أغراض شريتيها لـ عيالج وندمتي .. !!

[Um Tuki]

قوة بنات شلونكم ..

بما ان احنا نمشي و نشتري .. شي لنا حاجة فيه او مالنا حاجة فيه

خصوصا للمواليد و الأمهات اليدد

تمشي و تقط في الجاري هههههه

آخر شي يا ينقط ، او يغبر ، او نتبرع فيه

:eh_s(17):

راح ابتدي عشان اشجعكم :ggdw:


أول .. و أكثــــــر شي شريته وندمت عليه

رضاعة د. بـراون ..

اي اي اي .. رضاعة دكتور براون اليل الكل هاب فيها و مسوين عليها ضجة

و الحين بقولكم ليش .. وشالقصة .. :eh_s(4):

وقتها بجري ( عمره شهرين )

حالي حال اي ام تدور حل للغازات .. و لقيت هالرضاعة الشريرة :eh_s(14):

ركضت شريت لي منها 2 و حلمات

و تعب ولدي فجأة .. امساااااااااااااك حاد حـــــاد حــــــــــــــاد

و سويت له اعشاب .. و ينسون و دوا من الصيدلية . و تحاميل و مايفيد

حول الـ 10 ايام ما يخرج

ركضت فيه من دكتور لي دكتور

كان بطنه منتفخ بشكل رهيب .. و لونه مزورق و مايسكت من الصياح ..

و الدكاترة مو عارفين السبب و آخر دكتور قال لي فتحة الشرج ضيقة و تحتاج توسعة عن طريقة

الجراحة

تخيلوا حالتي وقتها ..

ياهل بهالعمر ممكن يتحمل هالألم .. و يتحمل آلام جرحة و بنج و عفسة !!!

انهرت وااااااااااااايد و تعبت خصوصا انه بجري و اني ماعرف شي و خايفة و كان فيني اكتئاب بعد

الولادة .. :eh_s(16):

زوجي شار علي .. قال يا فلانة من خذيتي هالرضاعة و الياهل مو طبيعي جربي رضاعة ثانية

ركضت الصيدلية شريت بيجون العادية ..

و نفس اليوم بالليل .. ولدي تم يخرج بطريقة مو طبيعية

تم لي 3 ايام

بعدها تم يخرع 3 مرات باليوم

و ارتحت و خذيت هالرضاعات ( د . براون ) و قطيتها من فوق البيت من القهر :eh_s(16):



للعلم .. في ناس استخدموها و ما سببت لهم مضاعات .. بالعكس ناسبتهم

بس ترى الغازات ربج ما حطها بالياهل عبث ..

خففي الغازات بس بطرق عادية مثل النقط اللي بالحلج من الصيدلية او الاعشاب



سوري طولت عليكم و لي معاكم تجارب ثانية .. :eh_s(17)::eh_s(17): ​

 

[حرم راشد الماجد]

اي والله وانتي صاجه

انا طبعا مالي خبره بالرضعات لاني كنت استعمل اي نوع ما تفرق معاي

المهم الاشياء اللي شريتها وما ستفدت منها كللللللللللش

الدسوس ملوت البيبي والدلاغات ( الجوارب )

الافرولات شريت من كل قياس 12 حبة وهم ما استفدت منهم يعني لبسته ا اياهم يدوب لبسه لبسه وعقبهم بزباله تكرمين

شريت بدلات قياس 0-3 وما لبستها لانها وقتها كله باللفه فمايبين شي واريح شي الافرول

الصداري اللي يكونون خام مامنهم اي فايده ولا كأنج ملبسه الياهل صدريه احسن شي اللي تكون مبطنه نايلون اللي الخمطه بدينارين يمكن

سرير البيبي ماستفدت منه شي لان بالاربعين كانت تنام معاي بفراشي وعقب شريت لها الخشب اللي يكون كبير فتقريبا ما استعملت السرير

شريت لي بيجامه حق المستشفى دانتيل وحرير وشغل عدل وما قدرت البسها وانا بالمستشفى لاني ولدت قيصريه فماقدرت البس بنطلون والعمليه توها
فان شاء الله هالمره باخذ نفنوف ومو ماكسي بعد باخذه شوي قصير اريح

