أطفال الانابيب،، الله كريم يرحم حالناااا

[درة أهل الطولات]

نبذه بسيطــة عني ::

متزوجة من سنتين حملت مرتين او مرة شهر 9 سنة 2009 ومرة شهر 8 2010
بالمرتين اجهضت بالاسبوع السادس لان الحمل يطلع ضعيف

المهم

معاي ضعف بالتبويض ولكن بسيط مع الكلوميد والابر ألف الحمد لله اييب نتيجة .
زوجي معاه ضعف قوي يتحسن شهر ويتمرض باقي السنة

عقب ما اجهضت شهر 8 قلت بريح شهرين عقب ابدي اخذ علاج
اول امس صدمني انه نسبته انزلت صارت 8 عقب ما كانت 15
مع العلاج قاعد ينزل ما يصعد !!!!

فقلت له اني خلاص ماراح اخذ علاج لما شهر 5 الياي بقول لدكتورتي ليلى أشكناني اني بسوي طفل انبوب !!

عمري قاعد يطوف وما عندي عيال وكل ما الوحدة تكبر فرصها تقل

شرايكم ؟؟

بنات منو سوت الانابيب ؟؟
جم كلفها؟
منو تشرح لي؟
:eh_s(17):

 

[maahaan]

رد : أطفال الانابيب،، الله كريم يرحم حالناااا

ماعندي اي فكرة عن اطفال الانابيب ,, ان شالله البنات راح يفيدونج ,, حبيب ادعي لج ربي يزقج عاجلا غير اجل يارب

 

[درة أهل الطولات]

رد : أطفال الانابيب،، الله كريم يرحم حالناااا

يارب ... اميــن

اجمعيــن

 

[عصير مانجا]

رد : أطفال الانابيب،، الله كريم يرحم حالناااا

الله يرزقج يارب ثاني يوم الدوره تروحين الدكتور يسوي سونار ويطلب منج تحاليل اذا تحاليلج والسونار سليم تبدين باخذ ابره بالمساء من 21 يوم دوره الى ان يحيين موعد دوره اليايه وتنظفين منها تروحين مره ثانيه لدكتور ويسوي سونار وتاخذين ابر الصبح مع ابره المساء الى ان يعطيج موعد سحب الاجنه العلاج مع السحب والترجيع ياخذ تقريبا شهر
ادعي لي الله يثبت اجنتي واحمل

 

[عــود كمــبودي]

رفع

 

[شهرزاااد]

ما عندي فكرة
بس وايد بنات يسونها وتنجح معاهم وبدون مضاعفات
توكلي على الله وسويها والله يرزقج

 

[طيبة الطيبات]

نصيحه سويها واتكلى على الله خصوصا عقب مابدى يضعف زوجك والاسعار كل دكتور غير عن الثانى يعنى من 1200 الى 2000وروحى عند الدكتور الفاطمى يمدحونه وياليت تخلينهم يجمدون الحيوانات المنويه لزوجك وان شاء الله تنجح عمليتك يارب ويرزقك

 

[درة أهل الطولات]

رد : رد: أطفال الانابيب،، الله كريم يرحم حالناااا

الله يرزقج يارب ثاني يوم الدوره تروحين الدكتور يسوي سونار ويطلب منج تحاليل اذا تحاليلج والسونار سليم تبدين باخذ ابره بالمساء من 21 يوم دوره الى ان يحيين موعد دوره اليايه وتنظفين منها تروحين مره ثانيه لدكتور ويسوي سونار وتاخذين ابر الصبح مع ابره المساء الى ان يعطيج موعد سحب الاجنه العلاج مع السحب والترجيع ياخذ تقريبا شهر
ادعي لي الله يثبت اجنتي واحمل

انا بسويها شهر 6 متى ابتدي اراجع ؟؟؟
واذا دكتورتي عندها كل تحاليلي لازم اسوي اللي قلتي عنه بالبداية ؟؟
شلون طريقة العملية ؟
سريعه والا تطول؟
في بنج والا وانتي قاعدة؟؟

رفع

رفع الله مقدارج

ما عندي فكرة
بس وايد بنات يسونها وتنجح معاهم وبدون مضاعفات
توكلي على الله وسويها والله يرزقج

حبيبتي الله يرزقنا من غير علاج يارب

 

[درة أهل الطولات]

رد : رد: أطفال الانابيب،، الله كريم يرحم حالناااا

نصيحه سويها واتكلى على الله خصوصا عقب مابدى يضعف زوجك والاسعار كل دكتور غير عن الثانى يعنى من 1200 الى 2000وروحى عند الدكتور الفاطمى يمدحونه وياليت تخلينهم يجمدون الحيوانات المنويه لزوجك وان شاء الله تنجح عمليتك يارب ويرزقك

عفية فهموني الطريقــة ؟؟؟؟

امممممممم وجم لازم ما ابذل مجهود ؟؟؟

 

