أفكار لعمل النون ( للطفل اللي طلعت له ضرووووس )

[أم الحلوة جمان]

بنات كويتيات
شلوونكم و شخباركم
بنات بغيتكم تساعدوني بأفكار لعمل النون للطفل اللي طلعت له ضرووووس
شنو في فناتق تنحط أو تتسوى بالنون
والفلوس شلون يحطونها بالنون ؟؟ يعني ابي أفكار غريبة و حلوة

 

[sondos]

اى والله حتى انا ولدى ابى اسويله نون بس نب افكار من غير تنثر و تحذف

 

[lady_flana]

احنا اخر مرة سوينا نون ام الياهل حطت ارباع.. لفتهم بشريطة ومع الحلاو... بس اذا تبين.. حطي شي مميرز مع الارباع... يعني.. بواحد من الارباع حطي معاه شريطو مميزة اللي ياخذه لها هدية ثانية.. اوكتبي اسم الياهل على الارباع عشان تكن ذكرى حلوة....بس هاذي اللي عندي.. احاول ابدع واعطيج

 

[ساره ستايل]

انا بسوي نون حق ولدي لأن توني طهرته حبيبي
بسوي النون العادي.. بحطه ابزبيل وبقطه .
بس عقبها بخلي اليهال يغنون على ولدي (سلم حمودي يالله خلله لامه يالله)
وحتى الخدم بخليهم يغنون له ..
وشريت هدايا من بو100 حق اليهال من بنات وااصبيان
وحق الخدم بعد عشان يستانسون الفقارى
وبحط صندوقين واحد بحط فيه هدايا بنات
والثاني هدايا صبيان
بخلي كل ياهل كان يغني اكثر ياخذ هدايا اكثر
وبعد الياهل اللي جمع اكثر كمية من النون بخليه ياخذ هدايا اكثر

وسلامتج
عسى تفرحين ابولدج معرس يارب

 

[أم الحلوة جمان]

مشكووورين بنات على المرور
و على الافكار
وودنا بعد بمشاركات و افكار

 

[أم الحلوة جمان]

يالله بنات الكويت شاركونا بأفكاركم لا تبخلون فيها علينا

 

[العنونة]

الي آنا خابرتة إن النون حق الياهل لي مشى , هذة أول مرة ان الياهل لي طلع له ضرس أو طهروة يسوولة نووووون ..... على العموم حلاة النون لوية وهيصة وازعاج وحلاتة أكثر تسوونة بالبيت العود عند الجدود الله يخليهم ويطول بعمارهم .... تقدرين تحطين الفلوس بداخل علبة البلاستيك مالت البيضة كندر أو اي نوع ثاني وخلي النون قطع كبيرة ما فيها مخلط ومكسرات ( عشان ما تنتلفون ) والمخلط وزعية عقب .
بعد لي كبيتي النون شيلي منة شوية ولي فكروا انة خلص ردي كبية وشوفي نقزتهم واصراخهم شلون يشيل المكان شيل وسلامتج .

 

[وجوده]

شنوالنون اول مره اسمع فيه؟؟

 

[أم الحلوة جمان]

هلا اختي العنونه
مشكورة حبيبتي على مشاركتج
والله الحين على كل شي يكتون نوون اذا طلع له ضرس - واذا مشى - واذا طهروه - واذا تخرج .... الخ ما بقى شي ماسووله نوون

اختي وجوده : النون عبارة عن حلويات تخلطينها مع فلوس و تكتينها على الياهل اذا صار واحد من الاشياء السابقة اللي قلتها. و طبعا الأهل يكونون موجودين كبار و صغار و توزعين عليهم اكياس و كل من يخمط و شوفي عاد المخامط و الدز و الوناسة كل من يبي ايمع اكثر علشان الفلوس.

 

[أم الحلوة جمان]

يالله بنات شاركوني بأفكاركم

 

[mooomooo]

انا الله يسلمج ولدي البجر سويتله نون

يبت زبيل عوووود حطيت فيه الكاكاو والحلاو بس الارباع دبستهم بالحلاو هخخخخخخ

وبعض من الحلاو وديته عند محل حطلي اياه ابالونات كبار يه وعلقلي اياهم بالسرداب وكنت يايبه مقدمة برامج قالت شعر عن ولدي وبطتهم البالونات كان شكلهم عجيييييب وكان حاط معاهم زري ملون وعقب يبت الزبيل كملت عليه

 

[أم الحلوة جمان]

اختي مووومووو
ماشالله فكرتج حلوة
بس انا ماراح اسوي حفلة وبرامج لأني بسويه في يوم الزوارة في بيت أهل ريلي مرة و في بيت أهلي مرة ثانية ( علشان لاحد يزعل)
بس فكرة البالونات اعجبتني . شنو المحل اللي سوالج البالونات
ويعطيج العافية.

 

[بنوته ادرايه]

مرحبا
حطي فلوس خرده (100 فالس و50) ولزقيهم مع الكاكاو والحلاو وتقدرين بعد تحطينهم في بالونات يكون النون في البالونات وفي زينه بعد من داخل...
اخوي كان مسويه في مرح لاند الي بالشويخ... والله يبلغكم غي عيالكم يارب

 

[بنوته ادرايه]

مرحبا
حطي فلوس خرده (100 فالس و50) ولزقيهم مع الكاكاو والحلاو وتقدرين بعد تحطينهم في بالونات يكون النون في البالونات وفي زينه بعد من داخل...
اخوي كان مسويه في مرح لاند الي بالشويخ... والله يبلغكم في عيالكم يارب

 

[أم الحلوة جمان]

اختي بنوتة ادراية
وين صاير مرح لاند ؟؟؟ اي صوب بالشويخ؟
و مشكوورة

 

[mooomooo]

انا سويته محل بالفروانية

نسيت اسمه والله بس دخلة الفروانية المجمع اللي جبال كناري

ناسية اسمه والله لاني النون كان سنة 2002 هخخخخخخ

 

[أم الحلوة جمان]

مشكورين خواتي
ان شالله بحوس بالفروانية و بدور المحل

 

[ساره ستايل]

ام جمان
توني نزلت موضوع عن النون

حياج شوفيه وانشالله تستفيدين

 

[أم الحلوة جمان]

اي مشكووورة وايد سارة
والله يخلي لج ولدج ان شالله
و تفرحين فيه معرس