أشعـــــــــة الصبغـــــــة؟؟ ماهي فوائدها؟؟؟؟؟؟فيدوني؟

[F O O S H I A]

السلام عليكـــــــــــم ... شخباركـــــــــــم صبايا..

مشكلتي .. طرحت .. وبعدها صارلي سنه ماحملت ...خذيت كلوميد شهرين ..وقالت دكتورتي اذا مافي نتيجه ..اسويلج اشعة الصبغة...............والحمدالله التحاليل كلها زينه ... ودي اسويها بس خايفه انها تضر ما تنفع؟؟شرايكم؟أسويهاا؟؟محتارة

حبيــــــــــــت أعــــــــرف فوائد أشعــة الصبغــــة؟؟ من فيكم جربتها؟؟

واستفادة.منها وربي يرزقكم يارب بلذرية الصالحه..

 

[ماي الورد]

الله يرزقج في القريب العاجل

انا جربتها صحيح مؤلمة اشوي لكن فؤائدها يشوفون لو عندج التصاقات في الانابيب ويحاولون يفكونها لج بالاشعة ووايد حملوا من بعدها لانها توسا الالتصاقات وانشاء الله ما يكون فيج شي

 

[shjoonaa]

انا سويتها عشان يشوفون اذا في انسداد في الانابيب ولا لأ ووايد ناس سمعت احملوا بعدها

 

[Nokia N95]

البنات اللي سووها .... جم كلفتكم ؟ ووين سويتوها ؟ وشلون العوار ؟

 

[shjoonaa]

انا سويتها بمستشفى الصباح الصراحه تعور

 

[WaChoCha]

حبيبتي اشعة الصبغة فايدتها انها تشخص الرحم والانابيب واذا كانت الانابيب مسكرة تفتحهم ...يعني على قولة الطبيب تشخيصية وعلاجية
انا سويتها قبل 3 اسابيع بدار البراء ب 60 دينار وبدون بنج ..والمها بسيط مثل الم الدورة

 

[ماي الورد]

انا سويتها عند حازم الرميح بعيادته الشعب التخصصي

 

[F O O S H I A]

بعد عمري ..على ردودكم ريحتوني وانشاءالله اسويها واعلمكم النتايج


ربي يرزقنا يارب العالمين

 

[F O O S H I A]

ويــــــــــــــــــــن أحســــــــــــــــن مكان اسويها حدي خايفه ؟؟؟؟؟؟؟؟؟؟؟؟؟

 

[سعودية غير شكل]

مثل ماقالو خواتي عن فوائدها بالضبط كلامهم صح انا بعد سويتها والحمدلله كل شي كان سليم بس إلا الأن ماكتبلي الله اني احمل وسويتها في الاردن بـ 300 ريال بصراحة انتو غالين ليه بـ 600 دينار

 

[سعودية غير شكل]

عفواً اختي مانتبهت على بالي 600 طلع 60 اتأسف منك

 

[F O O S H I A]

ربي يرزقنا جميعا يارب

 

[um 3li]

حبيبتي انا جذي تأخرت بالحمال من بعد ولدي
الدكتورة قالتلي اسويها
سويتها بالمواساة شهر 11-2007
سويتها مع بنج كامل وما حسيت بشي .. فايدتها انها تتنظف القنوات من الافرازات والتليفات والالتصاقات
ويشوفون اذا في مشكله بقناة فالوب او لأ وبس ما تطول ومتاخذ الا دقايق ونفس اليوم تطلعين من المستشفى
وتساعد على الحمل
وانا بحمدالله حملت بنفس الشهر
واعرف جم وحده جذي بعد سووها وحملوا على طول
الفال لج يارب

 

[الحلوه الأموره]

اشعه الصبغه الرحميه ... Hysterosalpingography
هى عباره عن صبغه يتم حقنها من خلال عنق الرحم بحيث يتم دخول الصبغه الى التجويف الرحمى وقناتى فالوب

اذا كانت القناتين سليمتين فسيتم ظهورهما عن طريق التصوير التلفزيونى للصبغه
اهميه اشعة الصبغه واستخداماتها
تعتبر من اهم الفحوصات والاشعات اللازمه لمعرفه سبب العقم وتأخر الحمل

1 - معرفه مدى سلامه الرحم وخلوه من الاتصاقات
2 - خلو الرحم من الاورام
3 - خلو الرحم من العيوب
4 - تشخيص انسداد قناتى فالوب
5 - معرفه مكان الانسداد بدقه
6 - لها دور علاجى بنسبه 30% فى بعض حالات الانسدا فى قناتى فالوب

