@@ أدعولي يابنات الله يتمم علي:) @@ رحت حق المطوع

[SnR_07]

السلام عليكم

يا بنات ديرتي ابيكم تدعولي ان الله يتمم علي ارادتي
لان اليوم رحت لدكتور عبدالله المطوع وعطاني رجيم
مايجوع عجيب والدكتور بعد عجيب يعطيج حافز ويخلي فيج
حافز موطبيعي واليوم اول يوم رجيم وهو قالي اول ثلاث ايام
اصعب شي عقبها عاااااااااااااااادي وقال بشهر تنزلين 7 كيلو
بشهر ممتاز وقالي مو ضروري تمشين كل يوم بس قال امشي
متى مابغيتي 20 الى 40 دقيقة:ada:
بس ماشاء الله علية يخلي الي مافيها اراده فيها اراده غصب

ولي تبي الرجيم تقولي وحطه لها والمتينه حيل مثل حال اختكم تروحلة
احسن تاخذلها اراده


وبكتبلكم الرجيم تامرون امر

الريوق : ( ضروري ضروري ضروري )

حليب خالي الدسم kDD + كوب كورن فليكس (( فيتنس )) تابع لنستله أو 2 درابيل اسمر أو 5 تمرات أو 3 شابورة

الساعه 11 لان اكون بلكلية فحطلي عصير برتقال أو عصير اناناس


الغداء :

Cheeseburger ماكدونلدز مالت وجبة الطفل عرفتوها ؟؟ + ببسي دايت

أو

4 ملاعق أرز ( عيش ) مع لحم أو دجاج أو سمك + سلطة خضراء مع صلصة كرافت دايت موجوده بمركز السلطان خذيت اربع انواع + ببسي دايت

أو

نص خبزة سمرة خفيفه + اي نوع من انواع الحوم بس شرط ماتكون مقلية + سلطة خضراء مع صلصة كرافت دايت + ببسي دايت


المغرب :

3-4 تمرات أو 1 حبة فاكهه ( ماعادا الموز و المانجا ) أو ككاو وسط + شاي /قهوه

العشاء:
سلطة ماكدولدز مع صلصه دايت موجوده عندهم +ببسي دايت

أو

1توست اسمر + لبنه قليلة الدسم أو جبنة قليلة الدسم أو مورتديلا أو بيض + خضار ( طمام خيار جرجير ) + لبن خالي الدسم +1-2 حبة فاكهه ( ماعادا الموز و المانجا )

أو

(*)روب خالي الدسم + خيار + 1-3 كيوي
يقول وحده استمرت على هذا العشاء انزلت 6 كيلو بسبوعين ماشاء الله

--------------------------------------------------------------------------------------------------------------------


وابي اخر شي تدعولي ان يمديني اضغف لي شهر 3


وسامحوني اذا طولت عليكم

 

[تفاحتي]

الله يقوي ارادتج ان شاء الله
والله اذا ماتمانعين عطينا اياه

 

[ريميه الكويت]

الله يتمم عليج ياربيي

 

[كشموووشه]

الله يثبت ارادتج

 

[lolwah]

اللة يتمم عليج و صدقيني الضعف راح يغير شكلج و نفسيتج 180 درجة

و ياريت لو تحطين الريجيم عشان نستفيد

ماقالج جم كالوري ؟

 

[فطيرة فراوله]

الله يعطيج العافيه حبيبتي ويثبتج على ارادتج يااااارب بس ممكن سؤال
انتي رحتي للدكتور في اي عياده انا دقيت عليه الاسبوع الي طاف في عياده الي في ابو حليفه قالي السكرتير ان مافي موعد الا تاريخ 18/11 اشلون حجزتي انا ناويه اروحله بس مافي مواعيد عفيه قوليلي لا تبخلين علي بالرد
ويعطيج العافيه

 

[pretty sarona]

الله يتمم عليج وعلينا يا رب

 

[بطة رشيقة]

اللله يتمم عليج ويثبتج يارب وانا بعد انشالله اتمنى ان ربى يثبتنى ... لانى باديه رجيم صارلى تقريبا اسبوعين والله يقدرنا على ان نخفف اوزانا ونستمر .. لان الضعف صحه وسعاده والله ما تدرين شكثر ترتاحين انا نزلت قبل لا اتزوج 25 كيلو وكنت بقمه السعاده والاناقه والخفه لكنى حملت وانتفخت ولانى قادره ارد اللى زدته .. من سنه ونص الله كريم انشالله بس قوليلى شنو الرجيم وشنو نوعيه الرياضه وشكثر نمشى .. واذا ما تمانعين تقولين جم طولج ووزنج عشان نعرف اذا انا وياج نفس الشى او لا

