أفكار هدايا للمعلمات لنهاية الموسم الدراسي <<< يستاهلون

[< نور عيوني >]

السلام عليكم


الموضوع مبين من العنوان

نبي أفكار لهدايا للمعلمات تقديرا لجهودهم طول السنه
اكيد ملوا من المواعين <<<< ما أحب هالهدية بالمرررررة



ابي الكل يشارك
بالذات المعلمات بما أن الموضع يخصهم

شنو تحبون المديرة او رئيسة القسم يهدونكم ؟
تدرون مرات الواحد يجتهد وآخر شي ما تطلع الهديه ذاك الزود



يلا همتكم نبي أفكار

ونبي فناتك

 

[ام المعلمات]

هلا يانور عيونى الهدية الصجية هو التقرير فيه تميز والهديه الثانية الى يطلع من الادارة السنة هذى الادارة غيرت من الماعين حولت الى الساعات ماركة قس عرفتيها نو عيونى انشالله افتج وتقبلينى لانى اول مره اشارك[/SIZE:hjy5jewf:​

 

[< نور عيوني >]

مشكورة حبيبتي ع المشاركه
صح التقرير هو أحسن هديه

بس هم يستاهلون

خوش فكرة ساعات قس

 

[فطفط نجد]

نبي افكار اكثر مشكورة حبيبتي على الموضوع

 

[أبلة لولوة]

سوي لهم كيكة كبيرة فيها عبارة مثلا

حبيباتي
شكرا .. لا تفي بحقكم

مع بوكيه ورد صغير لو بدينار افضل من ماعون بنص ومايرد الروح

وشكرا وبالتوفيج يارب

 

[بناتي سكر نباتي]

والله راهيات تبون ساعات قس طيب واذا عندج امية معلمة شيلحق تهدي الادارة هالساعات اقل وحدة فيهم سعرها حول 30 وشي اذا بعد مسوين عليها تخفيض
والله انا برايي مومهم القيمة المادية مواعين والا اكواب والا حتى بخور



................
اهم شي احد حاس بشغل المعلمة ومقدرها

 

[< نور عيوني >]

مشكورين على التفاعل

يلا بعد نبي أفكار

عجبتني الكيكة

 

[عهود الحب]

والله ماعندي مانع يهدوني طقم الماس
خواتم تراجي مومشكلة

بس مليت من هداياهم
قلاصات ولا مواعين ولا حتى شموع







لاتصدقين

ترى اخر مرة تكرمت على تعبي اللي اتعبه بالتدريس كان قبل سبع سنين
حسبي الله و نعم الوكيل

ما نبي غير يكفون شرهم عنا
حتى التقرير يأسنا من العدل فيه
ليتنا سالمين بس

 

[< نور عيوني >]

الله يرزقك يا عهود باللي يقدر تعبج ومجهودج
لا تصيرين متشائمة


يلا همتكم وأفكاركم

 

[bal8es]

والله انا ما عرفت شنو اخذ حق مدرساتي بما اني طالبه واخر سنه فقلت لازم يعني اهديهم اي شي بسيط يتذكروني فيه
فخذيت لهم كل وحده بروااز حلو فيه لوحة يعني من سنتربوينت الواحد يعني على 3 و4 طبعا مشالله حق كل مدرساتي وكاان ودي اخذلهم شي احلى بس صراحه مزانية الوالده ماتسمح خصوصا ان عندي بعد 2 من خواتي خريجات بمراحل 2 فهم ودهم ياخذون هدايا من مبدأ تهادو تحابو
اتمنى اني فدتج

 

[< نور عيوني >]

مبروك التخرج حبيبتي

والباقي ..... بعد

 

[حـنـيـن]

شموع والفواحات والسوالف هذي
أو براويز - بخور- وعطورات
أو تسوين لهم أخر يوم ريوق مثل البوفيه ومعاهم كيكه

 

[أم علاوووي 70]

الصراحه الهديه تفرح الإ‘نسان و لو كانت بسيطه . ( يقول النبي الكريم تهادوا تحابوا ) و تعرفين مجتمع المدرسه لا بد أن يحدث فيه مشاكل بقصد أو بدون قصد و ذلك لكثرة الضغوطات ، فالهديه يمكن أنها تزيح ما علق بالنفس .
أنا أرشح لج يالغاليه عطورات أو مخلطات أو بخور .

