أسوء وأحسن اداره مدرسيه (ابتدائي - متوسط - ثانوي)

[حـوريه]

بنات شخباركم الله يرضى عليكم بسأل عن مدرسه محمد بن عيسى الترمذي اللى بفهد الاحمد اللى تعرف عنها شيء تقولي الله يوفقها

 

[استثنائيه]

مشكوره tmtmt

واذا تقدرين بعد سألي عن قسم الاحياء والجيلوجيا ولا عليج امر ادري انه طلباتي وايد بس ماعرف احد ساكن بجنوب السره وبالمنتدى كله ابلات روضه وابتدائي

ومشكوره مقدما

بنات احد يعرف ثانويات جنوب السره

فاطمه الصرعاوي وحده من الوكيلات شديدات والناظره توها جديده ع النظاره وقسم العلوم حليو

وماريا حليوه

 

[speed]

سهله بنت سعد جنوب السره شرايكم فيها ؟؟؟

السلام عليكم ورحمة الله وبركاته


شرايكم ابلات في هل مدرسه زينه و لا لآلآ ؟ سامعين فيها شنو الوضع هناك واي معلومات عنها ياريت اعرف :eh_s(1):

شكرا .

 

[الشمس1]

والله مادري عن المدارس الي سألتوني عنها لاني ناقله من مبارك الكبير للأحمدي .....الي تبي اتعرف عن مدارس المتوسط بمبارك الكبير يمكن أقدر أفيدكم...

بس أبي وحده اتعرف مدرسة (أنيسة بنت خبيب) الي بالفنطاس ....

 

[miss_avocado]

رد: سهله بنت سعد جنوب السره شرايكم فيها ؟؟؟

انا دوامت فيها كورس كنت ميداني حلوه المدرسه بس يقولون الناظره تبي شغل شغل عدل على مستوى بالنسبه لي كنت ميداني فما احتكيت فيها وااايد بس من اللي شفته فعلا كله عندهم ورش و احتفالات و شغل لي الراس يعني باختصار المدرسه حيويه حييييييل
و الوكيله بصراحه وحده حلييييييييييييييييييييييييييييييوه كله مبتسمه يامال العافيه ما سمعت حسها كلش تهبل و الله حبيتها و الثانيه الحمدلله و الشكر مابي اقول عنها شي لا اخذ سيئات
و البنات بصراحه حيييييل مؤدبات و خلوقات ماعدا صف واحد بثامن قطع يلوعوون الجبد
بالنسبه للأقسام احسهم حييل متعاونين عندج العربي خوش ابلات و العلوم بعد يهبلون صج صج صج روعه قسم العلوم و الله تحسينهم على قلب واحد و حتى الحاسوب حليوين و الباجي ماعرف عنهم شي لان ما احتكيت فيهم وطبعا انا اقتصاد منزلي و قسم الاقتصاد الله يستر عليه و يزاهم الله خير .

 

[hot caramel]

رد: سهله بنت سعد جنوب السره شرايكم فيها ؟؟؟

الناظـره xxxxxxxxxxxxxxxxxxx نسيت والله شينقال لها ؟

ذهبه مشاالله عليها وويها دووووم مبتسم

متواضعه وماهي شديده

بإختصار ماجنها ناظره

والدنيا عندهم سايبه

خري مري

ولكن المدرسه يديده فيبون يثبتون وجودهم بالتالي يسوون فيها مسابقات و اولمبياد وهالسوالف

فينكرفون الابلات شوي

ومن ناحيه البنيان نفس ماقلت المدرسه يديده

تكون بلوكات كل مرحله لها بلوك خاص فيها

وتكون دورين

وفيها بلوك فوق خاص للإداره مع الاصنصير

وسستم الac سنتـرال

وموفجه يابعد قلبي

نصيحه من اخت تحبج وتخاف عليج عمري لوتنطبج السما عالارض لاتتوظفين بمدرسه فاطمه بنت اليمان

الي هيه يم سهله بس حق قطع غير

الله لايوريج الناظره xxxxxxxxxxxxxxxxxxx مسكينه مومصدقه على الله صارت ناظره !

وحاطه حيلها بالابلات والطالبات

وايد اسلوبها منحط ووضيع وقحه و لو كلاس

والوكيله xxxxxxxxxxxxxxx استغفرالله مو كفو تاخذين عليهم اثم

الوكيله هذي اروف بكل ما من معنى للكلمه

والوكيله المساعده الثانيه بس لاهيه تلقط بالفلوس من المقصف ومادري وين

ينقالج دينه

استغفرالله واتوب اليه

يارب تسامحني ومابنيتي الااني اساعد اوخيتي

اتمنى لج كل خير وسهاله بدربج يابعد روحي


يمنع ذكر الاسماء على العام

الرجاء الالتزام بالقوانين

مشرفة القسم *ضجاوي*

 

[ككاو بونجوم]

كويتيات بعد عمري اللي تعرف عن مدرسة محمد الزامل بنين بالمنقف تقولي شلون ناظرتها ووكيلاتها وجو المدرسه بشكل عام وقسم اللغة العربيه بشكل خاص

يمدحونها وايد من ناحية الاداره الله يهنيج فيها حبيبتي

 

[تاج على الراس]

مدارس المتوسطة بنات في منطقة عبدالله المبارك ((غرب الجليب))

السلام عليكم حبوبات كويتيات شقردياات:
أنا صارت لي مشاكل وضغوطات نفسية الله العالم فيها بمدرستي ،
وقسمي ودووه للشئون القانونية والسبب هبال ووسواس والظنون السيئة من رئيسة القسم المعقدة الجديدة ،مع العلم إن قسمي من أروع مايكون أيام رئيسة القسم السابقة .
المهم والزبدة أنا كرهت القسم والمدرسة وحتى شارعها يبا حتى المنطقة بكبرها !!!
وودي بالفكة وأروح مدارس عبدالله المبارك إما ((العبدلية - أو -المرقاب))
بس ما أدري أي الأحسن من حيث الإدارة ؟ الوكيلات والناظرة؟ قسم العربي رئيسته ومدرساته؟

بلييييييييز كويتيات اللي يعرفون هالمدارس يفيدوني لأني حدي متضايقة مع إني أدري إن باب النقل مسكر بس بحاول وكلش كلش انتداب.

