أفخاذ كنتاكي اللذيذه مع الصور

[nono78]

طبعا بكتب الموضوع مره ثانيه ميته قهر توني بخلص ولدي صكر الكمبيوتر

افففففففففففففففففففففففففففف

بس برد احط عشانكم يالغاليات

شوفوا الطبق اول شي



يالله نبدأ بالمكونات
===========
1-اول شي المطلوب افخاذ دياي من الجمعيه او بل اصح (سيقان دياي)
عندكم (الوطنيه - نايف ) المتحده مو حلو وايد اكبار

2- بهارات - ملح - فلفل -خل - ليمون - صلصلات التتبيله الجاهزه (مالوت الشوي + كاتشب) اي نوع تحبون

3- طحين - بيض - بقسماط


الطريقة
======


- تشيلون الجلد من على الأفخاذ وتغسلون الأفخاذ عدل مدل بالماي
- تغزون الدياي بالشوكه بعدين تتبلون الأفخاذ بالمكونات رقم 2 من الليل لين اليوم الثاني وتحطونه بالثلاجه


- بعدين تطلعون الأفخاذ من الثلاجه وتغمسونه بالطحين بعدين بالبيض بعدين البقسماط



واخر شي تقلونه لمن يستوي وتزينون الصحن على حسب ذوقكم



والف هني وعافيه

ان شاء الله عجبكم طبقي

 

[nono78]

اشدعوه محد عجبه الطبق

مشكورين تشجعون الواحد يدخل المطبخ

 

[bnt q8 in usa]

تسلم ايدج مفكره اسويه انشالله لانه طيب واليهال يحبونه

 

[أسيرة موني]

بعد شاااااااابزي

مادري والله خيتو يمكن اهم ما يشيلون الجلد ؟؟؟

هو نوز ,,

اشوف اكلم الهاوس ميدات الي عندنا ,, خو الحمدلله هذي لها طبخها الخاص

تسسسسسسلم ديااااااااااتك

 

[كلي تفاؤل]

تسلم ايدج بصراحة شكلة مغري

ومشكورة ع الصور

 

[وين^العهود]

تسلم ايدج حبوبة ...
بس انا عندي عقدة من دياي بالقسماط , لان كل ما اسوية واقلية يطلع من داخل مو مستوي واذا خليتة وايد بالزيت يصير اسود ويحترق ..

 

[نور الكويت$$]

يعطيج العافيه وتسلم ايدينج.....

 

[حسينه حلوه]

علشان لا يطلع الفخوذ من داخل نيه او فيها دم لا زم تفوحينها قبل جنج بتفوحين الدياى العادى وبعدين تطلعينه نص استواء وتحطين بهارات الكنتاكى وكل شى نفس الطريقه والبيض والبقسماط وبعدين تقلينه يطلع مستوى وطرى وايد احلى بس نطرى الفخوذ تبرد شوى بعدين حطى التتبيله والبهارات

 

[مزيونه وشقره]

ماشاء الله يعطيج العافيه

 

[هيله]

روعه

 

[توتة الدلوعه]

يعطيج العافيه وما تقصرين

 

[dima]

shaklaaaaaaaaaaaaa latheeeeeeeeeeeeeeeth waaaaaaaaay yeee3t

 

[mona78]

يعطيج العافية حبيبتي و ما قصرتي ذكرتيني بالكنتاكي من زمان مو مسوية دياي بالبقسماط يبييييييله

 

[رفرف]

تسلم ايدياتج وبالعافية

 

[بنت الحزن]

يعطيج العافيه و تسلم الايادي

 

[آخر ذكرياتي]

تسلم ايدج نونو ​

 

[جارة القمر]

nono78


الله يعطيج العافيييييييييييه

وتسلم أيدج


والله يحليلج الصغير يارب

 

[nono78]

مشكورين بنات عالردود يعطيكم العافيه

اييي الحين تشجعون الواحد يدخل المطبخ زيسويلكم اطباق يديده

 

[[]نهاوند[]]

شكله يشهي
يعطيج العافية ​

 

[جروح تبتسم]

مممممممم تسلم ايدك روووعه
بس انتي شنو الصلصه الجاهزه اللي استخدمتيها؟؟