أريد نصيحتكم بلييييز؟؟؟؟

[ملكة الأحساآآآس]

السلام عليكم بنات...
أريد مشورتكم أنا قررت هالشهر ما أخذ أي علاج ولا أروح لأي عيادة قررت أرتاح هالشهر لان بصراحة نفسيتي تعبت م العلاج ثلاث سنوات بدون فايده ولا بعد وزني زاد كثير والكل لاحظ هالشي...:eh_s(16):
المهم قررنا هالشهر ناخذ علاج طبيعي وهو عبارة عن خلطة العسل أخذناها م محل عسل يمني عمل لنا الخلطة جدام عيونا وقال ناس كثير استفادوا منها وهي عبارة عن عسل وطلع النخيل وحبة البركه وغذاء ملكات بس عمل لي أنا خلطة ولزوجي خلطة ثانية .. أريد أعرف شو رايكم بهالخلطة وهل فيه أحد جربها م قبل واستفاد منها أو سمع عنها أي شي م قبل؟؟؟؟؟؟؟؟؟:eh_s(17):
أنا اليوم ثالث يوم دورة ومن أمس بديت أخذ الخلطة ع الريق وزوجي ياخذها قبل العشا..,,​

 

[ملكة الأحساآآآس]

وينكم ما فيه احد يرد علي

 

[emo2]

والله اسمع بنات كثير جربوا العسل ونفع معاهم بس بزيدك شغله مع العسل حاولي تشربين على طول بردقوش يعني اول ماتصحين كوب وبعد الغداء كوب واذا تنامين كوب رررره حلو بردقوش خالتي لها7 سنين ماحملت تقول اذا شربت بردقوش تحمل عالطول انا شربته مانفع حماتي شربته ومشاء الله جاب نتيجه معهم استخدميه يمكن ينفع معاج الله يرزقني ويرزققك يارب

 

[شافوك بحساسي]

حلو ااستمري عليها وانا بعد مثلج ثلاث سنوات
وانشالله بيرزقنا الله وخيره يارب


واستخدمي البرقدوش بعد اذا حابه ارسلج طريقتها عالخاص حيل يمدحونها تنشط المبايض وتنشط الحيوان المنوي عند الزوج

 

[بحرينيه كوول21]

هلا اختي عسى الله يرزقج يااارب
انه هالشهر بديت أخذ عسل مع طلع النخل
وزوجي بعد أخذ عسل بس مادري شنو معاه
وامترخت لان كان رحمي نازل
وعسى الله يرزقنا بالذريه يااارب

 

[برنسيسة2007]

ايه ياقلبي العسل زين
بس زياده اذا زوجج عنده ضعف عطيه مكسرات نيه علا طول بمخباته وخليه يحتجم

وهذا نسميه دواء رباني اكثر من انا نقوله طبيعي لان العسل والحجامه مذكوره بدينا
وملاحظه:الحجامه خلي زوجج يشتري الادوات بنفسه لاياخذ منهم حتى لو عقموها قدام عيونه ولاينسى ايضا شفرة الموس جديده من الكيس
ومووووووفقه

ايه ونسيت اقولج في هالشهر الجئوا لله قيام الليل والاستغفار وتصدقوا واقري سورة البقره
وبشرييينا

 

[ملكة الأحساآآآس]

حلو ااستمري عليها وانا بعد مثلج ثلاث سنوات
وانشالله بيرزقنا الله وخيره يارب


واستخدمي البرقدوش بعد اذا حابه ارسلج طريقتها عالخاص حيل يمدحونها تنشط المبايض وتنشط الحيوان المنوي عند الزوج

مشكورة ع مرورك فديتج
بس م وين أحصل البرقدوش؟؟؟؟
انتظر ردك رسليلي طريقتها ع الخاص

 

[عسل حدي]

حبيبتي ابي وصفة البرقدوش اذا ماعليج كلافه

 

[ملكة الأحساآآآس]

ايه ياقلبي العسل زين
بس زياده اذا زوجج عنده ضعف عطيه مكسرات نيه علا طول بمخباته وخليه يحتجم

وهذا نسميه دواء رباني اكثر من انا نقوله طبيعي لان العسل والحجامه مذكوره بدينا
وملاحظه:الحجامه خلي زوجج يشتري الادوات بنفسه لاياخذ منهم حتى لو عقموها قدام عيونه ولاينسى ايضا شفرة الموس جديده من الكيس
ومووووووفقه

ايه ونسيت اقولج في هالشهر الجئوا لله قيام الليل والاستغفار وتصدقوا واقري سورة البقره
وبشرييينا

مشكورة فديتج ع النصيحة بس زوجي ما عنده شي الحمد لله سليم .. وخلطة العسل اللي يستخدمها فيها مكسرات وحبة البركة وحاجات ثانية وما شاء الله أمس بعد ما أكلها بنص ساعة صار مثل الحصان هع أعتقد فهمتوا قصدي...اليمني خبرنا انها تزيد عدد الحيوانات المنوية وتقويها.. وإن شاء الله راح اسمع بنصيحتج واقرأالبقرة بعد ما أخلص م الدورة واصلي قيام الليل والله يرزقني ويرزقج يا رب آمييييين

 

[عسل حدي]

امين ويرزق كل وحده ماحملت للحين

 

[ملكة الأحساآآآس]

بس بنات بغيت اسألكم كم مرة أخذ خلطة العسل باليوم وأي وقت؟؟؟؟
اللي أخذت منه الخلطة قالي الصباح ع الريق ملعقتان صغيرتان

 

[عسل حدي]

انا اخذ عالريج وقبل الغدا بساعه وقبل العشا بساعه واذا نسيت وتغديت او تعشيت اخذ بعد الاكل بثلاث ساعات

 

[ملكة الأحساآآآس]

عسل حدي كم ملعقة تاخذي ع الريج وقبل الغدا وقبل العشا؟؟؟؟
وهل تاخذي الخلطة أيام الدورة؟؟

 

[عسل حدي]

وحده كبيره انا اخلطها ويا الماي واشربها لانه ماتنبلع كلها اعشاب ثقيله قبل كل وجبه بساعه

 

[روزباريس]

الله يرزقنا حتى قررت اني انو الشهر هذا ماروح دكتورتي صراحه طفشت والنفسيه زفت مررره بس بعد الدوره بشرب كف مريم وبردقوش والله يعين

 

[رقة ورد]

انا استخدم عسل الحبه السوداء مع غذاء ملكات النحل لاني دايم اسمع ان في ناس كثير فادتهم بس مومنتظمه عليها استخدميها الصباح على الريق

 

[ملكة الأحساآآآس]

انا استخدم عسل الحبه السوداء مع غذاء ملكات النحل لاني دايم اسمع ان في ناس كثير فادتهم بس مومنتظمه عليها استخدميها الصباح على الريق

فديتج أنا أخذ منها ملعقتين صغار ع الريق والخلطة عبارة عن عسل وحبة البركة وغذاء ملكات ومكسرات وطلع النخيل,,,,
الله يوفقنا يا رب

 

[عسل حدي]

اللهم اني اشهدك واشهد حملة عرشك وملائكتك
وجميع خلقك اني رضيت بك اله لا شريك لك
وان محمدا عبدك ورسولك
.
اللهم لك الحمد والشكر حتى ترضى
ولك الحمد والشكر اذا رضيت
ولك الحمد والشكر بعد الرضا
ما شاء الله تبارك الله