خطوات عمل اشعة الصبغه
1
- تنام المريضه على ظهرها فى نفس وضع الولاده او ممكن وضع اخر يحدده الطبيب
2 - يتم تعقيم المنطقه جيدا وتعقيم الادوات جيدا جدااااا
3 - موعد عمل الاشعه بعد الدوره وقبل التبويض
يعنى بعد 4 - 7 يوم بعد الدوره
4 - يقوم الطبيب بعمل فحص للمريضه لمعرفه اذا كانت تعانى من التهابات فى الرحم ولابد ان يأخذ الطبيب فى الاعتبار اثناء الفحص واحساس المريضه بالم اثناء الضغط على بطنها فى الفحص من الممكن ان يكون دليل على وجود التهاب صامت
5 - يتم فتح المهبل باداه خاصه cusco's speculum
6 - يتم ابعاد وتثبيت الجزء الامامى من عنق الرحم وتعقيمه جيداااا
7 - عمل قياسات للرحم طوله واتجاهه
8 - يتم حقن الماده الصبغيه باداه مخصصه فى عنق الرحم 5 - 10 سم مكعب من الصبغه ثم ملاحظتها اثناء دخولها عن طريق تصوريها بالتلفزيون
9 - يتم تخذ صورتين او فيلمين

الاول:::..
مباشره عند الانتهاء من حقن الصبغه او اثناء حقنها
الاخر:::..
بعد نصف ساعه من حقن الصبغه او بعد يوم كامل على حسب نوع الصبغه

انواع الصبغه>>>زيتيه ومائيه

من الممكن اخذ صوره جانبيه للرحم وتصويره ايضاااا

وهذى صوره للرحم الطبيعى وقناتى فالوب طبيعيتين عن طريق اشعه الصبغه
Press here

10 - لا تحتاج المريضه لحجزها بالمستشفى ولا اى شئ فقط تستريح قليلا بضع دقائق بعد عمل الاشعه
والطبيعى انها بعد هذى الاشعه ماتحس باى شئ سوى بعض الاضطرابات الخفيفه والشعور بقلق فى الرحم
وبعض الالم البسيط

مضاعفات الاشعه بالصبغه........

1- اذا كان فيه التهابات من الممكن ان ينتشر الالتهاب ويزيد
2 - حساسيه لماده الصبغه<<< اصبحت نادره الان
3 - حدوث جلطات من الصبغه لكن الان انواع الصبغه اصبحت آمنه
4 - تداخل الاشعه مع حمل موجود اذا لم يتأكد الطبيب من عدم وجود حمل قبل عمل الاشعه
5 - فى حالات نادره حدوث الم وقئ
6 - حدوث تمزقات بالرحم وعنق الرحم
7 - نادره ما يحدث تمزق للرحم اثناء اخذ قياساته اذا كان الطبيب غير متمرس

فى النهايه احب اقول ان اشعه الصبغه مافى معها اى الم وآمنه جدااا

واتمنى يكون الموضوع افدكم

مـــــــــــنـــــقـــــــول


هذا اللي حصلته ، والله يوفقج ويارب يكون مافيج أي شي وتحملين وتيبين بيبي كتكوت يااااااااااااااااااااااارب
​

 

[F O O S H I A]

بعد عمري مشكورين بنات .... ومشكوره الغاليه الحلوه الاموره

كفيتي وفيتي وايد ريحتيني ..عطيتيني الموضوع بالتفصيل ربي يريح بالج ويتم حملج يارب العالمين ضروري الراحه ...

وربي يكتب لنا اللي فيه الخير...................

 

[كويتيه مذهله 87]

انا سويتها بمصر ب 12 دينار تذببببببببببببببببببببببببببببببببح ما ابي اخرعج

بس صج تعور انا تعورت وااايد يمكنجسم عنجسميختلف

وعلي قوله ريلي يمكن المصااروه دفااشه خخخخخخخخخخخخخخخخخخخخخخخخخخ

 

[عروسه 99]

الله يرزقج انشالله يا فوشيا

 

[F O O S H I A]

يارب يا عروسه انا معاج بنفس الشهر يــــــــــــــــــــــارب


بارب العالمين ويرزقنا جميعا التوأم كاملين
الخلقه والخلق يارب ربي هب لي من لدنك ذرية طيبه..انك سميع الدعاء

 

[نف نف22]

صح مثل ماقالولج البنات لمعرفه قناة فالوب مفتوحه ولا لا تعور شويه مو وووايد لا تحاتين وسويها انا سويتها عند دكتوره امل عبدالعزيز وكلفتني 60

 

[شوشوكوكو]

انا سويتهاعند عالية الفضلي بـ 45 دينار
كلها 10 دقايق وخلالالالاص
انا حسيت بشويه عوار بس وهي عباره عن صبغه يحقننونها عشان يتأكدون ان الانابيب مفتوحه وتبين بالاشعه
الدكتوره قالتلي اللي تعورهم اما يكون عندهم التصاق بالانابيب هذا يبين بالاشعه اما يكون فيه سدد بسيط من الافرازات والدم متجمع وينفتح ويحسون بعوار بس ما يبين بالاشعه
سوييها وتوكلي على الله خصوصا اذا كانت تحاليلك كلها سليمه للتأكد
واهم شي لاتخافين وتشدين جسمك خليك ريلاكس وانشالله ماتحسين بعوار