 

[tmtmt]

رد: سهله بنت سعد جنوب السره شرايكم فيها ؟؟؟

ياقلبي انا مدرسه اب سهله عن اي قسم حابه تسالين وانا حاااضر

الي تقول المدرسه خري مري غلطااااااااانه لا والله فيها نظااااااااااااااام والناظره نظاميه وااايد ...

بقولج بشكل عام واذا حابه قسم معين سألي ...

- الناظره تهبل احسن من غيرها وتقدر الظروف بس صح تمووووووووووت على الشغل ودها المدرسه تطلع متميزه بس ما تظلم حقانيه .

- الوكيلات ( ضحكتيني افوكادو عرفت عن منو تتكلمين بس فكرتج عنها غلط )
ثنتيهم يهبلووون بس الاولى صح كله تمشي وتصرخ على الطالبات وصايره المفتش كونان بس من داخل لا والله طيبه وتحبنا كلنا .. الله يذكرها بالخير
والثانيه .. ما شاءالله تبارك الرحمن طيبه وعلى نياتها .

- الاقسام كلهم يهبلون ما كو في بالي قسم اقولج مو زين لا والله ...

- الطابات ... في الزين وفي الشيطان بس الاكثر الزينين .. وصح الشياطين على حظنا يتيمعون بصف وحد السنه الي طافت كان بسابع طلعوا قرون الابلات الكل يشتكي منهم بس انا كنت احبهم .. هالسنه كان ثامن .. بس شطانه مو قلة ادب

- الاستئذان يخلونج تستأذين واذا زدتي عن 3 ساعات المسموحه يحسبولج ياها من الاستئذا الثاني .

وحاضر لاي استفساااااااااار

 

[احلى عروووس]

ششلونكم بنات

شرايكم بمدرسه معاذه العدويه بصباح السالم ؟؟؟؟؟؟؟؟؟


وبالاخص قسم الاجتماعيات

جم ابله؟

 

[يارا 2]

بنات واللي يعافيكم ساعدوني ودوني مدرسة ابن حجر العسقلاني اللي بالرقه وانا جديده ماعرف شلونها من مدرسه وصج ناظرتهم شديده وتزف وقسم العلوم واهم شي الاداره تكفون لاتخلوني

 

[يا ليل مطولك]

ششلونكم بنات

شرايكم بمدرسه معاذه العدويه بصباح السالم ؟؟؟؟؟؟؟؟؟


وبالاخص قسم الاجتماعيات

جم ابله؟

هلا حبيبتي والله اللي سمعته انهم ما يمدحون الاداره بس جان تغيرت الاداره الله اعلم

بس ليش مارحتي بركه او نفيسه حيييييييييييل يمدحونهم؟؟

انتي تعيين جديد ؟؟؟؟

 

[حـوريه]

صباح الخير

بنات ابي اعرف اي شيء عن مدرسه
(( محمد بن عيسى الترمذي ))

في فهد الاحمد

ضروري بنات :e3::e3:

 

[يارا 2]

صباح الخير

بنات ابي اعرف اي شيء عن مدرسه
(( محمد بن عيسى الترمذي ))

في فهد الاحمد

ضروري بنات :e3::e3:

انا بصراحه كنت ناويه اروح لها بس سألت قالولي ناظرتهم موشي وفيه عندهم رئيسة قسم متهاوشه معاها واصله السالفه للمراقب والحين انتقلت رئيسة القسم

 

[يارا 2]

بنات ناطرتكم اللي عندها اي فكره عن مدرسة ابن حجرالعسقلاني ترد على والله لادعيلها من قلب

 

[حـوريه]

مشكوره يارا2

بس منو ناظرتهم ؟؟

ومنو الوكيلات ؟؟

واي ماده ادرسين ؟؟

وربي احاتي ... طمنيني عن قسم اللغه العربيه

 

[عباير]

بنات شرايكم بهالمدارس


ريحانه

نوره راشد السيف

ابو حليفه مشتركه
اي حسن وحده ؟؟؟

كلمه ولو جبر خاطر بنات شدعوه :0bee2e8d89:

 

[حـوريه]

عباير

انا اسمع ان نوره راشد السيف خوش مدرسه

بس انا شخصيا ما اعرف عنها اي شيء

اما ابو حليقه مشتركه زحمه وضغط ..

حاولت افيدج باللي اعرفه

 

[رووووعه]

السلام عليكم ورحمة الله

شخباركم بنات ...

بنات حبايب قلبي ... وعيوني .....

شرايكم بمدرسة الرقه الإبتدائيه بنات ؟؟؟ قطعه 2

حطوني فيها ... وابي شوركم !!!!

 

[يا ليل مطولك]

روووووووووعه

انتي تعيين جديد ؟؟؟