 

[صدى الأفراح]

الله يوفقك ممكن تعطينا النظام الله ينولك مرادك وممكن أعرف فصيلة دمك وطولك ووزنك؟رح أبتدي معك ونشوف الخير يارب ناطرتك

 

[SnR_07]

مشكورين حبايب قلبي على الردود والدعوات والله شجعتوني زيادة


أختي صدى الاحزان و اختي بطة ورشيقه

انا فصيلة دمي a- بس اهو طلب مني تحاليل بس انا كنت مسويتهم بلمستوصف قبل لا أروحلة بسبوع
وطولي : 171
ووزني 99 اشوه مو 100
-------------------------------------------------------------------

اختي ام اروى
انا رحت عيادة الي بشرق بس الصبح لان بليل بلمنقف
وهذا رقم عيادة شرق 2424998

--------------------------------------------------------------------------------

ومشكورين بعد ألف مرة

 

[miss5]

موفقة انشالله

وباذن الله تستمرييييييين وما تخورينه وتضعفين ومو اي ضعف لا انشالله وانت بصحتج وعافيييييتج

انزين يعني انت قبل ماكو اراده وكل ما بديتي رجيم ما تكملين وتخربطين

واهوه عطاج دافع واراده يعني غير هالمره صج ؟

لان انا ودي اروحله بس انا ماكو اراااااااااااده

 

[شمس وقمر55]

موفقة ان شاء الله
وعسى ربي ينزل وزنك بصحة وعافيه

 

[SnR_07]

مشكورة اختي miss5
اي والله ارادتي خرابيط الرجيم ما اتم عليه يومين وانا قبل رحت لطالب الشمري وعاطني اراده ونزلت 16 كيلو ورديتهم 18 كلهم بس انا الحين مليت من نفسي وابي اضعف لي متى وحنا جذي وانا انصحج تروحيله كلامه يهبل ويسهل عليج الموضوع وان شاء الله اذا ضعفت خلال هلسبوعين اقولج وان شاء الله ما ارد الكيلوات مثل قبل

ومشكورة اختي شمس وقمر على الدعوة الحلوة

 

[miss5]

العفو ولو

ايييييييي مو هذي المشكله انج تضعفيين وتردين دبل

انا جذي الحين حدي زايده اااااااه ملييييييييت فاذا صج اهوه يرفع معنويات الواحد بروحله لان انا كل شي سويت

الاراده ما تطول عرفتي فناطرتج لا تنسين ويفضل اتدزيلي رساله اخاف انسى

بالتوفيق

 

[بدر البدور]

السلام عليكم

شلونج ياحلوه بس بغيت أقولج أنا رايحتله بنفس اليوم وعطاني نفس رجيمج بس انتي زايدج عني بشغلات بسيطه وصج بس كلامه يريحج ويعطيج إراده الله يتمم علينا ونضعف مع بعض الله يوفقج بس كل مره تروحيله دزيلي رجيمه على الخاص وأنا بعد بدزلج خلينا نشجع بعض شرايج ؟؟؟؟

 

[ii DareeN ii]

موفقه حبوبه وان شاء الله نزولج بيكون سريع وترا على طولج انتي مو متينه وايد

 

[رند]

بالتوفيق ياقلبي
وانشالله توصيلن للوزن اللي تبينه بصحه وعافيه

 

[miss5]

انا مافيني صبر

قاعده اقول وييييييييي ماردت علي ولا توه ما صار اسبوع

لان صج تشجعت ودي اروحله علا وعسى

 

[أم حمني المزيون]

الله يثبتج حبيبتي ...وان شالله توصلين للوزن اللي تبينه ...
كنت ماشية على ريجيم طالب الشمري وبرمضان خرته عدل وماني عارفة اشلون ابتدي كل يوم أقول خلاص اليوم ببتدي بس للأسف رمضان والعيد خربوا علي.....مع اني نزلت قبل رمضان 17 كيلو خلال شهرين ونصف؟؟؟ودي أسوي ريجيمج هذا لأني مليت من ريجيم طالب ..كله يحطلي خضار مسلوقه وآنا استغفر الله اتغصب وآكله.....
فجني تشوقت أسويه معاج....
الله يعينني على البدااااااية!!!:gr4uu:

 

[قهوة عربية]

الله يوفقج ويتمم عليج

وتنزلين الوزن المطلوب بأسرع وقت ...وعلى الصحة والعافية

وتحافظين على وزنج وارادتج آمييين