أرجوكم منو أحسن دكتور نفسي ؟؟

[دلوول 2006]

أرجو المساعده

عندي بنت مريضة وحيرتني بمرضها ما بين المشايخ ومستشفى الطب النفسي الي يخلي الصاحي مجنون

أرجوكم اللي تعرف دكتورة أو دكتور نفسي ثقة يقولي لأنه هذا الملجأ الأخير بالنسبة لي بحاول والشفا من الله سبحانه

وجزاكم الله ألف خير​

 

[حبيبته آنا]

دكتوره مريم باقر بمركز المشعان للاستشارات النفسيه

 

[دلوول 2006]

مشكوره وجزاج الله ألف خير

 

[بشتخته]

د. كاظم أبل
دكتور واستشاري نفسي

يمدحونه

 

[زمان الصمت]

إختي ودي بنتج مكتب الإنماء الاجتماعي التابع للديوان الأميري

يقدمون استشارات نفسيه مجانيه

 

[نووووونا]

للاسف ما عندى فكره !!!

الله يشفيهااااا يارب , حاولى تقرين انتى عليهاااااااا القراءن وتحاولين تطولين بالج معاهاا

واحتسبى الاجر ان شاءالله.......

 

[ذابحهم غروري]

حبيبتى دكتور عويد المشعان


دكتوره فاطمه العياد كلهم مكان واااااااااااااااحد بحولي


والله يشفي بنتج

 

[دلوول 2006]

يا بعد عمري ما قصرتو وعساكم على القوه بجد أثلجتم صدري وخففتو من همي جزاكم الله خير

 

[نورالدنيا***]

وديها العمرة وقعدوا شربوها ماي زمزم وادعوا لها وديها لمشايخ هناك

وتري الطب النفسي ماعندهم غير شزوفينيا كل الناس فيها وكل واحد ياهم قالوله حتي المسحور والمضرور وتري يعطونها علاج قوي تاكله مادري مانصحج تودينها

 

[نورالدنيا***]

وديها الحداد تري يعرف لها

 

[lolly]

وديها عيادة دكتور حسن الموسوي ..
احس انه الدكتور النفساني الوحيد تقريبا اللي مو متعقد !!!
عيادته في الجابرية يم ماكدونالدز

 

[ظمأ الوجدان]

ارقي عليها وديها مشايخ يقرون عليهاا وعسي اللة يشفيهااااا لج ويخليج لها

 

[دلوعة ديرتى]

ماعرف والله

 

["كتكوتة مضيعة بيتهم"]

دكتورة الطاف العيسى

بالشعب البحري

2636603

والله يشافيها ان شاء الله

 

[النويره]

كل الدكاتره اللي ذكروهم البنات استشاره مو علاج
العلاج دكتور عصام الانصاري بالشعب
اما الطب النفسي ما انصحج فيه دمار عسي ربي يكشف عقوها
ويمكن بنتج محتاجه رقيه
راسلني علي الخاص وراح ابعث لج المفيد بحول الله وقوته

 

[snow^white]

حبيبتي ياريت نتواصل بالخاص انا وياج وان شاء الله الله يشفيها ونلاقيلها حل