[طيبة الطيبات]

شوفى يبتدون معاك من ثانى يوم الدوره يسوون سونار يشوف الرحم وبعدين يكتبلك على ابر تاخذينهم وحسب كل دكتور فى ابر تاخذينهم مره وحده باليوم وفى ابر مرتين وكل يومين يسوون سونار يشوفون التبويض عندك اذا ضعيف يزيدون جرعه الابر ولى وصلو حجمهم تقريبا 19 20 و21 يوقف الدكتور عن الابر وبعدين يعطيك قبل عمليه السحب بيومين ابره التفجير وبعده تروحين يدخلونك العمليات تاخذين بنج كامل ويسحبون البويضات ويخلونها عندهم طبعا قبل لاتدخلين العمليات يكونون ماخذين من زوجك العينه وبعدين تطلعين من المستشفى بنفس اليوم مافيك شى وتنطرينهم يدقون علك يشوفون البويضات تلقحت ولا لا اذا تلقحت يخلونك تجين وتدخلين غرفه العمليات بس هالمره بدون بنج ويرجعون الاجنه فى رحمك ولاتخافين ماتحسين بشى لاعوار ولا شى ماعليك من اللى يقول تعور انا مجربه 8 عمليات يعنى خبره تفتح العينين ههههههههه المهم اذا رجعوا الاجنه مايخلونك تقومين من السرير الا تقريبا بعد ساعه تروحين للبيت وترتاحين لمده اسبوعين بدون اجهاد حركه بسيطه وفى بعض البنات بعد العمليه ينزل دم لاتخافين هذا عادى المهم بعد اسبوعين تبين نتيجة التحليل وان شاء الله تطلعين حامل ولاتنسين الصدقه والاستغفار وتقرين على بطنك يوميا الرقيه وهذى المعلومات اللى عندى

 

[lovemyself]

عزيزتى اولا انتى اكيد صغيرة وسنتين زواج مو مدة طويلة بس عموما انتى حرة واذا نصحتج الدكتورة سويها
شوفى انا سويتها اربع مرات وكله فاشله بلا فخر
السالفه تطول ترى وتبط الجبد بس شتسوين امرج لله تحتاج اكثر من شهر تقريبا قولى دورتين او اكثر حسب استجابتج للعلاجات وطبعا يسوونلج سونارات ليما تلوع جبدج وابر تاخذين واذا استجاب جسمج للابر والحجم المطلوب يبدون بعملية سحب البويضات خلالها تدخلين غرفة العمليات بتخدير كامل ويسحبونها ولما يتم الاخصاب بعد جم يوم يرجعونها برحمج وتنتظرين عقبها اسبوعين اليوم 14 او 15 للارجاع تسوين تحليل هنيه يبين اذا فى حمل او لا بس اهم شى ترتاحين نفسيا خصوصا الاسبوعين بعد ارجاع الاجنة لانه بيشتغل عندج التفكير انصحج تروحين لاهلج وتخلين حواليج ناس اربعه وعشرين ساعه عشان لا تفكرين لانه انا كنت اتعب نفسيا حيل بهالفترة مع انى انام عالسرير واقعد عند اهلى بس افكر وايد وكنت كله اقرا قران على بطنى وادعى بس الحين اقول عوع كرهت كلمة انبوبة من اصلها حتن لما احد يقول انابيب الغار او انابيب الماى يضيق خلقى وع يا كرهى حق هالكلمة
بس الله كريم وانشالله تحملين يارب

 

[درة أهل الطولات]

رد : رد: أطفال الانابيب،، الله كريم يرحم حالناااا

شوفى يبتدون معاك من ثانى يوم الدوره يسوون سونار يشوف الرحم وبعدين يكتبلك على ابر تاخذينهم وحسب كل دكتور فى ابر تاخذينهم مره وحده باليوم وفى ابر مرتين وكل يومين يسوون سونار يشوفون التبويض عندك اذا ضعيف يزيدون جرعه الابر ولى وصلو حجمهم تقريبا 19 20 و21 يوقف الدكتور عن الابر وبعدين يعطيك قبل عمليه السحب بيومين ابره التفجير وبعده تروحين يدخلونك العمليات تاخذين بنج كامل ويسحبون البويضات ويخلونها عندهم طبعا قبل لاتدخلين العمليات يكونون ماخذين من زوجك العينه وبعدين تطلعين من المستشفى بنفس اليوم مافيك شى وتنطرينهم يدقون علك يشوفون البويضات تلقحت ولا لا اذا تلقحت يخلونك تجين وتدخلين غرفه العمليات بس هالمره بدون بنج ويرجعون الاجنه فى رحمك ولاتخافين ماتحسين بشى لاعوار ولا شى ماعليك من اللى يقول تعور انا مجربه 8 عمليات يعنى خبره تفتح العينين ههههههههه المهم اذا رجعوا الاجنه مايخلونك تقومين من السرير الا تقريبا بعد ساعه تروحين للبيت وترتاحين لمده اسبوعين بدون اجهاد حركه بسيطه وفى بعض البنات بعد العمليه ينزل دم لاتخافين هذا عادى المهم بعد اسبوعين تبين نتيجة التحليل وان شاء الله تطلعين حامل ولاتنسين الصدقه والاستغفار وتقرين على بطنك يوميا الرقيه وهذى المعلومات اللى عندى

