أطفال الانابيب

[*رموسه*]

السلام عليكم
حبيباتي
انا بدخل الموضوع بدون مقدمات
نفسيتي تعبانه واتمني تتحملوني وتردون علي
انا لي ثمان سنوات ماجبت عيال ونفسيتي حيييييييييييييييل تعبانه
املي بالله كبير
بس
بعيت اسأل اللي سوت عملية طفل انابيب بالكويت او السعوديه او في اي دوله
ابي اعرف كم كلفتها؟ وكم مدة العلاج؟ وهل نجحت او لا؟ واسباب فشلها اذا فشلت لاسمح الله؟
اتمني اني ماثقلت عليكم
بس ردو على ودعولي
​

 

[$غــ(ز)ــل$]

الله يرزقج الذريه الصاالحه عاجلا غير آآآجل

انا مااسويت بس بحكم معرفتي بعمليات اطفال الانابيب راح اجاوبج


عندنا بالكوويت العمليه تكلف من 1500 الى 2000 دينار كويتي
وفي دول ارخض من الكويت يعني نص المبلغ تقريبا تكلف700 الى 800 مثل الاردن ومصر

والعلاج يبتدي من الدوره يعني خلال شهرين تكونين مسويه العمليه
واغلب اسباب فشل عمليات اطفال الانابيب مومعروفه
الارزاق بيد الله

 

[foozia_87]

حبيبتي انا سويتها بالكويت عند باتريك وكلفتني 3000 دينار وما نجحت
وسويت بالصباح هم ما نجحة
اما عن الاسباب فالاسباب وااااااااااااااااايد على حسب الحاله والله يرزقنا كلنا بالذريه الصالحه السليمه آمين

 

[كويتيه مذهله 87]

أضم صوتي لصوت غزل
والارزاق بيد الله
للرفع بنات

 

[Emanova]

لله يرزقنا يا رب ....ما يخلص رمضان الا و احنا حمل

 

[Coffee-Girl]

الله يرزقج ويرزقنا بذريه الصالحه

ادخلي على هذا الرابط راح تلقين كل تجارب العضوات وبتفصيل

http://q8yat.net/showthread.php?t=180508

 

[*رموسه*]

الله يجزاكم خير
ويروقنا كلنا
امين

 

[ام افراح]

انا حبيبي سويت اطفال انابيب عند الدكتورة ماجدة اليتامي كلفتي تقريبن 1400 دينار وعطتني ابرة تحضيرية قبل شهر اسمها سوبر فاكت وبعدها وليما يت الدورة عطتني ابر تنشيط للمبايض وبعدها بسبوعين العملية وبعدا بثلاث ايام ارجاع الاجنة ونمت علي ظهري اسبوعين وطلعت حامل والحمد لله ويبت ولد الله يرزق كل بنات الحلال

 

[Amory]

انا سويتها ابمستشفى لندن بالكويت عند دكتور باترك وحملت بس اجهضت والله يعوضني

والله ما اتكر تكلفتها بالضبط بس اعتقد 2000 وفوق ومستشفى لندن معروف غالي ويبيله ميزانيه.

 

[*رموسه*]

يعطيكم الف عافيه:aha:
وبيض الله وجيهكم
بس ولا وحه سوت بالسعوديه ؟
انشالله على رمضان نكون كلنا حوامل انشاءالله

 

[حـلا و ذوق]

اختي اذا تبين بالسعودية .. عندج بمستشفى سعد التخصصي عند الدكتور عارف الخالدي الكل يمدحه وشاطر حيل..

وعندج بالبحرين عند دكتور احمد بركات .. شاطر وايد واغلب اللي يروحون له يحملون .. اختي سوت عنده بس تعبت بالعمليه لكنها الحمدلله حامل الحين واللي معاها هم حامل لله الحمد ربي ثبت لهم حمالهم يااارب .. وعلى فكرة الدكتور احمد بركات زميل الدكتور عارف .. كان يشتغل بمستشفى سعد بعد .. تكلفة العملية 1400 دينار بحريني .. بس اكيد من غير الادوية وعملية سحب الاجنه يمكن تكلفج حوالي 2000 بحريني بالكامل ..

ربي يرزقج ياااااااااااارب بالذرية الصالحة عاجلا غير آجل

برب

 

[حبيبتي الكويت]

للرفع

 

[*caramel macchiato*]

الله يرزقج ياقلبي....انا ماعرف احد شخصيا جرب بالسعودية....بس يمدحووووووووون حيل مركز سمير عباس ويقولون ان فيه اكثر من فرع اهناك....



الله يرزقني ويرزق بنات المسلمين