- إنضم
- 9 أكتوبر 2007
- المشاركات
- 16,373
- مستوى التفاعل
- 0
- النقاط
- 0
السلام عليكم ورحمة الله وبركاته
هالوصفه انا سميتها "حلوو ضيف الغفله "من كثر ماهي سريعه وسهله وتنفع للضيوف اللي يتصلون يقولون لج احنا جايين بالطريج فتتوهقين وماتدرين شتقدمين لهم لأن ماعندج وقت تسويين شي تقدمينه ..وياما صارت معاي :eh_s(6):
ماعندي مقادير معينه ..انا اسويها بالعين (عينك ميزانك مثل مايقولون)
بس عشان خاطر المبتدئات في الطبخ بقدر لكم الكميه
أقول لكم المقادير:
1\2 كيس بلاليط عادي أو شعيريه مثل مايسمونها البعض
ملعقتين زبده + ملعقتين زيت نباتي
1\2 علبه كبيره حليب مركز او شوي أقل
1\2 كوب ماي ورد
1\2 ملعقه صغيره هيل مطحون
فستق للتزين
الطريقه :
1- يحمر البلاليط بالزبده والزيت الى ان يصير لونه ذهبي او بني فاتح مثل اللي في الصوره
2- يصب ماء الى ان يغمر البلاليط ويغلى لمدة 5 دقائق
3- يصفى من الماي الزائد ويصب عليه ماي بارد من الولف او الصنبور
4-يرجع الى القدر او المقلاه ويصب عليه الحليب المركز والهيل وماي الورد ويترك ليطهى قليلا
5- يقدم في صحن كبير او ملال صغيره (طاسات التقديم).
وبالهنا والعافيه عليكم
شفتو حلوو اسهل من جذيه ؟؟!!
أختكمـ
شهـوده