السليب باق بوذيل كلللللش مو عملي كانو مسوينه من الستان وبنتي تتزحلق لي داخل مسكينه وريولها مجفسه جنها ربيانه فقطيته وشريت من اوركسترا خفيف وحده عملي

الكفر مال النفاس ما استعمله االا للديكور واتلحف بكفر ايكيا مالي الاولي
جنطه البوكس مالت الرضعات كلللللللللش ما حبيتها وقمت استعمل الخفيفه العاديه لان انا اصلا كنت ارضع طبيعي فما حتاجها

شبقى مابقى شي ما ذميت فيه لوووووووووووووووووووووول

 

[M!SS.LOBY]

الله يعين

 

[mrs.abk]

أنا تقريبا كل اللي شريته استعملته ... بس كريم من ويلدا حق ويه الطفل حسيت بنتي ويها حسس منه ..

وويبس مذر كير + سانتيا .. نوعين فاشلات ,.,.

كولونيا سيبا ميك .. ما ينفع أحس .. جنه ماي ..

 

[نور دنياه]

انا بعد ماحسيت هالمراضيع واااو على كثر المدح الي سمعته عاديه واقل حتى لويتها واغراضها وايد
الي تحسفت عليه انه ريلي شرى لبنتي وايد اوفرولات ماركه وحرام مانلبسو الا مره وانقطوا تحسفت عليهم
حتى الدسوس احس ماينفعون مالوت مذركير يطيحون وجيس البيبي خذته ماركه حق الاستقبال بدون ماانتبه انه مافي سحاب على الجنب!! عاد تعالي شوفي اللويه عشان ندخلها فيه

 

[ام الحلوااات]

نـــصـــيــحـــــه بــنــــات
مـــلابـــس الــمــوااالـــيــــد الــجـــديـــده او شـــبــه جـــديــده
حـــــرااام تــقــطـــوونـــهــــا
عطــــوهـــا حـــق الــمـحــتــاجــيـــن او نــااس عــلـى قـــد حـــالــهــم
او عــطـــوهـــا حــق الـجـمـعـيـاات الـخـيـريـــه يــصـرفــونـهـا بـطــريـقـتـهــم
مـــنــهـــا مــاقطــيــتـهـا وعـطـيـتـهـا مــن يـحـتـاجـهـا
ومـــنــهــا اجــــــــر ان شــــآء اللــــه

 

[M!SS.LOBY]

جزاج الله خير ام الحلواااات

 

[ديما الكويت]

صاجه رضاعات د.براون موشي غلا على الفاضي ما نفع معاي
ملابس اليهال ملوت عيد النصار اللي يكونون شغل سوريه فااااااشلين ويلوعون الجبد لبسه وحده وقطي تخترب !
وبعد عندهم الجنطة مالت الزوارة وجيس البيبي وفراش للبيبي بحدود 30 او 40 دينار فاشلين بسرعة يكبر البيبي على الفراش وافضل عليه كراسي سنتر بوينت الصغيرة رووووعه لحد عمر 1 تحطين البيبي فيه عجيبين بكل اعيالي استخدمهم
وسلامتكم وتعيشون.

 

[Aloe Vera]

انا شريت وايد دسوس حق البيبي
و دلاغات بس كله يطيحون
مايثبتون
الدسوس صج ظرورية بس اتوقع حبتين كافي و النوع اللي مايطيح

 

[Um Tuki]

حرم راشد الماجد

ماخليتي شي هههههههه .. يلا ان شاء الله تكون عبرة للولادات الياية

________________


mrs.abk
نور دنياه
ديما الكويت
Aloe vera

نورتوا .. و فعلا كثرت لثياب ما تنفع .. لبسه لبستين و بس .. و هذا اذا لبسه البيبي

___________________

أم الحلوات

صاجة

ثياب عيالي كلـــــــهم ماقطيت منهم شي .. يدتي ماترضى تقول فيه ريحة الياهل هههههه

 

[Um Tuki]

يعطيكم العافية بنات ..

ثاني شي شريته و تبرعت فيه بسررررعة

الشي اللي الكل هااااااب فيه على خرطي ( سامحوني )

جهاز تعقييم الرضاعات

فاشل فاشل فاشل

لا ينظف ولا يعقم ولا حاجة ..