 

[عهود الحب]

حبيبتي تسلمين
تذكرت شغلة
في محلات البخور الكويتية مثل الفودري ومحل ثاني بالمباركية نسيت اسسسسمه ! و طقتهم
تلاقين عندهم هدايا جاهزة ومتنوعة وتهبل
سلة ملبسة خام الوان واشكال وداخلها انواع عطورات وخلطات ومعمول وبخور
وتطلع عليج حسب طلبج وميزانيتج يعني من 7 و فوق

حسب ما اتذكر
انا بنظري مجرد تفكيرج يكفي وحلو حيل بحق معلماتج


و في ناس يهدون فلاشات مرتبين حلوين عليهم شوارفسكي وحركات
و في ناس يهدون مصحف بمخمل وله صندوقه يهبل شكله وما يطلع عليج غالي

موفقة

 

[كل شيء عادي]

حبيبتي عطيهم شهايد تقدير بس كتبي فيها عبارات ممييييييييزه
وراح يستانسون مره عليها

 

[< نور عيوني >]

حنين
أم علاااوي
عهود الحب
كل شي عادي

مشكورين ع المشاركه
حلوه حييييييييييييل أفكاركم
العطور والفلاش الكشخه خوش هدايا

وين ألقى فلاشات جذي ؟ شوارفسكي وحركات





وين الباجي
نبي الكل يدلي بدلوه <<<< متعوب عليها هالجملة

 

[قـہۈه فـرنسيـہ™]

في فكره حلووووووه أذكر لما كنت طالبه آآخر السنه وحده من مدرساتنا كرمتنا بالصف ....

عطت كل وحده برواز يكون كشخه فيه مقاله صغيره .......
مثلااا : (........أي اسم......) أنتي شمعة المدرسه ...زرعتي المحبه التفاؤل في قلوب زميلاتك ومعلماتك .......................الخ
وأي جمل صغيره بس تكون معبره
وآخر شي اكتبي اسمج (المديره......)

 

[< نور عيوني >]

قهوه فرنسيه مشكووووووووووورة على الفكره الحلوه


وبعد ؟؟؟؟

 

[بنت ناس وقلبها الماس]

والله زهقنا من مواعين رامز ترست البيت منهم ومرات اخليهم بالقسم نستعملهم للسنة الياية
وبعدين انا بعررررف شي ,,,,,في سؤال يقرررررقع بقلبي
جم ميزانية المدرسة بداية كل عام ؟؟؟؟يعني ما في شي يتصلح بالمدرسة التكيف خربان البرادات حاارة الحمامات مستهلكة
وهم ياخذون من الطالبات دينار بداية كل سنة للصيانة
القسم 150 حق اقلام وشفافيات وحبر وغير وما تلحق
لا والتصوير على القسم الادارة ما لها شغل مع اني عرفت ان في ميزانية خاصة للاوراق وفي شركات تبيع للمدارس رخيييييص
وعندكم المقصف جم يدخل عالمدرسة ؟؟؟ يطلع ذهب حسب معلوماتي ...وبعض الناظرات الله يسامحهم ما يوزعون ارباح بالعدل
يعني اللحين المدرسة تكررررررف والاداريات مساكين هم يشتغلون مستخسرين فيهم هدايا عليها القيمة ,,,,انا ما قلت ذهب بس عالاقل شي يسوى
لما يعطونج الهدية جنه يقولون لج هذا قدرج و واايد عليج والله شي يحز بالخاطر
شوفوا الوزارت الثانية حفل بفندق واشياء منظمة وهدايا سنعة وكلمة شكر ....ما نبي بفندق بس عالاقل شغل مرتب
احنا لالالا مع كلمة الشكر تذكييير بالمواقف السيئة اللي حصلت اقلبت كلمة الشكر لذم
لالالا وبعد قطية لبوفيه تكريمكم يا معلمات ... شلون مكرمينا ومن جيبنا ... والله يعجبوني المدرسات اللي من الجنسيات الثانية ما يدفعون وهم يدخلون البوفيه ....بس احنا لالا نستحي الكل قط حتى لو مو عاجبنا بنقط !!!!
يعني الواحد يشتاق للشغل اذا في دافع وثناء من الادارة


بس الشكوى لله وجزاءنا عند رب العالمين

 

[بنت ناس وقلبها الماس]

ما عليه اعذريني طلعت اللي بقلبي من تساؤؤؤؤلات
وما قلت لج افكار
حلو مغ كوب مطبوع عليه شكرا او اي عبارة مؤثرة
داخل جيس حلو مع شهادة تقدير وبوكيه ورد صغيرون
وطبعا الالوان تلعب دور مع شرايط وحركاات
او من سنتر بوينت شموع او من ماركس اند سبنسر وكلهم يسووون تنزيلات هالحزة
بس انا احب الكلام الحلو المكتوب على الهدية او بشهادة التقدير