أفضل مانع حمل جربتيه .. ومضمون

[Om_HoBi]

السلام عليكم

شلووووونكم

بنات ابي افضل انواع موانع الحمل اللي جربتوها


-اللولب .. و نوعه
-الحبوب و اسمها
-العزل(القذف الخارجي)
-الواقي الذكري
-طريقة العد .. تجنب ايام التبويض

و في الرضاعه الطبيعيه بس ماتنفع اللي مايرضع

فبعرف شنو شي جربتوه و ارتحتو عليه و مضمون

و اللي ركبت لولب ابي تفاصيييييل عنه من بداية التركيب
واللي جربت حبوب شنو آثارها الجانبيه لأن اذا تعفس النفسيه مابي


اتمنى اقرا تجاربكم و الكل يستفيد

 

[جوزائيه مغروره]

انا جربت العزل واموري اوكي كانت بس اكتشفت انه الريال نفسه يتعب نفسيا من هالسالفه

 

[لوولوو_88]

ما جربت الحبوب ابد .. جربت العزل و فعلا يتعب الريال بس أضمن شي .. الواقي الذكري مو أي ريال يتقبله و يضايقهم .. طريقة العد لا يمكن اني اجازف فيها معنا دورتي منتظمة و تفيد الي منتظمه عندهم .. و اللولب هم ما جربته افكر فيه اذا بوقف أعيال 3 سنين .. و عندج اللزقه هم زينه رفيجتي مرتاحه عليها ..

 

[مذهلة2013]

اللولب ماانصح فيه
وحده اعرفها ركبته سنه وشي
وشالته والحين بتحمل مااتقدر مع انه كل شي سليم
انا كنت استخدم العزل الخارجي
وزوجي مرتاح بس حتى انا سمعت انه هللشي مو زين
للزوج

 

[Om_HoBi]

انا ابي اوقف سنتين ثلاث و دكتورتي نصحتني باللولب
اكيد ماراح استمر على حبوب كل هالمده
و اللولب في نوعين
بس انا خايفه من طريقة تركيبه ان تعور بس

 

[Um Rashed]

لا عادي ماتعور اللولب om hobi عادي جدا لانه حجمه صغير وبعدين يختلف كل وحده ترتاح عليه ولا لا واول الاشهر طبعاا الدوره تتخربط .........
العزل افضل الطرق بالنسبه لي.

 

[Um Rashed]

لا عادي ماتعور اللولب om hobi عادي جدا لانه حجمه صغير وبعدين يختلف كل وحده ترتاح عليه ولا لا واول الاشهر طبعاا الدوره تتخربط .........
العزل افضل الطرق بالنسبه لي.

 

[لما ضاقت]

العزل ماله اي أضرار على صحتك و هو الحل الأفضل بالنسبة لي

 

[glby7sas]

والله اختي ماجربت اللولب بس اختي جربته وبصراحه احملت عليه واكتشفت انها حامل لانه صار معاها نزيف يوم راحت للدكتوره شالته وسوتلها تحاليل طلعت حامل
الحبوب اخذيها بس لازم دكتوره تحددلج اي حبوب تناسب مع جسمج بس لحبوب اذا نسيتيهم يوم احتمال تحملين
بالنسبه لي افضل العزل افضل شي طبيعي وماتخافين منه واذا زوجج متفهم فراح ترتاحين

 

[Om_HoBi]

ام راشد
اقصد تركيب اللولب مو اللولب نفسه
يقولون يفتحون الرحم بالبطه و يدخلون اللولب يعني ان يوسعون المهبل عشان يدخلونه فانا خايفه من هالشي ان يعور

انا ابي لولب لأن اضمن شي و نقدر ناخذ راحتها
اما العزل بكل مره فمو شي مريح حق الريال
و بالله بالغلط صار داخل ههه

 

[baa6aa]

انا نفسج خايفه من طريقه اللولب
بس قالولي ماراح تحسين فيه لان. ضعيف بس تحسين بنغزه اذا حطت اللولب فقط

 

[سنيار البحر]

حرام طريقه العزل تتعب الزوج نفسيا وما يرتاح بكل مره يكون مع زوجته
حتى لو بين انه عادي
تخيلي ان يوصل فتره النشوه بعدين يوقف نفسه غصب عشان ما تحمل زوجته

اللولب افضل حل
ويكون عادي مو هرموني

 

[Wild Cat 007]

بنات سمعت عن حبوب جنيرا وايد يمدحونها ما تسبب عصبية ولا تمتن بس ما جربتها ودي اجربها عقب الولادة

 

[الأميرة جوري]

مارفولين حلوووووووووووه