أسماء من وافق وعارض 'القروض'

[ام _خلودي]

يزاج الله الف خير

 

[alb7ranya17]

ماكو امل اصلا

 

[Dancing^Queen]

السلام عليكم ورحمه الله وبركاته
شدني النقاش بهالموضوع
وشدني اختلاف الاراء فيه
وحبيت اشاركم بطرح رأي واهو رأي شخصي يحتمل الصواب ويحتمل الخطأ لكنه يمثل قناعتي الشخصيه بالاضافه الي تعليقي علي بعض الردود

بصراحه انه مع عدم اسقاط !!ومع اسقاط الفوائد فقط!!

صج دولتنا الحمدلله بلد خير وغنيه وما عليها قاصر بس ما يصير يعيش طول عمره المواطن الكويتي جذي!!

يعني الواحد ما يصير يروح ويحط على نفسه قروض وديون وكل شوي سياره وكل شوي سفره وصرف وبذخ وعقب ما استانس وشبع ولعب

ولي صار عليه قرووووض يقعد وطاح الفاس بالراس وتعالي يا الحكوووومه دفعي عني!!


يدخلون البورصه واهم ما عندهم اي خلفيه ولا خبره ويقطون فلوسهم فيها ولي خسروا ولا انزلت البوووورصه يحاسبون الدوله

وتعالوا ساعدونا تعالوا دفعوا عنا!!! ماصارت دوله!!

يعني اقتصاد الدوله ميزانيتها ما فكرتوووووووا فيهم؟؟

يعني الحمدلله احنا عايشن احلى عيشه ومو قاصرنا شي والناس تحسدنا على الخير العز اللي احنا في والدوله ما قصر ت معانا بشي

بس ما يصير اسلوب الا مسئووليه والإستهتار اللي نعيشه!!

يعني بعضهم من سمع بسالفه اسقااااااط القروض على اوله ما بقى قرض ما خذاه ما بقى سياره ما شرااااها!!

وبعدين القضيه ما فيها مساواه بين الشعب يعني اللي عندهم قروض راح يستفيدون واللي ما عندهم!!؟؟

انه ما اقول ان ما في ناس فعلا مظلوووومه ومحتاجه مساعده وظروفها صعبه بس في طرق ثانيه نساعدهم فيها ونتبنى مشاكلهم وحلها

وبالنهايه احنا بدوله ديموقراطيه وكل واحد يقول رايه بحررررررريه والإختلاف بالراي لا يفسد للود قضيه

أأيدج انا مع تعديل القانون المطروح وعدم اسقاط القروض وحتا الفوائد عندي تحفظ علي مسئله اسقاطها تمام في افكار ثانيه ممكن تفيد اكثر من ان اسقط الفوائد مره وحده والسلام

كلنا مع عدم اسقاط القروض بس القانون شراء الفوايد اللي كسرت ظهور الناس البنك المركزي اهو اللي غلط لما فتح المجال وسوى تسهيلات وصار معاش الكويتي مايصفى منه دينار اشلون مايساعدونه واهما السبب في دماره ؟؟

عالاقل يشترون الفوايد ويسوون اعاده جدوله للقسط بحيث ان ماتتعدى 35% من الراتب مو الراتب كله طاير جذي حرام هم الناس تبي تربي عيالها تبي تاكل مايصير جذي.. وبطريقتهم هذي ماراح يبقى كويتي فبيته الكل بينسجن والسبب الديون والنتيجه والطامه الكبرى دمار على كل المستويات يكفي ان العايله تتفكك وان رب الاسره لما يكون بالسجن بنظركم حل؟

بالعكس لا اهو اللي دفع ولا اهو اللي ربى عياله

انا حيل متعاطفه مع هالفئه لان والله خراب بيوت اللي قاعد يصير

حاليا القسط لازم مايزيد عن نسبه 40% من اجمالي اراتب ويدخلون بحسبته الفيزا والكفالات الماليه واي التزام مالي عشان يحدون من الوضع اللي قاعد يتطور وعشان الراتب مايطير كلللللللللللللللله ويتقصص
يعني بدال لايسمحولي اقترض لين 35 % من الراتب + يعطوني فيزا لمتها الشئ الفلاني وتقص من راتبي ربعه او 15% يعني باطيب الحالات يصير قيمه الاستقطاعات من راتبي 50% + قسط سياره<<<<اهني الواحد مايعيش
الوضع الحالي ان ققيمه الاستقطاعات الاجماليه من ضمنها الفيزا وكل شي لازم مايتعدا 40% من اجمالي الراتب

اللي تقول كلنا مع عدم اسقاط القروض اقول لها منو انتم ....؟ تكلمني عن نفسج وبس ..

