أشياء طبيعية للتبويض…وتجربتي الشخصية

[قشطة بعسل]

السلام عليكم*
شلونكم ياحلوووووووين*
وانا احوس بالنت كالعادة جمعت كذا اشياء طبيعيه تساعد بتكوين بويضه جيده لتلقيح ف حبيت الكل يستفيد إن شاءالله(قبل سنتين )
وحفظته عندي واليوم كتب الله وتذكرته ف حبيت أنقله لكم*
أول شي أشياء تساعد عل زيادة الافرازات وقت التبويض وتعرفون اهيه مهمه عشان الحيوانات المنويه تعيش اكثر وتساعد عل حركتها وسهولة وصولها للبويضه :

-زهرة المساء*Evening Primrose
ومقدار الجرعه من 1000 الى 1500 في اليوم وتنخذ من بداية الدورة اللين يوم التبويض بس.

- ارجنين *L Arginine amino acid
ومقدار الجرعه 500 في اليوم اللين يوم التبويض بس. حبه وحده بس فاليوم.
** طبعا تاخذون نوع واحد من هل حبوب مو كلهم.

- شرب من كوب اللين كوبين من *شاي الأخضر*من أول يوم في الدورة اللين اليوم التبويض بس.

-شرب 8 أكواب من الماي في اليوم .
..............................................
أشياء طبيعيه تساعد عل أنتاج بويضه جيدة للتلقيح :

- فيتامين إي*Vitamin E*
مقدار الجرعة 1000 من أول يوم الدورة اللين يوم التبويض بس.حبه وحده بس فاليوم.

-رويال جيلي*Royal Jelly
مقدار الجرعه 1000 من أول يوم الدورة اللين يوم التبويض بس.(اللي عندها حساسيه من العسل لا تاخذه ).حبه وحده بس فاليوم.

-ماكا*Maca نبات الفجل*
مقدار الجرعه 1000 من أول يوم اللين يوم التبويض بس.حبه وحده بس فاليوم.
**طبعا تاخذون نوعين بس من هل الحبوب مو كلهم.
**جميع هذي الاشياء تساعد عل توازن الهرمونات وانتاج بويضه جيده*

تحصلون كل هذي الحبوب بمحل بيع الفيتامينات او بعض الصيدلايات*
............................................
جربت عشبة المدينة بعد كوب الصبح وكوب المساء من ثاني يوم *الدورة اللين يوم التبويض بس*
………………………………
تجربتي قبل طبعا جربتها بحملي اللي طاف
طبعا حاولة احمل من غير شي لكذا شهر بس ماصار حمل…فرحت لدكتورة قالت لي الدوره اليايه بعطيج كلوميد ونزلة الدورة وقلت خليني هل مره اشيك يوم التبويض عند الدكتورة قالت لي عندج بويضه وحده وقياسها أوكي …بس الله ماكتب وما صار حمل…بعدها شفت هذي الاشياء وجربت منها :
-فيتامين E الصبح بعد الريوق.
-رويال جيلي العصر كنت اخذها
-زهرة المساء قبل النوم اخذها
-وأشرب شاي أخضر*
-عشبة المدينة كوب الصبح وكوب المساء
والحمدلله كتب لي الله وحملت*
حبيت أنقل لكم تجربتي الشخصيه
عسى ربي يرزق الجميع بذرية الصالحه والخلقه التامه عاجل غير إجل إن شاءالله تعالى
طبعا تجربتي كانت قبل سنتين*
وراح ارجع أجربها مره ثانيه والله يكتب اللي فيه الخير إن شاءالله…
الموضوع من مجهودي الشخصي*
اتنمنى اللي تنقله تذكر المصدر
والله يوفق الجميع إن شاءالله

** اذا حسيتوا صداع او اي شي مو طبيعي لا تكملون لان كل جسم سبحان الله يختلف عن الثاني
انا جربتهم والحمدلله ماحسيت شي ختلف علي فكملت عليهم والله اكرمني وحملت

 

[orchidia]

طيب حبيبتي زهرة المساء ورويال جيلي أو مرة أسمع عنهم ممكن توضحين أكثر

ومشكورة حبيبتي والله يرزقج بالحمل السليم الثابت يآرب

 

