أفكارنـــــــــــــا لخـــــبرة صحـــتـــي وسلامتـــــي

[ابيار]

خبرة صحتي وسلامتي

معلمات اولى

نبي الهمة و الابداع والافكار للخبرة الجديدة

صحتي و سلامتي
شدوا الحيل خاصة اللي ما خلصت من الموجهة

واول طلب

ابي يتعرف على الغذاء الجيد واهميته
ويحرص على التنوع فيه

 

[أم حمووود]

رد: خبرة صحتي وسلامتي

ممكن تقدميلهم وجبة توست تكونين محشيتها بيض وجبن وخيار وتناقشينهم عن مكوناتها طبعا اللي قلتة لج فية مجموعات الغداء الاربعة اللي هو مجموعة الحليب(الجبن)ومجموعةاللحوم(البيض)ومجموعة الخبز(التوست) ومجموعة الخضار والفواكة(الخيار) وتناقشيهم عن أهمية المجموعات الاربعة وممكن تسوين مسابقة تصنيف المجموعات الغدائية سلة يكون فيها مجموعة من الاغدية المختلفة طبعا يكونون بلاستك عشان ما يلعبون بالنعمة وبعدها اربع سلال تضعين عليهم صور تخص المجموعة ويصنفولج الاغدية حسب كل مجموعة

 

[أم سعـود]

قووه حبيباتي

طبعا الموضوع واضح من عنوانه نبي تجمع افكار الخبره اليديده لمستوى أول

من نشاط وحلقات ولاصفيات وغيره


ببلش انا وبحط تحضير الاسبوع الأول

الهدف العام : التعرف على اعضاء جسم الإنسان ومصادر الغذاء الحيواني وأدوات النظافة والغذاء المفيد


الأحد
- يتعرف على اعضاء الجسم
- يحمد الله على نعمه
- يقلد حركة تنظيف اعضائه


الأثنين
- يتعرف على صورة حليب
- يتعود على شرب الحليب
- يردد آية الخبره


الثلاثاء
- يربط العدد (3) بمدلوله من خلال أدوات النظافه
- يحرص على نظافة جسمة
- يؤدي حركات تنشيطية


الأربعاء
- يتعرف على الغذاء المفبد
- يحرص على تناول الغذاء المفيد
- ينشد نشيد مرتبط بالخبره


الخميس
- يتعرف على مصادر الغذاء الحيوانيه
- يحمد الله ويشكره على نعمه
- يجمع مصورات من أركان الفصل


يالله شدو الهمه بنشوووف ابداعات معلمات المستوى الأول​

 

[الحياة]

رد: خبرة صحتي وسلامتي

انا بعد مادري شسوي حق درس الغذاء الجيد .. او المفيد ..

ابي منبه حلو استنتاجي وودي اسوي بالكمبيوتر احسن .. بنات في بالبرمجيات قصه عن الغذاء الجيد واااااااايد حلوة في مقطع بالنص خليه سلوكي وااايد حلو واللي اهوه الحرص على عدم الاكثار من الحلوى . ينفعج..
بس المنبه مادري شهبب حق الموجهه او حق الناظرة .. شرايكم شسوي؟؟

 

[تفااحة]

قوة بنات .....................................

انا درسي الاحد انشاللة يتعرف على اعضاء جسمة قولولي شسوي ؟؟؟؟؟؟؟؟؟؟؟؟؟؟؟؟؟؟؟ ابي درس حلو متوقعة الدخوووول علي الاحد....

 

[Eva-SS]

ام سعود الهدف العام عندج حيل وسيييييع

هالخبرة 3 اسابيع مو اسبوعين يعني اول اسبوع التعرف على جسمه وادوات النظافة


الا صج شنو احط منبه لصورة مشط

 

[غلا93]

حبيبتي ام سعود الخبرة اسبوعين والاسبوع الثالث مناسبة الحج

 

[84 Miss Chocolate]

ام سعود الهدف العااااااااااام واييييييييد شامل خلي اسبوع اعضاء الجسم و اسبوع الغذاء المفيد ..

 

[تفااحة]

وييييييييييييييييييييييييييييينكم بناااااااااااااااااااااااااااااااااااااااااااااااااااااااااااات ....................

ابي منبة عن اعضاء الجسم ؟؟؟ وشقول بالدرس وشنو احط مسااااااااااااابقة

 

[ابيار]

رد: خبرة صحتي وسلامتي

بنات شرايكم للغذاء الجيد اسوي المنبه

بجريدة لقيتها وانا افتحها يكون بكل صفحة جزء بالاخير يكونلي سلة فواكه او اي شئ ثاني من الغذاء المفيد
ومنها ادخل للدرس
وانا مستوى اول
ما ادري شقول بالنسبة للغذاء الجيد
اتوقع المجموعات الغذائية للمستوى الثاني اولى ما ادري شنو؟؟

 

[ليونه الليمونه]

رد: خبرة صحتي وسلامتي

حلو وتقدرين بعد تسوين من أعواد الأسنان سلة فواكه

 

[DoOoOoha]

رد: خبرة صحتي وسلامتي

بنات انا درسي مصادر الغذاء النباتي والحيواني

ابي منبه فلته وشنو اقوووول

؟؟؟؟؟؟؟؟؟؟؟

 

[أم سعـود]

المشط حلوووو تقدرين تسوينه صلصال شوووفي يبي علبه خليها تفر عليهم مع الموسيقى

وعقب يكون فيه صلصال وعواد أذون اللي ينظفون فيها الأذون

وعقب تسوين بالطين نفس الحيه خط طويل

بقولون حيه ويقولون مادري شنو وانتي وطرقتج خلي اول شي واحد يطلع الطين ويحاول يشكله وساعديه

عقب عاااد حطي لمساتج عواد الاذون اتكونين مقصصتهم يعني الابيض اللي ينظف بس تقصينه يعني من العود بيكون اثنين بيض

المهم وحطيهم نفس المشط


والا تقدرين عود اسنان المهم يتشكل المشط

 

[أم سعـود]

تركيب اعضاء الجسم

 

[Om_Ksha]

بنات انا تصنيف الغذاء الغير مفيد شنو المنبه !!

 

[ابيار]

اللي اعرفه ان ما في شئ اسمه غذاء غير مفيد

اللي فيه ان الاكثار من اي صنف يؤدي الى الضرر
مثل الحلوى القليل منها عادي و الكثير مضر

 

[anona79]

هو الغذاء غير صحي
مثل الحلويات والمشروبات الغازية الاكثار من تناولها مضر بس لها فايدة

 

[* @ * كرستال * @ *]

هو الغذاء غير صحي
مثل الحلويات والمشروبات الغازية الاكثار من تناولها مضر بس لها فايدة

الكاكاو مفيد نعم
شنو فايدة المشروبات الغذائية ؟
وشنو فايدة الحلاو المليان أصباغ ؟

 

[* @ * كرستال * @ *]

بنات انا تصنيف الغذاء الغير مفيد شنو المنبه !!

- ربطي الغذاء المفيد وغير المفيد بصحة البدن
- شجعيهم على تناول الغذاء المفيد
- دورج كمعلمة تنصحينهم بالابتعاد عن الغذاء الغير مفيد
- وطلبي منهم تصنيف النوعين بفصلهم عن بعض و إعداد وجبة صحية متكاملة
( تتكون من الحليب واللحم السمك الدجاج الفواكه الخضار الخبز البيض الأجبان )​

 

[الزين 83]

ابي منبه لصورة فرشاة