الكويت دايما ما تقصر مع دول الغير
سواء دول اسلاميه او غير اسلاميه

الحين كاسرين خاطرهم العراق ويبون يعمرونها ويطيحون الديون عنها
ورافضين يطيحون ديون الكويتين اللي اهي اقل بكثير من ديون العراق ؟؟؟

وبصراحه من بعد عينه امير القلوب الكويت ماهي مثل قبل

كل شي صاير للأسوء
اول شي البورصه طايحه
وانقطاع المياه
والغلاء المستمر
والكويت مو ناقصها شي ولله الحمد ديرة خير ونعمه
مافيها شي اذا اسقطوا الديون وخلوا الشعب يعيش مرفهه حاله حال غيره
صرحنا مثل عين عذاري تسقي البعيد وتخلي القريب..
وخيرنا لغيرنا ويليت الي نساعدهم حامدين ربهم إلا حاسدينا ومو عاجبهم لكن لو الخير لآهل البلد والمواطنين كان الخير بيزيد لآن شكثر مواطنين بحاجة لتحريرهم من قروضهم واكيد بيبين بعيونهم لانهم اهل خير ونعمة ، لكن الشكوى لله شنقول غير الله كريم انشالله وتتحقق الامنية باسقاط القروض .... والله يحفظ دولتنا الحبيبة

احترم رايج جدااا اختي ووانا بعد وياج قلبي محرووووووووووووووق علي هالبلد وعلي الوضع اللي وصلناله معدل التضخم وصل اقصاه البطاله شي موطبيعي من متا الكويتي يقعد بالسنه والسنتين والثلاث ابيتهم ينطر وظيفه!
واشوف فلوس ديرتي لتعمير دول ثانيه
بس بصراحه تبين الصج ، مسئله القروض المسهله والهبات وبناء دول ثانيه هذي شؤون خارجيه وسياسيه للدوله احنا نشوف ونسمع طرف واحد الا وهو الجانب الاعلامي للموضوع بس تبعاته مانعرفها
وليش انوهبت هالقروض
اعطيج مثال
الكويت تتبرع للسودان والخرافي بنالهم مطار
احنا تحلطمنا وذمينا وتحسرنا علي وضع ديرتنا ومطارنا وليش جذي
لكن بالمقابل عندنا اكتشافات بتروليه لبلوكات هناك حجمها كبييييييييييييييير وراح تفيدنا واااااايد وتردنا اللي دفعناه وزووود وجان دفعنالهم مره وحده هذا مصدر دخل مستمر لنا !
( لكن للاسف موقادرين نستخرج البترول لان الاوضاع السياسيه غير مستقره هناك )
يعني بنالهايه هذي سياسه دوليه خارجيه واهم ادرا فيها

ليش الحسد؟؟؟؟؟
في ناس وايد خذت قروض لانها محتاجه
وشنو فيها اذا بعضهم خذوها حق الكشه؟
يعني مايحقله الكويتي يكشخ؟
اصلن المفروض معاشاتنا الف وفوقها بعد
والله قهر
وذبحنا الحسد
حسبي الله ونعم الوكيل

بنات ان اشاء الله في امل يسقطون الفوائد

اختي الحبيبه سمحليلي اختلف وياج
الناس تاخذ قروض لان محتاجه اوكي
تاخذ قرض تبني بيت
تاخذ قرض علاج
اخذ قرض لالتزامات ماليه
او شي فعلا يحتم علي اني اخذه
يعني تاخذ قرض لضروره
بس مو ضروره اني اكشخ !
ليش احمل نفسي فوق طاقتها وبعدين ايي احاسب غيري علي هالمسئوليه
احنا شعب استهلاكي درجه اولي
وهالفئه اللي تشيرين لها لان خذت قرض تحسين وضع ومظهر اجتماعي بترد تاخذ قرض مره ثااااااااانيه لان ماتعلمت درسها
بدال لا اطيح فوائد القروض واعيد جدولتها
احط حد للموضوع بكبرررررررره
مو لاتكشخون
بس نكشخ بحدود
مو اطقلي قرض 24 الف اشتريل رينج وعليج حسبه فايده القرض اللي بتوصله لين مو اقل من 39 الف واخليه علي 15 سنه او 10 سنين
وعمر الرينج 5 سنين غير السيرفس غير وغير وغير
ولي ييت عقب خمس سينين عقب ماصارت سيارتي قديمه
واحتاج اصلح واجدد اتوهق
اراجع وضعي القا اني ماخلصت ربع الفايده ، وبما ان ماخذه قرض بمعدل فايده غير ثابت هالله هالله تلقين فوق المبلغ اللي اقترضته وفايدته مبلغ هالكبر علي قلبي
ودوامه ماطلع منها يمكن حتا عقب تقاعدي
ذيك الساعه شتغدت من رينج اللي كشخت فيه جم سنه؟