[دلوعةعبودي]

الله يسسعدك حبيبتي

ينفع اجرربها مع خلطة الرويس لاني نويت هالشهر ان شالله اسويهاا


يارب احمل هالشهر

 

[قشطة بعسل]

الله يرزق الجميع إن شاءالله يارب


العفووووو
هذيل حبوب ينخذن من الصيدليه او محل اللي يبيع فيتامينات
رويال جيلي غذاء ملكة النحل تساعد ع انتاج بويضه جيده للتلقيح
وزهرة المساء زيت زهره تساعد عل تعديل الهرمونات النسائيه فالجسم وتزيد من الافرزات ايام التبويض

رويال جيلي …صورة
http://lauraburciaga.com/wp-content/uploads/2010/12/royal-jelly.jpg

وزهرة المساء…صورة
http://images.netrition.com/images/id_watermark_jpg/153-0066.jpg
…………
ماعرف اختي الخلطه…ولا اعرف اذا اوكي تاخذينها وياهم او لا*

 

[ABEER FLOWER]

مـشكوره

وربي يرزق المحرومات بالذرية الصالحه المعافاه

: )

 

[فدوووو]

يعطيك العافيه بس سؤال تاخذينهم يوميا والا وقت الدورة بس؟

ودي اخذهم قبل لاتجيني الدورة الشهر هذا واحمل باذن الله

علما ان ماعندي اي مشاكل

 

[قشطة بعسل]

العفوووووو

لا اختي بس أيام الدورة من اول يوم اللين يوم التبويض بس
لانه مو اوكي تاخذينهم قبل ايام الدورة لانه ممكن يكون فيه احتمال يكون فيه حمل
هو ممن ينخذن شهر او شهرين او ثلاثه اذا الوحده تقدر تضمن انه مايكون حمل طول الفترة هذي عشان يعطن نتيجه اقوى للي عندهم ضعف في التبويض
لانه اذا انخذن وحتمال فيه حمل راح يأثر ع البيبي …فالاحسن بأيام الدورة بس

والله يرزق الجميع بذريه الصالحه والخلقه التامه إن شاءالله

 

[خاشعة للرحمن]

أنزين أختي عادي ثالث يوم الدورة اليوم ثالث يوم وأنا أخذ كلوميد
عادي أخذهم معاها ولا لاا وأنا أكل عسل معجزات الشفاء
ردي علي الله يجزاج خير يأختي ويرزقج ربي

 

[قشطة بعسل]

دامج تاخذين كلوميد الاحسن ماتاخذينهم
ماعرف اذا اوكي او لا تاخذينهم مع الكلوميد

الله يرزق الجميع إن شاءالله

 

[شنوووفه]

مشكووره حبيبتي وربي يرزقج :>

 

[الريشة]

مشكورة وايد
أنا كنت منزلة موضوع عن الفيتامينات و الأعشاب اللي تقوي الخصوبة
و تقريباً فيه معلومات نفس اللي انتي ذاكرتهم.
بس يقولون إن عشبة المدينة مو زينة حق اللي دورتها خفيفة لأنها تنظف الرحم.
=================================================
لقيت هالموضوع عن زهرة المساء...... تفضلوا:
الشكل الصيدلاني :كبسولات تحتوي على زيت زهرة الربيع المسائية (Evening primrose Oil )

الاسم التجاري :يباع حول العالم تحت نفس الاسم أي زيت زهرة الربيع المسائية (Evening primrose Oil ) .

استخدامات الزيت :
- في معالجة الروماتيزم و التهاب المفاصل .
- لمعالجة الأكزيما
- التهاب جهاز التنفسي تحسسي المنشأ .
- للتخلص من تناذر ما قبل الدورة الشهرية .
- ضعف جنسي عند كلى الزوجين . (عند الرجال و النساء )
- لتخفيف الوزن
- مساعد في معالجة التصلب اللويحي ( Sclerosis multiple) حيث يعمل على إبطاء أو الحد من انتشار المرض .
- لمعالجة بعض الأمراض النفسية .
- لمعالجة قرحة المعدة و اثنا عشر
- يعالج تصلب الشرايين وذالك عن طريق تخفيض نسبة الكولسترول و الشحوم في الدم .
- مكمل غذائي يحتوي على فيتامين E وأحماض امينيه .
- يصفي البشره وينعمها .
- يهدئ الأعصاب .
- يزيل اعراض سن الياس وانقطاع الدورة فهو منظم للهرمونات .

