أرجوكم ساعدوني بأراءكم في عزول معانه بالسفره

[الرواسي]

اهلين بنات كنت باروح انه وزوجي ابرحلة الى ماليزيه نرتاح فيها ونغير جو ولمصيبه يطلع بيسفر معانه مرافقه من أهله يارب اشلون نرتاح فيدوني بنات والله مو مرتاحه وشكلي باكنسل الرحله

 

[Miss-Madry]

مثل منو امه اخته ؟؟. قولي له باسلووب حلو وذرب أنا بغير جو معاك بروحنااا ومن هلكلام. ياربي شنو هالناس لزززقه

 

[الرواسي]

اي والله حبيبتي وانه من عرفت وانه ضايقه فيني الدنيا ومو مرتاحه يعني انه ماراح اخذ راحتي مع زوجي لاحول ولا قوة الا بالله

 

[ميمي_21]

وااي الله يعينج
قوليله أنا باخذ راحتي وياك
وإذا أنتي تعرفين منو حاولي تلمحين حق هالشخص أن بتروحون تعيدون شهر عسل عسل عيدي عليه كلمه عسل

 

[Be_Patchi]

صج ما عنداها ذوووق

زوج + زوجتة

شكو رايحة معاهم

المفروض من نفسها تفهم أنكم رايحين تغيرون جو

وتجددون حياتكم بشهر عسل ثاني

واللع عيب

صج دعلة

 

[الرواسي]

الله يخليكم لي بنات بس كنت خايفه ان ايكون شعوري انانيه مني بس والله انه رايحه وياه علشان ننسى المشاكل بس شكلها المشاكل بتروح معاي وبتكرهني بالرحله كلها اتصدقون انه امي اتقول كنسلي ولاتروحين بتكدرين اكثر وبتزيد مشاكلكم ومابتفاهمون وهي معاكم

 

[ميمي_21]

أي والله أنا راي من راي أمج كنسلي
لو أنا تصير وياي هالحركة جان كنسلت وخليته يروح مع اهله وأنا أقعد بكرامتي عند أهلي

 

[om MaRyooM]

اذا زوجج متفهم صارحيه وقوليله احنا رايحين نغير جو ولا نتذكر مشااكلنا ؟؟؟؟؟؟؟ وشوفي شنو يقولج

واذا اصريتو على السفرة لاحول ولا بعد شتسوين مالج شغل باحد


او قوليله سويت استخارة طلعت السفرة موزينة

 

[الرواسي]

حسبي الله ونعم الوكيل حسبي الله ونعم الوكيل حسبي الله ونعم الوكيل والله من القهر احس احد خانقني من ارقبتي

 

[ميمي_21]

الله يعينج
والله حاسه فيج صارت فيني هالحركة بس أول مره بحياتي أتكلم وأرد نفس الحظة دايما أموت من القهر ولاأتكلم
بس أنا عالكول رديت قلت انا بروح شهر عسل بجرب العسل بروحي
مع هذا أحس بنغزات بس أن أسوي عمري مستانسه بس أصعد اكلم هالريل

 

[الرواسي]

لو امه جان يمكن تنبلع بس بنت أخوه هذي صعبه مع انه أختها امسافره ماليزيا من سنتين وماراحت وياها يوم قررنا انسافر نرتاح انه وهو طاحت ابراسي

 

[ميمي_21]

وي طلعت السافه بنت أخوه عبالي أمه أختة أبوه أخوه
أطلعت بنت أخوه وهذه ان شاءالله منو عازمها؟؟
يعني مافي بنت تروح من غير عزيمه صعبه أكيد أحد عزمها معاكم
وبعدين بفهم شغله ريلج مايعرف يقول ماأبي أحد يسافر معانا بناخذ راحتنا وبعدين لازم يقول أن امأحب أتحمل مسؤولية بنت ويانا انا مرتي وأحاتي
سوا افلام
وقولة مافي حجز معانا وقولوا أحنا حجزان فنادق وخلصنا خذينا بس عرفة وحمامها وين تقعد يعني
جني تفاعلت بزياده والله ترفزت وشتطيت حديي ههههههههههههه
وأسف إذا دخلت بزياده بس والله الأني حاسة بوضعج