ماشاء الله عليج شرحج وافي

بس لازم بترجيع الاجنه اكون من غير بنج؟؟:080402ask_prv:

عزيزتى اولا انتى اكيد صغيرة وسنتين زواج مو مدة طويلة بس عموما انتى حرة واذا نصحتج الدكتورة سويها
شوفى انا سويتها اربع مرات وكله فاشله بلا فخر
السالفه تطول ترى وتبط الجبد بس شتسوين امرج لله تحتاج اكثر من شهر تقريبا قولى دورتين او اكثر حسب استجابتج للعلاجات وطبعا يسوونلج سونارات ليما تلوع جبدج وابر تاخذين واذا استجاب جسمج للابر والحجم المطلوب يبدون بعملية سحب البويضات خلالها تدخلين غرفة العمليات بتخدير كامل ويسحبونها ولما يتم الاخصاب بعد جم يوم يرجعونها برحمج وتنتظرين عقبها اسبوعين اليوم 14 او 15 للارجاع تسوين تحليل هنيه يبين اذا فى حمل او لا بس اهم شى ترتاحين نفسيا خصوصا الاسبوعين بعد ارجاع الاجنة لانه بيشتغل عندج التفكير انصحج تروحين لاهلج وتخلين حواليج ناس اربعه وعشرين ساعه عشان لا تفكرين لانه انا كنت اتعب نفسيا حيل بهالفترة مع انى انام عالسرير واقعد عند اهلى بس افكر وايد وكنت كله اقرا قران على بطنى وادعى بس الحين اقول عوع كرهت كلمة انبوبة من اصلها حتن لما احد يقول انابيب الغار او انابيب الماى يضيق خلقى وع يا كرهى حق هالكلمة
بس الله كريم وانشالله تحملين يارب

يا حياااتي
الله لا اييب التعب يارب

 

[بحر الذكريات]

عسى الله يرزقج ويرزقنا ويرزق كل محروم ومحرومه يارب

 

[درة أهل الطولات]

رد : رد: أطفال الانابيب،، الله كريم يرحم حالناااا

عسى الله يرزقج ويرزقنا ويرزق كل محروم ومحرومه يارب

اميــن يا كريم:eh_s(21):

 

[احلى سماء]

دره حياتي

خليها يفحص عند دكتور ويسوي سونار

يمكن فيه بداية دوالي

او يروح طبيب هرمونات يشوف الهرمونات عنده

لان دام ينزل في شي

ثاني واسباب ثانيه خل يفحص الغدد والهرمونات ويضبطهم

 

[درة أهل الطولات]

رد : أطفال الانابيب،، الله كريم يرحم حالناااا

الدكتور قاله التهاب يروح فترة ويرجع ما ادري من شنوو

انا ما فيني ما ادري شلون يرجع له

 

[عصير مانجا]

رد : أطفال الانابيب،، الله كريم يرحم حالناااا

بالترجيع بدون بنج ومافي الم ولازم تكون المثانه مليانه وبعدين احسن بدون بنج تكونين واعيه وتدعين ربج وتسمين والله يرزقج ويرزقنا يارب

 

[عــود كمــبودي]

دره انا زوجي كان جذي مره زين ومره لا ومرة تصعد ومره تنزل وبالأخير طلع عنده دوااالي خليه يسوي سونار للدوالي بس علشان تتأكدون ومايروح تعبكم عالفاضي نصييييييحه

 

[درة أهل الطولات]

رد : أطفال الانابيب،، الله كريم يرحم حالناااا

ما نجااا لا ما اتحمل الألم انا خوافه حتى لو ما اتعور راح اقوم ابجي

عود كبودي فحص للدوالي طلع سليم الحمد لله

 

[*ماي الورد*]

رد : رد: أطفال الانابيب،، الله كريم يرحم حالناااا

انا بسويها شهر 6 متى ابتدي اراجع ؟؟؟
واذا دكتورتي عندها كل تحاليلي لازم اسوي اللي قلتي عنه بالبداية ؟؟
شلون طريقة العملية ؟
سريعه والا تطول؟
في بنج والا وانتي قاعدة؟؟




رفع الله مقدارج


حبيبتي الله يرزقنا من غير علاج يارب

تبين اتسوينها شهر ستة اتراجعين شهر خمسة لان العلاج يطول قبل ابر المنشطات تاخذين ابر ديكابتيل من 21 الدورة
غير التحاليل