أفضل رؤية الفيلم بـنسخة ...................؟

[dream]

السلام عليكم ..:080402ask_prv:

شركة سينسكب الحصرية لسينما الكويت .. لها مميزات مانقدر ننكر هالأمر ..

تعرض أضخم الأفلام العربية والأجنبية فرش وحار وبحار

وفرت أفخم قاعات السينما وخدمة vip

خصم نصف سعر التذكرة في يوم واحد بالأسبوع (الأثنين)

اجهزة لحجز مقعدك بالاضافة الى إمكانية الحجز وانت في منزلك ..

وايضا الأفلام نستطيع رؤيتها بنسخ متعددة

نسخة i max

نسخة 2d

نسخة 3d

والنسخة العادية


والسؤال الآن هل تفضلين رؤية الفيلم بنسخة مختلفة غير النسخة العادية ؟

اذا كانت الاجابة نعم - تفضلي الى التصويت واخبرينا ماهو اختيارك ؟ والسبب ؟ وهل يعجبك سعر التذكرة ؟


>> لوووووووووووول حددددده العربي مو لايق علي

بانتظار تفاعلكم :edbf4317b9:

 

[حجيه هيونه]

انا بجاوب على سؤال واحد بس


سعر التذكره ابد مو عاجبني يعني احسه استغلال تدفعين 3 دنانير على تذكره روحي شوفي الدول الى بره شلون اسعارهم


بس احنا شغالين صلخ بالاوادم وياريت على سنع

وايد افلام يعرضونها قديمه ونازله بالتلفزيون وتوها توصل سينما الكويت


واترك المايك لباقي البنات لوول

 

[dream]

رفع

 

[عهود الحب]

رد : أفضل رؤية الفيلم بـنسخة ...................؟

الاسعار غالية و كانت قبل حيييييل أرخص
و بعدين في احتكار لأفلام الثري دي بالصالات الجديدة
والي نسخة عادية يقلعونه اخر الدنيا
و بعدين حتى الشركة الي تقدم خدمات البيبسي والبوب كورن غالية موووت
مشكورة عالمووضووع

 

[فراشه ذهبيه]

رايي من راي البنات

 

[ام الحوراء زينب]

صاجين والله
احنا بتايلند كنا نحجز فلم اذا ماعجبنا نروح غيره وترا تغيير الفلم بلاش
والفي اي بي عندهم حده راقي وحلو قنفتين كبار مريحين وكنابل ومخاد وبوفيه صغير قبل ماتدشين
مو اهني الفي اي بي استغفرالله

 

[catwiti]

افضل اشوفه بنسخته العاديه ليييش لان ال 3D بالسينما مو ذاك الزوود
اذا رحتو ال imax بالمركزالعلمي راح تلاحظون التقنيه عااااليه والشاشه كبيره وايد تحسيين صصصج داشه بالفلم بس بالسينما العاديه التقنيه مو ذاك الزود واذكر بفلم افاتار كان الفلم مو مريح للعييين عيينج تصير جنها حوله مايسوا دافعه قيمة 3D مادري شلون بس كملنا الفلم تعودنا مع الوقت فعشان جذي افضل اشووفه عادي مثل ما اهوو

 

[dream]

والله كلامكم من ذهب يا بناااات

مع الأسف اللي قعد يصير حاليا أسعار غالية وجودة زيرو !!

رفع بانتظار البقية يمكن لهم رأي مغاير أو تجارب مختلفة

 

[dream]

رفع

 

[أمواج البحر]

احب اشوف الافلام بالاي ماكس

ال3دي ما عجبني لان الشاشه عاديه

بس الاي ماكس وايد احلى .. او الشاشه العاديه

بس صراحه من نزلوا الاي ماكس قمت ماراح الا لها

وسعر التذكره غويلي شوي بس خلاص تعودنا

ان طاعك الزمان والا طيعه

 

[queen pink]

احب اشوف العاديه لان احلى وثاني شي مو عاجبني سعر التذكره حرام عليهم مو كافي الاسعار صايره نار