 

[الرواسي]

لا ياعمري كلامج ايبرد القلب وتكلمتي باللي ابي اقوله حتى خواته قالو نفس الشي وامي بس راسه عاصي مادري شنو مسوين له مايقدر ايرد حق اعيال اخوه طلب حسبي الله ونعم الوكيل

 

[ريومه المزيونه]

حبيبتي ليش تكدرين نفسج السالفه ماتسوى


اذا كانت بنت اخوه شر لابد منه فاخذي الوضع عادي واستانسي


يعني احس السوقه والالعاب يصلح لها بنت نفسج تفر وماتتعب نفس الرجال

ليش تكنسلين سفرتج ووناستج عشانها ليش مفترضه مقدما انج ماراح تستانسين وتنكدين

بابيدج انج تستانسين وبايدج تنكدين عليج وعلى زوجج

وروحي واستاسنسي ولا تحاتين

 

[الرواسي]

حبيبتي لانها وأهلها امكدرين علي لانها ساكنين في بيتي في الدور الثاني

 

[نم نم]

اهو بصراحة شيء يضايق

والمشكلة انها بنت يعني 24 ساعة وياكم ... ؟؟؟

بس المشكلة وين بتنام ؟؟؟ ما تقدرون تخلونها بغرفة بروح وطبعا مو معقولة معاكم ؟؟؟؟ شلون ؟؟؟

الله يعين يارب

 

[OM-3ABADY]

الصراحه يا غرفه بروحها
ولا ما تسوى السفره

انا عيالي احجز لهم غرفه بروحهم (كونيكتيد) مع انهم صغار

شكوووووووو انا مسافره ويا ريلي وفي وحده نايمه بوسطنا ليششششششششششش
ما في احد بسافر في الصيف غيركم


بيني وبينج العذال وااايد
الله يعينج

 

[الرواسي]

الله يجزاكم الخير بس مثل ماقال انه في غرفه وانه واهوه في غرفه يمكن يقصد سويت غرفتين وجلسه اصغيره الله المستعان ادعولي خواتي الله يخليكم انها تكنسل واروح مع زوجي ابروحنه

 

[Be_Patchi]

:eh_s(14):

بنــــــت أخــــــــــــووووه

بجد بجد عييييييييييييييييييييييييييييييييييييييب وين أمهااااا

عيب عليها ترضي بجذي

ومستحيل طبعا تخلونهااا تنام بغرفـــة بروحهااا

تبين الصراحة صج ما تسوي السفــــــرة

يا يروح الواحد مرتاح والا بلااااااها

حاولي تفهمين زوجج شلون راح تاخذون راحتكم

شلون بتغيرون جو حياتكم

ووووين أبوهااا شكو يخليها

تروح معاكم

هذي يبي لها قعده مع الزوج ولمحي

له شلون هذي سفرة شهر عسل ثاني :33_1185028183:

وقولي شلون بتاخذين شغلج الخاص له (( أظن فاهمتني يا حلوة ))

حتي لو قبل سفرتكم سويهااا ولمحي

راح تدلعينه هناك أكثر وأكثر _03BA:

بس المصيبه والمشكله عديم الاحساس (( العزووووووووول ))

الله يعينج وعسي الله ييسر أموركم بدون دعله

نصيحة : اذا بتكون معاكم بنفس الغرفة الغي السفر أو أجلية

 

[زهره الريف]

ويييييييييييييييييييييييين امها صج ماتستحي وصج امها تبي تخرب عليج ولا جان امسكت بنتها وقالت لها انثبري شمحشرج مع الرجال ومرته