مضادات الاستطباب :
يجب استشار ة الطبيب قبل استعمال هذا الدواء في الحالات التالية :
- مرض الصرع
- داء الفصام (schizophrenia )
- إذا كان المريض يتناول (phenothiazines )
- إذا كان المريض يتناول مضادات التخثر (Aspirin , warfarin ) نظرا لقدرة الزيت على مقاومة التجلط .
- إذا كان المريض يستخدم الإستروجين أو أي علاج هرموني آخر ( لأن الزيت قد يعمل كإستروجين طبيعي ) .
- الحمل أو الرغبة في الحمل .

طريقة حفظ الزيت : أذا كان الزيت في عبوات فيجب بعد فتح العبوة حفظ الزيت في البراد .

 

[قشطة بعسل]

العفو
ومشكووووووره الله يعطيج العافيه يارب

صح اذكر كذا وحده استخدمتها وخفت عنها الدوره
انا ع ما اذكر خفت علي بس كملت عادي اهيه مره استخدمتها بس
المره هذي ما راح استخدمها بس الحبوب اللي كتبتهم وراح ازيد عليهم كذا شغله واشوف

والله يرزق الجميع إن شاءالله

 

[بياض]

حبيبتي جزاج الله خير


حيل افدتيني سئلت البنات هنيه عن رويال جيلي بعطيه زوجي قالت لاتعطيه مو كويس يجيه اضرار

وحبيت اسخدمها خوفوني وكمان عندي زهره الربيع

 

[حرم_الغلا]

جـزاااج اللـه خيـر​

 

[شمخانيه]

جزاك الله خييييييييييييييييييييييييييييير

 

[قشطة بعسل]

وياكم جميعا يارب مشكورات

رويال جيلي منشط عام مافيه منه ضرر ان شاءالله بس اللي عندهم حساسيه من العسل ماياخذونه

فوليك اسد Folic acid يساعد ع انتاج حيونات منويه سليمه

بي ١٢ B12 يزيد من عدد الحيونات المنويه

زينك Zinc يزيد من خصوبة الرجل

ماكا Maca تزيد من خصوبة الرجل

الله يرزق الجميع إن شاءالله

 

[قشطة بعسل]

فيه شغله حبيت اوضحها خواتي

تاخذين شي واحد من الاشياء اللي تساعد ع زيادة الافرزات يوم التبويض
حبه ارجنين بعد الفطور او…… زهرة المساء تاخذينها قبل النوم … نوع واحد بس … والعصر تشربين كوب شاي أخضر

ومن الاشيا اللي تساعد ع انتاج بويضه جيده تقدرين تاخذين نوعين
مثلا تاخذين رويال جيلي الظهر…… وفيتامين e مثلا العصر …طبعا كل وحده في وقت مو مع بعض


والله يرزق الجميع إن شاءالله

 

[شمخانيه]

لا اله الا انت سبحانك اني كنت من الظالمين

 

[عسل حدي]

رب لا تذرني فردا وانت خير الوارثين

 

[حيث الامارات]

السلام عليكم ورحمة الله

عزيزتي قشطة بعسل أنا سجلت بس عسب موضوعج هذا

أنا عنديه ولد واحد وعمره سنتين ونص وهالسنة قررت احمل وحملت بس أجهضت مرتين ولفلفت بهالنت وماعيبنيه غير موضوعج وبديت اطبقه هالشهر

تصدقين ماشاء الله انه من عاشر يوم للدورة بدت عنديه افرازات التبويض بس ريلي مسافر هالشهر وقررت استمر للشهر الياي

والله يكتبلي ولكن ولكل من تبا الحمل السليم بجنين معافى تام الخلقة دون زيادة او نقصان يااااارب

لج كل الود