الممفروض القروض الاستهلاكيه تنضبط اكثر
لو بطلب تدخل من البنك اطلب منه تعديل الفايده المركبه
اطلب منه خفض معدل الفايده
اطلب منه حد القروض الاستهلاكيه بسقف اعلا ومعدل فايده ثابت وفتره زمنيه معقوله مو اخليه علي العشره والخمستعش سنه وبمعدل فايده متغير

قبل لانقول نواب باعونا وحسبي الله عليهم
خل نقرا لقانون اللي قاعدين يصوتون عليه ونعرف الهدف منه
وبدال لانعطي بنج مؤقت
نحل المشكله من جذرها
لاتخلونهم يلعبون علي مشاعركم
كلنا مقترضين ، انا وحده شاريه بيت وعلي قرض يعني بستفيد من القانون مو ماني مستفيده سواءا ان طيحو القرض ، او فايدته
بس للامانه
ابي اختي تستفيد
وبنتي تستفيد
وغيري يستفيد
ابي حل جذري وتعديل للوضع ، يهمني اقتصاد ديرتي ، ويهمني وضعها اكثر من فايدتي الشخصيه والدعايات الانتخابيه اللي قاعدين يعزفون علي الحانها البعض والمشاعر اللي قاعدين يستغلونها لصالحهم
بدال لا اقول طيحو قروض وطيحو وفاوايد ويحلها الف حلال
اقول صلحو قوانين واقتصاد بشكل جذري للكل وتدخل لصالح الكل مو لدور انعقاد واحد

 

[Stylista_Q8]

الحمدالله الله استجاب لدعوووتي

الحمدالله انهم ما طبقوا هالقراااار لنه صج مو عدل للشعب الكويتي ولا في مصلحته !!!

يعني شنو ذنب اللي ماعندهم قروووض ؟؟ مو حرااام

يعني واحد قرضه 2000 وناس150000 واثنينهم يطيحون قروضهم وين العدل ؟؟؟

يعني محد قالهم أخذوا قرض !!

وزين سوت رولا وربعها واوقفوا ضد هالقرااار

يعني اذا طيحوا الفوايد قلنـآا ايي عادي يمكن :rerrerek:

بس مو القروووض مرة وحده :eh_s(4): بالله عليكم شفتوا ديرة متطووورة تشتري قروض اهلهاااا ؟

مافيه !!! فلا تقعدون تقولون الكويت تعطي الغير ومايشنووو ماااااااااااله شغل

وايد دول يساعدوون دول ثانية بس ما يطيحون قروضهم بعد الديرة ما اجبرتكم انكم تاخذون هالقرض !!

والله يعين الجميـع

 

[Stylista_Q8]

داانسنق كوين


كلامج والله عييييييييييين العقـل !!

ومعاج بكل كلمـة قلتيهـآا واللي يقولون ليش الحسـد

يقولج مد ريوولك على قد الحااافك !! يعني مو ملزووم الواحد يكشخ اذا ما عنده

 

[غلا فهد]

لو الله يفكنا من حسد بعضنا بعض جان احنا بخير والله اني موماخذة قرض ليش الحقد ان ماكو عدالة هذا رزق لاخوانا وخواتنا اللي مفترضين والله يفرج كربتهم ويقضي عنهم الدين

 

[كشموووشه]

مشكوره

 

[المكسيكيه]

مانبي يطيحون القروض بس فوايدها

 

[Stylista_Q8]

لووول شكو الحسد بالسالفة ؟

احنا نطلع مصلحة البلد أولا واخيراً

وفي مرة سمعتوا دول امريكا .. اليابان.. بريطانيا ومن هالدول طيحوا قروض دولتهم ؟

ليش مواطنينهم ما قالوا حسد ما حسد !!!!

والله هالتفكير اهوه اللي مخرب هالديرة

 

[ii DareeN ii]

الموضوع اخذ حقة بالنقاش