السلام عليكم ورحمة الله وبركاته
حبيت اطرح مشكلتي لعلي اجد حل لها عندكم يابنات انا فتاه عمري 29 الحمدلله ملتزمة من بلغت وانا ماتركت فرض من فروضي ولله الحمد والمنة الكل يشهد باخلاقي لكن صايره معي مشكله بحياتي ومشكله كبيره بعد. لما كان عمري 17 سنه كنت جالسه بغرفتيي أذاكر دروسي كان الساعه حوالي 1 بالليل دخل علي عمي (علما بأننا كلنا كنا في بيت واحد بيت جدي الله يرحمه) وقالي راسي يعورني عندج بنادول عطيته قالي روحي جييبي لي كاس ماء ابي اشرب الحبه رحت اول مارجعت دخلت الغرفه ماشفته اختبى وراء الباب واول مادخلت سكر الباب واعتدى علي يابنات اكتب لكم وردمعتي على خدي وتدرون شو قالي بعد قالي انا احبج واموت فيج قلتله حرام عليك انا بنت اخوك قالي ياليت ماكنتي بنت اخوي لاني احبج وابي اتزوجك ومن يومها حياتي تدمرت للعلم هو يشرب وراعي خرابيط واحنا ماكنا نعرف بس واحد من أعمامي اللي يعرف وساكت عنه ا.أنا هملت دراستي وكل احلامي ضاعت ومااخبرت اي حد لاني خفت وماحد كان بيصدقني ابد ومن يومها وانا اعيش كوابيس رسبت في دراستي بعد ماكنت اطلع دايما بالمركز الاول قتلني الله يقتله . تقدموا لي احسن الناس لان سمعتي نظيفه والله ان كل وحده تشوفني وتشوف التزامي تتمناني حق ولدها وانا ارفض لاني خايفه ينفضح امري والله ان مالي ذنب باللي صار ابد وهو عايش حياته ولاكأنه شي صار وأنا عايشه في هم مايعلم به غير رب العالمين والله يابنات اني حاولت الانتحار بس خوفي من ربي خلاني اتراجع في اخر لحظة.والحين تقدم لي واحد من الاهل وابوي وافق لاني دايم ارفض وخايفه مااعرف ايش اسوي يابنات والله حياتي صايره جحيم ابي منكم يابنات تنصحوني شنو اسوي وابيكم تدعون لي جزاكم الله كل خير