و اذا نسيتيه مصكر يصدي !! و يطلع ريحة

لازم بعد ما تخلصين منه تخلينه مفتوح

صرت اغلي ماي حار و احط الرضاعات فيه و اصبه الماي داخلهم و اقلب لحلمات فيه

نظافة و ارتاح و اتطمن على البيبي

اخلي الماي المغلي 5 دقايق و اكت الماي

لا تخلون الماي لين يبرد ..


^_^

 

[Um Tuki]

شدعووووووووووووووووووووووة .. !!

وينكم

 

[حوريه ...]

بكر وللحين نفاس يعني ماكو خبره كلش

منكم نستفيد

 

[M!SS.LOBY]

الرضعات

 

[Um Tuki]

منوريـــــــــــــن

^_^

ان شاء الله الكل مستفيد

 

[++صدفة++]

اكثر شي ندمت عليه الدسوس والدلاغات
لأني كنت شارية حق بنتي بجامات الاوفراول (بربتوزات) يكونون مصكرين صوب الريل وصوب ايدها فيه مثل دسوس بالاوفراو نفسه
فكلش ما استخدمتهم

 

[travel_addicted]

وي ام تركي أنا كلشي عكسج عيل :ggdw:
مميات دكتور بران وايد ارتحت عليهم و حمدالله ماعانيت لا من غازات و لا من إمساك و الغلايه هذي حبيبه قلبي ما اقدر استغني عنها احسها عمليه و تعقم أحسن من الماي المغلي بروحه و من كثر ما احبها شربت وحده حق بيت أهلي بس
سبحان الله صج لو ما الأذواق لبارت السلع
ام بالنسبة حق الأشياء اللي ما استفدت منها الدلاقات لان الياهل كلها اوفرول مسكر خاصه أنا ولادتي بالشتا
الصدريات اللي ماكو تحتهم نايلون لان بدقيقه ينقعون و اللي تصير لزقتهم لزقه مو طباقي مع الغسيل ماراح يلزقون
جيس البيبي و المفرش ماله أنا شخصيا ما احبهم لان أحب أشيل البيبي حاف بدون شي بس الجيش نفعوني بالطلعه عشان يدفي
هذا اللي أبالي الحين

 

[Um Tuki]

هههههههههههههههه

نورتوا كلكم ..

 

[mrs.abk]

وي ام تركي أنا كلشي عكسج عيل :ggdw:
مميات دكتور بران وايد ارتحت عليهم و حمدالله ماعانيت لا من غازات و لا من إمساك و الغلايه هذي حبيبه قلبي ما اقدر استغني عنها احسها عمليه و تعقم أحسن من الماي المغلي بروحه و من كثر ما احبها شربت وحده حق بيت أهلي بس
سبحان الله صج لو ما الأذواق لبارت السلع
ام بالنسبة حق الأشياء اللي ما استفدت منها الدلاقات لان الياهل كلها اوفرول مسكر خاصه أنا ولادتي بالشتا
الصدريات اللي ماكو تحتهم نايلون لان بدقيقه ينقعون و اللي تصير لزقتهم لزقه مو طباقي مع الغسيل ماراح يلزقون
جيس البيبي و المفرش ماله أنا شخصيا ما احبهم لان أحب أشيل البيبي حاف بدون شي بس الجيش نفعوني بالطلعه عشان يدفي
هذا اللي أبالي الحين

أشاطرج الرأي ..

:rerrerek:


صح الصدريات اللي مافيه تحتهم بلاستيك يخيسوون بسرعة وغيرها ما قدرت ألبسهم بنتي .. شارية لها درزن صدريات أبو بلاستيك وأبدل فيهم كل شوي ..



وأضيف ..


افرولات مذركير قمة الفشل .. يصير فيهم فتحات بين الازار يدخل الهوا لجسم البيبي

داخليات بيبي شوب تعيسات .. يتمططون .. وأحس مفصلينهم على أجسام عيال الهنود طوال وضعاف ..


المصاصات أنواع وأشكال .. بنتي ما تقبلت غير ايفينت وحتى لما وصل عمرها 3 شهور تركتها وصارت تكره المصاصة بشكل عام



هيه شريت المعقم أبو الميكرويف لبيت أمي وما استعملته .. استبعدت اسير المطبخ واعقم به .. قمت اعقم بالماي الحار من البويلر