أستفسار عن sony erricson

[جنة الخلود]

السلام عليكم ورحمة الله وبركاته

حبيباتي أنا ودي أسال عن سوني أريكسون

أنا جربت سامسونج ونوكيا وحابة أغير وأجرب السوني

في موبايلين عاجبيني هما : w995 & c905

فحبيت أعرف منو أحسن

ومنو أوضح في التصوير يعني الكاميرا مثل موبايل n86 و n73

وحبيت أعرف أسعارهم الحين كم صارو ؟؟؟؟

ومشكورين لأني أبي أشتري موبايل هالشهر إنشاء الله​

 

[أم الكتاكيت]

c 905
انا عندي اياه من اول ما نزل يمكن الحين وصل 150 ك.د مو متأكدة
بس استعمالة حدددددددددددددة روعة و التصوير و لا اروع بدون حجي

انا ارشحة صراحة لأن اول مرة اخذ جهاز ما امل منه و لا حتى ودي اغيرة

 

[جنة الخلود]

مشكورة حبيبتي على الرد

وإنشاء الله أفكر آخذه لأن أهم شي عندي التصوير

إنزين أختي بالنسبة للصوت هل صوته عالي مثل نوكيا n86 & n73

يعني صوت الرنة أبيه حده عالي أسمعه بالزحمة وكل مكاااان

وبالنسبة للشحن هل يخلص بسرعة ؟؟؟

 

[هاجر الكويت]

انا مع ام الكتاكيت سعره الحين 145 خذيته امس والله طلبته وياني للبيت واستعماله روعه روعه

انصحج فيه ماراح تندمين وراح انتحسين فرق بينه وبين نوكيا مع اني كنت استعمل نوكيا قبل

وبحاول احط لج صوره من تصويره

 

[جنة الخلود]

مشكورة حبيبتي الله يعطيج ألف عااااافية

وأنا في إنتظار الصورة

 

[هاجر الكويت]

حبيبتي هذا من تصويره الكاميرا وكاميرته 8.1 بكسل عجيبه جنج شاريه كاميرا مو تلفون

بلإظافه اذا ماتبين ثمانيه بكسل في تحديدين خمسه بكسل او ثلاثه وجذي عرفتي يعني تحكمين بجوده الصوره

وماد

 

[هاجر الكويت]

هذي خلطه سويتها اليوم حق ويهي خلطة الحبه السودا



وهذا غداي اليوم ماسوينا غدا

وقولي لي رايج بجودة الصور اللي يسمع انا صانعه التلفون لوول

 

[هاجر الكويت]

وهذي صورته
حق اللي مايعرف شكله

 

[ام الثلاث اسوار]

طبعا 905 بلاااااااااااااااااااااااااااااااا منازع كامرته عوار قلب

 

[F.A]

أختى أنا شريته على أيام الغلا ب220
اهو روووووووووووعه شوي عليه وكامرته 8 ميغابيكسل نفس w995
بس بالنسبه للزوم السي905 أحسن
بس عيب السي905 ثقيل وأحس شكله رجالي بعته عشان جذيه
w995 حلو وأخف وزنه وبالصوت اهو أوضح لأنهو من فئه w
بس بالشكلw995 بناتى أكثر خاصة الحمر ونفس وضوح السي بالتصوير لأنهو 8 ميغابيكسل بس بالزوم السي أحسن
بس باجى المميزات نفس الشي وأنا بأخذلىw995 ان شاء الله
سعره بالبراكw995 =175 كفاله سنتين
بس اتحصلينه بره ب155

 

[جنة الخلود]

هاجر حبيبتي

مشكوووووووورة تعبتج معاي

وبالعافية الغدا

وفعلا تصويرة روووووعة

 

[جنة الخلود]

ام الثلاث اسوار

مشكووورة على الرد حبيبتي

f.a

الله يعطيج العافية على ردج

مشكورة على السعر والمعلومات

 

[جنة الخلود]

عزيزتي هاجر

سؤال أخير

c905 فيه كاميرا قدام ؟؟

 

[رشنا]

w959 بلا منازع خصوصا الي لونه ابيض صدفي مع الاحمر

شنو شكله كشخه ذرابه ومميزاته احسن من نوكيا

بس مستغربه شي انا شريته من شهرين 75 دينار

ليش الاخت ماخذته 175 جديد ومكفول من المستقبل سنه

بس انصحج فيه

 

[~>la3bet*_^kora<~]

سوني اريكسون أحسن جهاز من حيث الاستخدام قليل ما يعلق والبطاريه ما تخلص بسرعه نغس الباجي

 

[هاجر الكويت]

حاولت اسوي مكالمة فيديو بس ماتبطل إلا الكاميرا جدام اعتقد ماكو كاميرا جدام وهم دورت بالنت يقولون ماكو كككككاميرا والمربع الصغير اللي جدام هذا مو كاميرا يقولون هذا مال استشعار الضوء بس هم مايغني انه مو حلوو وايد حلوو هالجهاز

 

[جنة الخلود]

مشكورين على الرد

إي هاجر أنا شفت بالنت انه مافيه كاميرا أمامية

إنشاء الله راح أشتريه

 

[جنة الخلود]

w959 بلا منازع خصوصا الي لونه ابيض صدفي مع الاحمر

شنو شكله كشخه ذرابه ومميزاته احسن من نوكيا

بس مستغربه شي انا شريته من شهرين 75 دينار

ليش الاخت ماخذته 175 جديد ومكفول من المستقبل سنه

بس انصحج فيه

حبيبتي هي تتكلم عن w995 مو w959

 

[رشنا]

حبيبتي هي تتكلم عن w995 مو w959

سوري اقصد

995 هو نفسه مال نانسي بس لون ثاني

 

[جنة الخلود]

عادي حبيبتي ليش الأعتذار حصل خير