أفضل نادي صيفي لعيالكم- أتمنى التعاون للمصلحة العامة

[الصابرة المحتسبة]

السلام عليكم ورحمة الله وبركاته​

العطلة الصيفية بدأت والأغلبية تبحث عن نوادي​

صيفية ممتازة الى جيدة لأبنائها​

هنا يتم التصويت على النوادي التي سبق​

وتم الإشتراك بها.​

أتمنى التعاون لتعم الفائدة المرجوة من الموضوع:eh_s(17):​

 

[حلم الطفولة]

مشكوره الصابره ،،
التنويع حلو من صيف لي صيف

أتمنى أكو نادي ثقه يحتوي عدة أنشطه : تحفيظ القرآن ، سباحه ، رياضه ، وأنشطه هادفة تنمي الشخصيه
لكن ماكو شي يحويهم كلهم مع بعض

اختياري يذهب للأنديه ذات الترفيه والرياضه وصقل الشخصيه وحفظ القرآن

نادي الدرر للفتيات : قرطبة إحياء التراث : 25362680
نادي القوارير : الشاميه
97893779

سنايا : إصلاح الشاميه ،، دوره خمسة أيام كامب مبيت ،،


شكرا حبيبتي ,,

 

[الكيكة الأمورة]

انا ما اخترت بالاستطلاع لان موعارفة اختياري تحت اي فئة لان عيالي سجلتهم بمركز درر اهم مو معتمدين على حفظ القرآن عشان اختار حلقات تحفيظ
برنامجهم تحفيظ وعقيدة ورسم وتلوين وطبخ واداب
ومشكووورة على الموضوع
جزاج الله خير
وجزاه الله خير اللي بتكتب تجربتها

 

[نور الكويت13]

موضوع حلو والله

 

[عطورات المطيري]

شكرا لكم
لاني كنت احوس ادوور
سؤالي لغاليه حلم الطفوله هذا الناد للبنات بس
لاني بسجل ولدي
جزاكم الله خير

 

[BaLLoNa]

اي والله انا بعد ابي نادي حق ولدي بو ٤ سنوات انشالله اتفيدوني ، انا مسجلته بنادي و مرتاحة منه كلش ، كل يوم ايني ولدي متعور وطايح احس مايدرون عنهم، ابي مكان قريب الجابرية منو يفيدني

 

[HoOoney]

انا سجلت ولدي بسراج المنير نصيحة بنات لحقوا دخلوا عيالكم
ماشاءالله مدرسين اخلاق محترمين يعلمونهم القرأن والصلاه
ويودنهم رحلات مرتين بالاسبوع
وبلاش بدون فلوس
من عمر7-14 ابتدائي ومتوسط

 

[الكويت غالية]

انا سجلت عيالي بنادي اقرا الصيفي تبع القاعدة المطورة فرع عبدالله المبارك
وبصراحة للحين ماشاء الله قمممممممة والحمدلله عيالي حيل مرتاحين معاهم
وجدولهم كالتالي
السبت : سباحة
الاحد : دراسة ( عربي او انجليزي او تحفيظ قرأن )
الاثنين : الاولاد ( كاراتيه ) والبنات (اشغال يدوية )
الثلاثاء : رحلة الاولاد ( ملعب صابون _ ملعب كرة قدم .......الخ )
البنات (قرية الاطفال _ طفل المستقبل............الخ )
الاربعاء : راااااااااااحة
الخميس : دراسة (تحفيظ قرأن )

ماشاء الله حيل عجني هالنادي والمشرفات بنتي حيل تمدحهم
والرحلات والوجبات اثناء الرحلات على حساب النادي

 

[ام الشوامس]

ابي نادي حق ولدي عمره ٥ سنوات
و يكون بالمنطقه العاشره و في حفظ قرآن
ماعليكم امر

يزاكم الله خير

 

[baby qa6wa]

upupup

 

[om-mnooorooo]

السلام عليكم خواتي

العيال مشتركين في نادي تعليمي و ترفيهي تابع لمركز إبداع في منطقة أبرق خيطان ،، رقمهم 90989688

مدرسات كويتيات و أصلا كانوا معاهم من الكورس الدراسي و تحسن مستواهم الأكاديمي وواايد مع هالأبلات و هالمركز الصرااحه

جدولهم الترفيهي حلووو يشمل طبخ و أعمال يدوية و رياضة و قراءة و انقلش و رحلات

فايدة و متعة مع بعض.. بس ماكو كاراتيه و سباحه (أحسن لأني أحاتي من سالفة طقني و أطقك خاصة مع عيال الوزن الزايد اسم الله عليهم)

و الحين حق رمضان عطوني إعلانهم عن دورة الدور الثاني و دورة منهج العام القادم و دورة حفظ القرآن الكريم و دورة التأسيس انقلش و عربي و رياضيات

و بالنسبة حق التقييم..

انا أعطي حق مركز إبداع اللي في منطقة خيطان نسبة ألف بالامية مقارنة مع مركز ثاني لي تجربة مأساويه معاه في منطقة العميريه

الله يوفق الجميع

 

[.،:"$الـعـوبــــة$":،.]

:eh_s(15):​

 

[الصابرة المحتسبة]

جزاكم الله خير

 

[قمه النعومه و الأنوثه]

شركت ولدي بالصيف بمدرسه التكامل ثنائيه اللغه
كورس انجليزي
وفي عندهم انجليزي وترفيهي مع بعض وسعرهم حيل مناسب
80 دينار فقط

 

[الصابرة المحتسبة]

يعطيكم العافية خواااتي

 

[aady]

up
up

 

[الصابرة المحتسبة]

رفع

 

[7ooR]

آنا ناويه ادخل عيالي بإذن الله بنادي المدرسه البريطانيه الدوليه ibs

انا شفت برنامجهم عجبني ترفيهي و انجليزي

بس للحين مادخلو عيالي باذن الله ع الاسبوع الياي

في احد جربه من قبل او دخل عياله بالدوره اللي فاتت ؟؟؟

وبالتوفيق جميعاً 

 

[مهندسة الابيات]

في عندكم حضانة المرتقى حق طارق سويدان رووووعة

كل اسبووع رحلة عندهم جدول انا خواتي فيه يستقبلون م ن سنة ونص لى 8 بنات والصبيان الى 6

المديرة فاطمة لين رووووعة وحبوووبة حيل مكانهم الروضة شارع حيان التوحيدي قطة 3 بس التلفون حسافة ما اعرفه

 

[الصابرة المحتسبة]

رفع