أفضل العيادات الخاصه للأسنان

[حواء الكون]

بنات عندي سؤال


اختي حابه تسوي تقويم عند اي عيادة للأسنان واهم شي يكون خاص ماتبي حكومه كل شي بالمنه ونفسهم اللهم ياكافي!

يعني بعرف افضل عياده لتقويم الاسنان سواء عن تجارب خاصه لكم او لأحد من الاهل او الاصدقاء

وفي عندها جم سؤال

اول سؤال ان اسنانها حلوه بشكل عام بس شويه اسنانها من جدام يبي لها تعديل فتعتقدون جم تاخذ مدة التقويم ؟؟

وهل التقويم مؤلم؟؟

وبالعيادات الخاصه جم تاخذ الفتره للمراجعه عشان تسوي التقويم لانها وايد مستعيله

والسؤال الاخير عن اسعار تقويم الاسنان التقريبيه ؟

وشكرا اتمنى اشوف ردودكم الحلوه

 

[النور الهادي]

مشاركة: أفضل العيادات الخاصه للأسنان

مركز أبها التخصصي لطب الاسنان
أعتقد يبيلها من 8أشهر إلى سنه بالكثير
الفلوس على حسب الشغل00وماياخذونها مره وحده ياخذونها أقساط
بالنسبه للعوار مو حيييييييييييل00 بس ماتقدر تاكل أشياء قويه
إذا كانت متينه حلوووووووووو راح تضعف
أول يوم تجيهم يسوون لها كشف مجاني00وشنو تحتاج وكم المده
إذاأتفقتوا ياخذون قياس الاسنان وبعد أسبوع يبيلشون على طول
وعلى العموم كل الخاصه تجي معاملتهم حلوة وسريعه
والميدان يمدحونه بعد
أتمنى أني أفتدج
وأي سؤال أنا حاضره

 

[سبائك]

مشاركة: أفضل العيادات الخاصه للأسنان

انا وايد ارتاح حق د.سلوى العمر ايدها خفيفه وخوش دكتوره
ومع انج قلتي ماتبين حكومه بس وايد يمدحون د.جون في بنيد القار مسوي حق اختي تقويم
ودكتوره سلوى نفسها تمدحه وايد
وعسى الله يشافي اخيتج انشاءالله

 

[bnt q8 in usa]

مشاركة: أفضل العيادات الخاصه للأسنان

انزين ليش بتسوي تقويم ليش ماتسوي نفس الممثله بدريه احمد ماضن انها حطت تقويم عدلتهم

في طريقة اضن غير التقويم

 

[حواء الكون]

مشاركة: أفضل العيادات الخاصه للأسنان

نجمة سهيل

ماتعرفين وين صاير مركز ابها او رقم التلفون واللي يعافيج؟؟

ومشكوووره واييييد

سبائك

دكتوره سلوى بعيادة خاصه ؟ وشنو اسمها؟؟

ومشكوره واييد

bnt q8 in usa

شنو هالطريقه اللي تقولين عليها ماعندي فكره عنها صراحه

 

[سبائك]

مشاركة: أفضل العيادات الخاصه للأسنان

دكتوره سلوى بعياده خاصه فيها في الجابريه بالعماره الي فيها صيدلية لمى
طبعا بشارع العيادات الي فيه مكدونالز
تلفونها 5328093/5328094
وهي استشاريه التركيبات الثابته والعلاج التحفظي

 

[النور الهادي]

مشاركة: أفضل العيادات الخاصه للأسنان

سلمج الله العياده في
الشعب البحري00عمارة أبها00
تليفونهم
2610534

 

[jaggy-cat]

مشاركة: أفضل العيادات الخاصه للأسنان

عن تجربة شخصية ،،، الدكتور/ احمد ابراهيم الهق
جراح اسنان
عيادة بوشهري كلينك
885544

 

[b6o6a]

مشاركة: أفضل العيادات الخاصه للأسنان

بنات بدرية أحمد وحليمه بولند و غيرهم مسوين تلبيس ومانصحكم لانه يطلع ريحة ما تنبلع !!
ختحط تقويم احسنلها
مركز الحمكه بلازا حولي الدور الاول دكتور سوريش ما تمر سنه الا التقويم شايلته او على حسب اسنانها شغله حلو

