنيا الكل بها موعود خلااااااص رحل عنك غصب وخذاه الموت وخلاااك وحيد,
تايه, حاير , متألم, ومنصدم , ياترى تقدر تتخيل في ذاك اليوم حالك ؟؟ بتصرخ؟ بتصيح ؟ ولا من الصدمه بتسكت ؟ وقلبك من الداخل جريح؟
حياتك بتمضي اكيد بس من دونه بتعيشها صحيح لكن دون صوته وعيونه , تخيل وش اللي من الممكن تقفده ؟
حبه ؟ حنانه؟ حزنه ؟ ابتسامته؟ عطفه؟ اهتمامه؟ شوقه ؟ ملامه ؟ طيبته ؟ قسوته ؟ عناده ؟ ولا غبائه ؟ ذكائه ؟ جسمه ؟ قلبه؟ عقله؟ رمشه؟ كله ؟
وتخيل وش اللي ممكن تخسره؟ حلمك؟ شمسك؟ بدرك؟ صبحك؟ ليلك؟ عمرك؟ قلبك؟ كلك؟
ياترى بتلوم نفسك لأنك في يوم قسيت عليه وخليته؟ وان جرحته ولا راضيته؟ او حتى في يوم تناسيته؟
دامنه جنبك اليوم حاول تحبه دووووووم ترى كل غالي لك يمكن ماتشوفه بعد اليوم

منقووول​

 

[dima]

واصلني هالاميل

ان شاء الله ما نشوف هاليوم الي نفقد انسان غالي و ان شاءالله انظل طول عمرنا راضيين على بعض

مشكوره حبيبتي

 

[MissChoco]

والله قلبي تقطع .. ودموووووووعي نزلت :\ صج صج الله لا ييب هاليوم انشالله .. والله ماحب هالشي وانشالله ما اشوفه :×

مشكوره حبيبتي لانج بجيتينا :$

 

[رماديه]

كل وحده او واحد منا راح يفقد قريب و حبيب في يوم من الايام و احنا لازم انفكر ابهالشي لأن هذي سنة الحياة وهذا حال الدنية وكل من في هالدنيه راح ينتهي وما راح يدوم الا وجهه سبحانه وتعالى.

لذلك لازم كلنا انخلي الموت على بالنا ولا ننسى ان كلنا راح ايي اليوم اللي انغادر فيه هالحياة الدنيا احنا وكل احبائنا واقربائنا بس ما ندري متى هاليوم ومحد يعلم الا الله ، والموت راح ايي فجأة من غير سابق انذار لذلك علينا كلنا ان نكون مستعدين لهذه اللحظه وحتى اقربائنا انحط في بالنا انهم راح يفارقونه في يوم من الايام علشان لما نسمع خبر رحيلهم ما نجزع ولا نصرخ بل بالعكس نحمد الله على كل حال ، ، نحمد الله بالسراء والضراء لكي يجازينا الله كل خير في الدنيا والآخرة.

فالحمدلله والشكرلله ولا اله الا الله.

 

[رماديه]

حبيبتي MissKaka وdima

حبيباتي كلنا راح انشوف هاليوم اللي نفقد فيه عزيز هذا اذا مو احنا اللى رحلنا قبلهم، لازم انخلي في بالنا هالشي لأن محد راح يعمر بالهالدنية وبعد علشان ما ننصدم ولا نجزع بوفاة قريب او حبيب.

و والله يعطيكم الصحة والعافيه وطولت العمر

 

[بتبوتااا]

وااااااااااااي تقطع قلبي
عسى يومي قبل يوم اي شخص عزيز على قلبي حييييييييييييل

 

[Xtina]

والله دمعت .. مشكورة ع الموضوع
الله لايجيب هذاك اليوم يارب

 

[SeNyOrA Q8eYa]

حبيباتي والله انا بعد حدي دمعت

فعشان جذي مابي أحد يكون زعلان عالثاني لان الدنيا ماتسوى..

حبيبتي الرماديه: كلامج رووووعه مثل وجودج..

الله لايحرمني منكم

 

[ღ•»الًـجٌـوِرٌيّ«•ღ]

موضووع ضرب على الوتر الحساس

والله لايقوله انشالله

ولا يجييب هل يوم