 

[b6o6a]

مشاركة: أفضل العيادات الخاصه للأسنان

عفوا ... مركز الحكمه >>>>>> غلطة مطبعيه

 

[دكتوراة بالذوق]

مشاركة: أفضل العيادات الخاصه للأسنان

شنو يعني تلبيس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ام أحمدووه]

مشاركة: أفضل العيادات الخاصه للأسنان

دكتور احمد الهق في بوشهري كلينك ممتااااااااز

 

[b6o6a]

مشاركة: أفضل العيادات الخاصه للأسنان

بنت الاحمدي ..

التلبيس يحكون ضروسج ويحطون فوقهم طبقه عشان يصيرون مرتبين يعني بدال التقويم يسوون جذي وطبعا يطلع شكله أحلى بس يطلع ريحه الطبقه الي يحطونها تطلع ريحه وييعععع اعرف بنات مسوينها لا يحوشك حتى اهيا تشتكي من الريحه!!

مانصح احد يسويه

حطو تقويم أحسن ...


وسلامتكم

 

[كويتية أمورة]

مشاركة: أفضل العيادات الخاصه للأسنان

انا سامعه عن الدكتور خالد الخياط انه وايد زين بس مادري وين عيادته يقولون كان بالميدان فرع الفروانية والحين مادري وينه
عاد مرة قابلوه برنامج بيتك وتكلم عن نوع تقويم اسمه سبيدي speedy braces هالنوه انا ادري انه بامريكا واوروبا بس مادري اذا موجود بالكويت او لأ
ياخذ نص المدة يعني بدال السنه بس 6 شهور وتخلصين
طريقته يسوون فتحات بعظم الفك ويركبون التقويم فتتحرك الضروس اسرع
الحين ابي اعرف مكان عيادته عشان اسأله اذا عنده هالتقويم ولا لأ


اما عيادة الحكمة رووووووعه بنت خالي هي واخوها واخت مرت اخوها وبنات خالتهم كلللللللهم مسوين عند الدكتور الهندي اللي بفرع حولي البلازا
واااايد زين حتى قالتله عن حالتي لاني احتاج عملية فك
قال خل تييني انا اسويلها تقويم خاص مال قبل العملية
وتدفعيله دفعات اول شي 400 وبعدين كل شهر 50
بس بنت خالي تقول لانه كل اهلها رايحين له فعادي يخليني ادفعله بس 100 وكل شهر 50
يعني اذا تعرفين احد رايحله قوليله انا من طرف فلانه وعلانه يقلل الدفعه الاولى


وبعد وااااايد مدحولي الدكتور ابراج بالهادي
حتى دكتورتي اللي بالمستوصف تقول انا شايفه تقويمه على ناس وايد ومضبوط

 

[b6o6a]

مشاركة: أفضل العيادات الخاصه للأسنان

كويتيه أموره انا اقصد الدكتور سوريش... الهندي

 

[كويتية أمورة]

مشاركة: أفضل العيادات الخاصه للأسنان

هو مال التقويم الوحيد اللي بالبلازا حولي
وايد زين

 

[b6o6a]

مشاركة: أفضل العيادات الخاصه للأسنان

اي صح وشغله سريع ما يطول

 

[كويتية أمورة]

مشاركة: أفضل العيادات الخاصه للأسنان

اي صاجة مايطول ماشاء الله سنه وشالته التقويم
في ناس يقعدون سنتين ولا ثلاث من له خلق عاد

 

[كويتية أمورة]

مشاركة: أفضل العيادات الخاصه للأسنان

مركز ابها وايد مدحوه وياخذون الفلوس دفعات بدون فوائد
منو جربهم؟

 

[Daffodil]

مشاركة: أفضل العيادات الخاصه للأسنان

مركز ابها وايد مدحوه وياخذون الفلوس دفعات بدون فوائد
منو جربهم؟

8
8
8